翡翠拉麵小籠包

营业中

休息中

今日晚上同左老婆大人去左銅鑼灣時代廣場拍拖行街，行到咁上下餓餓地，就入左黎呢到食野了。坐底望望餐牌，我地叫左酸辣湯拉麵、糖醋青衣柳、乾煸四季豆、紅油抄手。等左大約15分鐘，食物陸續送到了。酸辣湯拉麵：味道唔算好辣，拉麵不會太淋，唔錯糖醋青衣柳：熱辣辣，外脆內軟，酸甜汁好開胃，乾煸四季豆：四季豆軟硬適中，豬肉走過油，炒得十分野味，送飯一流紅油抄手：辣度適中，皮薄，豬肉多汁。埋單$340，價錢唔算太貴

每次同家人食上海菜，都會想到這一家。之前有試過其他上海菜館，有啲高級啲，又有啲xx總會，等等吖，但係到最後，都覺得呢間既係最好味，水準最consistent既一家。花雕醉雞 $68 原本好想叫全髀，但同家人食，費事諸多要求。不過普通部位醉雞都好好味。次次黎都叫。雞肉完全吸收曬啲花雕味道，超入味。肉質嫩滑。乾煸四季豆 $76 正當我哋食緊呢度菜，同屋企人講，點樣先可以教導到工人姐姐炒菜可以炒到咁？一般似樣都好吖！哈哈。味道好均勻，肉粒炒得好香，豆亦炒到爽得黎都夠淋身易咬。椒鹽小黃魚(兩條) $86 我自認好嬾。魚唔鍾意多骨。爹哋話叫，咁好啦。。。發覺原來都ok噢，唔係太嚴重。仲要炸過，非常香口。外面好脆口。裏面啲魚肉又好鮮甜。唔錯！上海炒年糕 $75呢個主要滿足媽咪，次次都要點。咁都超得幾好味。每塊年糕好煙韌，味道不太咸，恰到好處。炸醬拉麵 $56唔知點解，個日好想食呢個麵。上檯之前個麵已經剪好，等我哋容易啲分。麵條幼身細滑，炸醬有點微辣，都幾惹味。上海小籠包 (四隻) $39皮薄肉鮮，內裡湯汁爆棚，鮮香入味。我哋叫咗兩籠！正！大滿足既一個晚餐！

今日游水日，一落堂三隻馬騮已經講要食嘢！本來想食壽司（永遠唔厭嘅壽司）可惜好多人排隊，轉陣去食旁邊上海菜！唔使等位，即入靠牆六人枱！地方闊落！餐具乾淨企理！好簡單叫五個菜！食物好快就上！嫩雞煨麵：麵完全夾唔起，淥過晒火位，淋到只可以用湯匙食！小棠菜及雞肉碎無味！湯又無味！好像淥完放好耐，索晒湯先比我食咁！差！ 乾煸四季豆：乾身入味，唔會好油，配咸肉碎好味！清晒！上海小籠包：一籠四隻，一夾起就穿窿漏晒啲湯，差！一間以小籠包為名嘅餐廳，唔合格！個皮有煙韌感覺，湯汁又多，肉又唔嚡！味道其實唔錯，可惜穿皮！鯊魚骨湯珍菌拉麵：麵餅要剪斷有何原因？麵粗身有咬口，雜菌新鮮煙韌，但個湯唔夠味道，連魚味都無！只是白色水，淨飲都唔夠味！差！紅油抄手：雲吞皮薄餡多，不過好像淥過火，皮一夾起就爛，紅油汁唔算好辣但好嗆喉！會攻到咳！味道一般！食物真係一般，店員服務勤快，其中一個女店員可能見我三隻馬騮，都好好笑容傾下偈！餐廳其實好坐，如果食物正常真係唔介意再來！