太元樓

营业中

休息中

第一次到來這間餐廳。外表很企理，所以試一試，餐廳內擺設簡單，感覺舒適。唯獨一進來已經見到員工對疫情非常不敏感：疫情處理 - 店員過來時會無故碰你的碗筷。（我用了些時間用茶冼過的碗筷就因員工對疫情不敏感及無故多手，要再洗過……）員工態度- 另外有一個店員（短髮戴眼鏡）態度出現一些問題。當我請他來點餐時，他站在三米以外地方要我大聲嗌過去。我們不用佢的方法他就刻着面走過來。- 其他店員態度良好友善-因為員工太繁忙，茶壺又去沒有回來….食物- 小籠包： 很好- 醉雞：很好- 上海粗炒：好像是用滾水淥了所以太林了。味精重手了。- 上海炒年糕： 非常好總括而言，除了上海粗炒之外其他也很好吃。

自己真的很久沒有跟男朋友吃中菜了，對上一次都已經不記得是什麼時候的事，其實中菜確實有它的特色，傳統得來又符合香港人的口味。男朋友住在北角，事先已經在openrice尋找有哪兒有高質素的中菜，便尋找到這間太元樓，其實地址就近炮台山，城市花園附近。裏面環境寬敞，實在有高級中菜廳的格調，看得出來餐廳花了不少心思在裝潢上，真好。食物的價錢都不算昂貴，種類也多，有肉類、海鮮、豆腐、湯類等等，沒想到豆腐也可以成為餐廳的其中一大分類🤣另外還有麵、包點、冷盤等等，可說是包羅萬有。首先來了一份水晶肴肉，是上海一道很傳統的菜式，豬肉加上「水晶」，肴肉的正宗味道應是溫度夠冷、肉夠結實，這裡確實做到。為何會叫「水晶肴肉」？一看便知水晶即是尾部的脂肪部分，確實是有點不健康的🤭不過真的好吃。很久之前在一間上海餐廳吃過糖醋魚塊這道菜式，已經對它的味道念念不忘，這次在太元樓終於可以去懷緬一下昔日的感覺。店員一把糖醋魚塊呈上的時候，我還以為來錯了咕嚕肉😂向其中一位店員確認了一下，確實是糖醋魚塊⋯⋯醬汁跟咕嚕肉的醬汁一模一樣，酸酸的，挺開胃，裡面是帶有滑溜口感的魚肉，加上酸酸的醬汁也不俗。這裡的小籠包真的非常好吃，之前在

太元樓都算係區內同朋友坐得幾好既餐廳，我同朋友相約食午餐，約下午2:30後仲有9折。Menu 有好多野食，最吸晴就係乳鴿！ 佢地下午2:30後都有下午茶，就係食小籠包，鍋貼嗰D，我都見到幾多人叫但我地都餓就叫左2個午市餐上海炒年糕年糕切得幾大片，我鐘意。有椰菜，小白菜，冬菇絲同肉絲，唔太油同咸，感覺無甘fat鳳梨魚柳味道好好，酸甜岩岩好，重點係個魚塊好脆！正丫仲有唔少鳳梨，係好開心既跟餐可以有豆漿或者湯我哋就揀咗凍豆漿同埋酸辣湯: 凍豆漿係少糖嘅版本，十分好！ 酸辣湯都係我呢排飲過最好飲嘅，因為佢夠酸夠辣另外，加菜妙齡乳鴿「真。妙齡乳鴿」，佢真係比一般既細隻少少，又真係比普通乳鴿嫩好多好多！仲要好多汁！ 如果好鐘意乳鴿既，自己食2隻都得！ 真心！推

上星期男朋友話想食小籠包，喺Openrice 搵到太元樓有好多好評，就決定放工搭兩個站去炮台山食晚餐。太元樓喺城市花園入面，喺地鐵站行大約十分鐘就到。一坐低，姐姐就送上前菜，係醃製過嘅花生，咸咸辣辣，好開胃。喺我專心睇菜單嘅時候，男朋友已經成碟清曬！嚟到當然要叫一籠小籠包，小籠包熱辣辣上枱，皮薄肉鮮超多汁！食嗰陣真係要小心燙口！因為真係好鍾意食香口嘢，見到有春卷，就試咗黃金春卷。春卷炸到好香脆，又唔會太油膩！點埋喼汁，好開胃，好快食曬三條春卷！主菜我哋食咗上海炒年糕，每次食上海嘢，都一定會叫炒年糕，因為好鍾意年糕煙煙韌韌嘅口感。太元樓嘅炒年糕唔錯，配料亦好足，有好多新鮮肉絲同菜。如果真係要挑剔，就略嫌鑊氣不足。主菜我哋仲叫咗太元雞。呢個太元雞係誠意版嘅炸子雞，雞皮香脆雞肉嫩滑，上面仲灑上炸蒜同蔥花，配埋個南乳醬，都幾惹味！其實半隻太元雞都夠我哋兩個人食，不過見上網好多人推介嘅妙齡乳鴿有優惠好抵食，所以又叫咗隻乳鴿。同太元雞一樣，乳鴿個皮燒得香脆。乳鴿嘅肉味更濃，唔使更多嘅調味，點少少嘅椒鹽已經好滋味。飲品方面，我哋飲咗杯有機豆漿，有豆味亦唔會太甜，唔錯！本身諗住睇下食曬主菜先叫甜品。菜

這間位於北角、新開張的太元樓，幾乎每個星期五和週末都爆滿，所幸我及早訂位，晚上七時到達，經已坐無虛席。先來朋友最愛的冷盤水晶肴肉（$78），啫喱彈牙肉質爽口，口感新鮮，不像普通食肆擺放很久的冷盤。而且味道清新，不會死咸。抵到爛的妙齡乳鴿（$28）雖然只有四小件，價錢真係超吸引，加上師傅冇因為係特價小菜就放軟手腳，炸得皮脆肉嫩，又不會太多油，味道咸香。又一抵到爛之選的小籠包（$38）。這裏的小籠包質素拍得住上海的佳家湯包，真係皮薄餡靚，又多湯汁，個人感覺比某米芝蓮更好。香軟小米糕（$42）應該係比較傳統嘅小海小點，我同朋友都冇食過，味道類似港式馬拉糕，不過冇咁甜，帶點米味的清香，好軟身，不會蒸到濕哂，不錯。奶油津白（$68）個人覺得麻麻，唔夠火腿咸香，不過朋友們幾鍾意。奶油味好濃。上海年糕（$78）就一致覺得係正常水準，略嫌唔夠入味，但好煙靭。有碟唔記得影相嘅黃金蝦（$108）最正嘅先忘記影相，咸蛋黃汁超香濃，掛到汁，味道唔會太咸。重點係啲蝦炸得超香脆，但入面嘅肉剛好熟，我估唔到食黃金蝦都可以外脆內軟朋友連殼啪埋添呀！其實朋友連我3人，冇人食紅棗，但老闆推介加上出面冇見過，所以叫左黎食。

有關注開我既朋友應該留意到我食親中菜多數都係上海菜，呢幾日係北角添x運旁邊開左間上海菜，等我試下先外面連招牌都未整好，店內已經超級多人，呢兩張趁客人走左先影到。裝修幾靚，顏色好柔和，好光猛，俾人好乾淨既感覺。客人自己點菜，餐牌上有幾多選擇，由基本至特色（有部分需預訂）上海菜都有。聽聞新張期間有85折乳鴿預左細細隻冇咩肉，不過呢隻真係冇肉（陰公），得個香字通常首次去食既餐廳，我都會點返基本菜式或者廚師推介，今次就先試擔擔麵。排骨炸得幾香口，厚身，不過調味唔均勻，有部分好咸，又甜甜地，味道怪怪地，唔識形容😂 擔擔麵夠濃味同辣，只係冇咩特別之處。年糕賣相對辦，份量亦好多，足夠2-3人share，但係一食就發現冇味，連穫氣都冇認真要改善下喇。小籠包賣相好麻麻，皮好似好厚甘🙈 好彩同炒年糕相反，入面都幾大舊肉，有湯汁，味道都ok，不過都唔係突出。前菜冇時間試，點好菜10分鐘內不斷上菜，塞爆左張枱，一邊清碟就一邊上菜，完全無視張枱既大小同客人進食既速度😓 服務方面需要改善。如果你鍾意我今次既分享，俾個like同關注我如果唔鍾意就麻煩你手下留情，我下次會再寫好d