度小月 (海運大廈) (已結業)

之前一直想試下食台灣野既度小月，見海港城cupon list 可以起度小月用，所以weekend 去左試下。 三點左右到，唔洗點等位就有職員帶入店內。叫左祖傳肉燥飯，三杯雞煲同埋柯仔穌。肉燥飯正常發揮。三杯雞煲味道可以但個人覺得雞切到比較細粒，應該有一半左右係3/4骨黎，雞肉比較少。柯仔穌上枱既時候已經係唔熱，食落口冇咩味，要點一點格離d粉食先有返d 味。每樣份量黎講都比較少，總結係試過一次就夠，唔會再回頭食

假期難得唔使排隊就試咗風摩一時嘅度小月，鋪面幾大，裝修都有台南風味、仲有海景睇🌊但二人枱好細，叫多兩樣嘢都驚冇位擺。蒼蠅頭其實即係使中黑豆豉炒韭菜花同肉碎，好少喺香港嘅台灣菜見到呢道菜，所以都有驚喜，食落都幾香口😋烤紹興香腸冇特別，普通台灣腸一條。紹興酒香雞好香花雕酒味，肉質滑嫩，份量還好三杯雞煲一打開個煲超香九層塔味🤤微微焦香好惹味，同我喺台灣食嘅味道都幾次，算正宗嘅！但份量就真係少咗啲😰雞件得7、8件擔仔雙拼細細碗，雙拼嘅話多一層口感但啲麵兩啖就食晒，湯底同肉燥點都幾夠味 但係肉燥份量就唔多，蝦都係得一隻🥲整體不過不失，味道OK但係份量真係少得可憐🥲兩個人嗌左六樣嘢+杯珍奶 食完都唔夠飽 但都要五百幾蚊落樓🤦🏻‍♀️性價比真係低咗啲

🌸海港城美食🌸維港海景🌊🇹🇼度小月🇹🇼1️⃣三杯雞 $98正宗台灣叶唔道👍🏻惹味😜美味指數：⭕️⭕️⭕️⭕️⭕️賣相指數：⭕️⭕️⭕️⭕️❌抵食指數：⭕️⭕️⭕️❌❌2️⃣祖傳肉燥飯 $28 味道尚可✔️但係份量偏少❗️美味指數：⭕️⭕️⭕️❌❌賣相指數：⭕️⭕️⭕️❌❌抵食指數：⭕️⭕️⭕️❌❌3️⃣炸花枝丸 $58 一碟有四大粒，香脆可口😋好有台灣味道👍🏻美味指數：⭕️⭕️⭕️⭕️⭕️賣相指數：⭕️⭕️⭕️❌❌抵食指數：⭕️⭕️❌❌❌4️⃣擔仔麵 $28 味道尚可✔️但係份量偏少❗️美味指數：⭕️⭕️⭕️❌❌賣相指數：⭕️⭕️⭕️❌❌抵食指數：⭕️⭕️⭕️❌❌是次消費：使用了2張海港城美食券（減$50x2)💸$233.2-$100 =$133.2注意‼️味道幾好但食物份量偏少🙈

平時好少食台灣菜 亦唔中意去台灣 不嬲覺得台灣菜冇乜特別又油 腸包腸包腸 肥豬肉粒撈飯 但經過尖咀 嗯～好香！ 再望望條龍 嗯...好狠多人！ 但真係好香！堂食！唔驚！照排！！坐低即刻嗌左咩咩覺得已經冠絕台灣菜嘅三杯雞嚟餸飯、嗌咗碗粿條當飯、用嚟充撐場面嘅炸花枝丸、同埋一碗朋友一號要求嘅滷肉飯。丫仲有杯珍珠奶茶同香檳巨峰提子乳酸配椰果添唔洗十分鐘，三杯雞已經上枱，而其他野食都逐樣逐樣到齊～🐓三杯雞啲醬汁正，雞好入味，美中不足係稍為有啲唔夠熱，但影響唔大，份量兩個人食都足夠👍🏻🍜第一次食粿粉，爽身幾彈牙，湯清清地但夾埋啲青蔥配料，唔覺得漏仲都幾香👍🏻🍚朋友一號覺得滷肉飯整體嚟講幾好食，滷肉入味唔漏，份量啱啱好，夠飽又唔會太heavy🍢炸花枝丸配上味粉，其實唔太知啲味粉實質係咩嚟，不過點住花枝丸食，增添咗啲鹹味好開胃👅兩杯野飲不過不失，但食台灣野珍奶梗唔少得嘅❤️再嚟都會再飲🧋好少可覺得台灣野好食，但呢間真係唔錯，靚景，食物精緻，味道又好，可以再encore!

最近買野買得太多, 平平地求其食一餐, 為求醫飽個肚就算.呢次都係第一次黎食, 其實味道唔差, 佢平既原因我估係每度菜既份量都好小. 但咁樣細細份, 岩哂我地呢D細胃人仕, 又可以叫多幾樣野食, 我覺得咁樣都幾好.擔仔雙併:  雙併左米粉同裸粉. 其實2個粉放入同一碗麵度都唔夾. 唔好貪心叫雙併祖傳肉燥飯 : 肉燥可以濃味小小同多返小小會好D烤紹興腸 : 配左D蒜片比你一齊食, 又唔錯啵. 中和左D咸味三杯雞: 同肉燥一樣, 可以濃味小小. 呢煲仔要$98, 性價比差滷大腸: 滷得都夠入味既 鹽酥雞: 幾香口, 唔錯.總括黎講, 一分錢一分貨, 不過不失啦

晚飯時段人潮很多，我和朋友二人等了約二十分鐘才入座。驚喜的是碰巧是窗邊位，有落地玻璃窗，海景一覽無遺！一掃菜單我們很快決定好，點了一個三杯雞，一個擔仔麵，一個魯肉飯，都是久違的經典台灣菜！😍三杯雞煲$98首先上桌的是三杯雞，沸熱的雞煲香氣撲鼻，雞肉色澤誘人，肉質鮮嫩，混着黏稠的醬汁，可謂色香味俱全，令人垂涎三尺🤤擔仔麵$28最喜歡擔仔麵，賣相精緻，湯底值得一讚，鮮美甘甜，帶點甜蝦味，蝦肉鮮嫩。麵條口感爽滑彈牙，不會粘連，混着肉臊，看似普通，但非常美味👍🏻祖傳肉燥飯 $28肉燥飯亦發揮應有水準，魯肉的皮、肉、肥比例恰當，香醇不膩，繚繞濃郁醬香，拌飯超棒！總括而言，價錢相宜，還可欣賞維港夜景，食物也有一定水準，有地道台灣菜的味道，下次定會再來品嚐其他台灣美食～

同幾個台灣識既朋友重聚，揀返台灣野食😹就揀左呢間好似幾出名既度小月見到廿幾蚊就食到魯肉飯同擔擔麵，心諗哇！咁平？都心知不妙！上到枱果然細碗無比，大食啲既真係一啖就無😹😹😹魯肉飯都ok香香地既無咩特別...個擔擔麵就真係普通極了，真係食左啖咋...普通到唔記得食左乜味？叫左個醉雞，叫做正常，有酒香，啲肉唔韌算係咁！三杯雞煲就香噴噴好惹味，同好入味！叫做最唔錯果樣！不過份量都係好少.....個櫻花蝦椰菜，成$78.....只係炒椰菜上面加左一大執櫻花蝦乾咁....都幾普通下，同貴....炒椰菜唔好期望有咩鑊氣了.....但啲櫻花蝦都幾香架，救左呢碟菜，但呢個價錢真係......唔係咁值皮蛋配既汁唔錯，甜甜地咁，岩晒！三個人食完呢幾樣，感到唔太滿足，跟住轉場去第二到食.......其實味道還可以，係份量太少，價錢唔貼地

同朋友出去玩，點都要食飯嘅。經過這間過江台灣老字號，正好入去試試。嚟到這間餐廳當然要試下佢傳承一百多年嘅擔仔麵。這個擔仔麵的蝦湯和肉燥據說是由台灣總店每日直送到港。擔仔麵的蝦湯鮮味，配上特製肉燥，香味濃郁。麵條也彈牙。食落齒頰留香。只是一碗，份量少了點，令人有種意猶未盡嘅感覺。三杯雞煲一送上桌，就有九層塔嘅香味迎面而來。雞肉中也滲透了香濃嘅醬汁，非常惹味。感覺每次去也一定要再吃多次擔仔麵和三杯雞。它們惹味可口，不可錯過。

又係出開尖沙咀 大約6點鐘 度小月都幾多人 需要等下位 但都幾快有位嘅☺️😄今次同行的計埋我有四個人 所以都叫左不少食物呢哈哈嚟到度小月 食擔仔麵是通識吧 真係不得了 擔仔麵上枱嘅時候 仲係好熱勁出煙嘅 同埋好香的呢♨️♨️食嘅時候 建議飲左幾啖湯先 口腔裏完全係充滿擔仔麵湯的味道 味道非常濃郁👍🏽☺️鮮蝦好大隻 蝦雖然是放在麵上 但食嘅時候有食到肉躁的味道呢😋😋然後把葱粒 肉躁碎與麵撈匀 進食時 每一啖麵都有以上嘅材料呢 食哂碗麵後 記得飲埋碗湯啵 精華都盡在湯𥚃呢🤤🤤祖傳肉躁飯也是一個很好的選擇 飯粒較腍 飯上有不少的肉躁 食嘅時候 每一啖都有均勻的飯同肉躁呢 好有肉躁的香味 不過口感上 感覺這個飯會較油 但味道也不錯的 可以trytry😊☺️不過與擔仔麵相比 小妹更愛擔仔麵呢👍🏽😍鹵大腸 不過不失吧 份糧都很多 伴菜的是魚仔 鹵大腸的味道好夠鹵水味 大腸唔算好肥 但都幾新鮮 但整體上就普普通通 唔算太特別沙茶安格斯牛肉粒 伴菜的是有紅椒 黃椒 洋䓤 大䓤 同埋鮮淮山？(質感都幾爽) 哩碟小菜嘅份量都幾多 牛肉粒好腍 好好食👍🏽😋味道都好濃 但食唔到有太多的沙茶味 不過整體上都可以蚵仔酥 小

度小月一開 朋友就話想去試因為係台灣係好出名而且好好味我自己就未試過 咁就一於係香港試下喇當日星期六約7點到 已經有好多人係門口等緊等阿等 等阿等 終於到我地(等左成個半鐘)餐廳地方頗大 走復古路線我地叫左擔仔麵 肉燥飯同三杯雞先講擔仔麵 味道唔會太濃湯底幾清 好味好味 但分量實在太少🤦🏻‍♀️而肉燥飯好特別 出面既肉燥飯通常只得肉燥但度小月既肉燥飯係有蝦米令到成個飯香口好多 而且啲米係珍珠米我好中意😋😋之後就係三杯雞 味道唔錯九層塔味比較重 而且得好少舊雞感覺唔抵食最後一定要講度小月既水我未飲過一間餐廳既水係咁難飲有陣怪味 我唔識形容 大家去試下便知總括黎講度小月係唔錯但我同朋友都一致認為唔值得等咁耐想食既可以等熱潮退去再試

放工約齊兩名友人慕名試試台灣過江龍美食由18:46等到20:18終於坐底左店員忙到不得了😖由坐底到點完菜，都未有人提供水，但上菜都算快招牌擔仔面可能本身唔太鍾意油面個蝦又無味，湯底又怪怪的擔仔米粉個湯好酸，配埋魯肉⋯⋯好似⋯（自己想像）再講多次個蝦無味魯肉飯正常一般台式魯肉飯幾入味，一d都唔油，唔知係咪之前兩款太唔岩口味，魯肉飯encore左一次友人評價：台灣夜市10幾蚊個種黃金蝦捲就咁食唔點醬都ok,但味道比預期略底，入面加左豬肉芫荽等，餡心軟但外皮唔夠脆，有返炸感覺溫泉絲瓜蛤蜊全晚最伏之選，個絲瓜好苦，一碗入面7成蛤蜊都係唔開口的，最後頂佢唔順同店員講左，取消左三杯雞一上枱個香味流晒口水但第一次食到甜既三杯雞如果鐘意偏甜口味，會ok既但食慣一黎三杯雞既就唔建議啦櫻花蝦高麗菜老實講個椰菜炒到淋淋，賣相就一般但經過上述菜色介紹三人一致通過呢味係全晚最好食既菜式😂😂😂溫馨小提示：胚芽奶茶 低糖⋯⋯接近無糖荔枝乳酸⋯⋯極極甜香檳巨峰乳酸⋯⋯極甜由於飲品賣相太強差人意，所以無圖提供🤷🏻‍♀️