友利冰室 x 勿當奴 (D2 Place TWO) (已結業)

之前都幫襯過友利幾次💛最近去開D2 place又再去幫襯下貪佢夠平靚正嘛之前幾次我都係食佢啲勿當奴快餐今次難得可以堂食所以就試下啲新嘢乳豬卡邦尼$68係佢嘅招牌之一意粉個醬汁煮得好好味好濃芝士味又夠多汁可以撈曬成個意粉又唔會覺得太乾另外乳豬有4件個皮都仲卜卜脆喎，但如果外賣就未必脆喇所以記得趁熱食呀！提提個意粉係冇飲品架，想飲就要加$8喇叫咗個豬柳強餐再加啲小食（有炸燒賣、脆香雞翼）薯條佢係波浪薯條嚟快餐嚟講佢好味過M記頭嗰間好多倍啦而且所有嘢都係熱辣辣唔係整好曬放埋一二邊再上枱俾你所以啲薯條係好脆好好味不過由於我太飽都冇食到啲小食所以冇得comment 喇

唔係特登去，純粹嗰日去開D2市集，又見未食晏，就去左呢到食lunch 去過兩次都要排隊，但係因為舖頭都算大，都係大約等咗10分鐘左右。要先落單再，有店員再送送黎。 門口有menu，都幾多野食揀，左揀右揀，最後揀咗一個勿當奴餐，同埋乳豬卡邦尼。乳豬確實唔錯有啲人對卡邦尼意粉好有要求，但係我覺得呢個都唔錯既！另外個勿當奴餐細細份，一個人食都ok。味道冇話太特別，尚算OK所以幾欣賞佢啲嘢飲(唔知係咪自己自家整) 有菊花茶羅漢果呢啲揀，都幾特別！所以值得一試

之前已經食過一次友利冰室嘅勿當奴餐，覺得都唔錯，今次再同朋友試一試佢其他主食，已經係幾個月前食，而家補打返個食評！🤪— — — — — — — — — — — — — — — — — — — 【乳豬卡邦尼意粉】$68本來懷著戰戰兢兢嘅心情去試下呢個意粉，好奇乳豬+卡邦尼到底夾唔夾，食完之後真係有驚喜，我食哂成碟😛呢碟意粉大概有三大舊乳豬，唔會過肥，乳豬皮都好夠脆，三舊乳豬都可以配到一包醬，真慷慨，不過點唔曬就覺得少少浪費左喇！重點係原來乳豬同卡邦尼係出奇地match ，個意粉軟硬適中，不過就油左少少，但味道都係好食嘅😋😋— — — — — — — — — — — — — — — — — — — 【白汁焗海鮮飯】$68見到個飯好足料，白汁真係海量咁多，試左一啖白汁飯，白汁都夠甜，送飯好好食，不過白汁太多，朋友食左一半就覺得有d膩！— — — — — — — — — — — — — — — — — — — 【粒粒鰻魚甜蛋炒飯】$68碟飯一送上枱就覺得份量勁多，炒得粒粒分明，而且好濃嘅鰻魚汁味，不過炒得略為乾左d。— — — — — — — — — — — — — — — — — — — 【

呢一間餐廳新開冇幾耐本店就係喺新蒲崗 係賣燒味出身所以佢嘅燒味都有品質嘅保證呢一度除咗有燒味西餐 中西合璧之外仲有就係有一啲麥當勞有嘅食物個老闆仲話係特登做麥當勞嘅味道想大家係唔幫襯中資之餘依然能夠食到麥當勞我見佢都係30幾蚊同麥當勞相差得唔算好遠個乳豬好好食 皮脆肉嫩不過就得三舊 有啲少個意粉就煮得太淋啦都係一啲普遍茶餐廳煮嘅意粉會有嘅問題我就好鍾意佢個奶茶本身已經沖定喺度唔好嘅係你冇得嗌走甜我覺得佢本身就略甜嘅同埋有少少唔係好夠奶但整體味道都係中上