麻辣派對 (金百利廣場) (已結業)

同朋友都很喜歡吃辣的☺️見到金百利咁大個logo寫住麻辣派對～再上OPENRICE 見評價都唔錯就決定上去吃～入到去見到好多人都食緊一大盤既辣魚同埋辣既鍋～非常非常吸引😍但由於我地兩個都唔算太肚餓所以就叫左小麵米線同埋小食～但見到個個都叫水果茶所以我地都每人叫左一杯～聽聞可以解到辣。食物黎既速度都非常快～首先嚟咗土豆絲好開胃👍🏻炒得都好入味🥰跟住就上左肥牛米線同埋紅燒牛腩小麵～肥牛米線裡面有D肉碎同榨菜～食米線真係必備既配菜👍🏻而朋友食紅燒牛腩小麵都食到津津入味。最後就上埋回鍋肉同埋水果茶回鍋肉同水果茶我都非常推介要叫👍🏻回鍋肉炒得非常有鑊氣連個椰菜都好入味。平時出面嘅水果茶會落好糖～而呢個水果茶你會飲到係新鮮嘅生果加茶嘅味道～裏面嘅水果都好足料👍🏻每次隨心揀都同朋友食到好野都覺得好開心🥳

朋友約食晚飯，佢話食麻辣派對。吓，辣⋯我0k，但麻⋯我就吾多掂。話說有一次公幹，大陸同事請我食水煑魚，食果陣就冇事，果晚就生晒飛滋，同出吾到聲。今次有D驚驚地⋯麻辣。不過朋友話呢間餐廳好正，唯有捨命陪君子喇😱 餐廳嘅裝修好新派都西式，真係有啲夢幻party feel. 你絕對估吾到佢喺食正宗四川菜。 餐廳經理熱情又細心為我地介紹，知道我地麻辣情度有限，建議先由BB 辣䦎始，然後再試小辣，適應後可逐級挑戰麻辣程度。真貼心。先叫了 BB 班 凉伴黑本耳。爽口，少許麻味 岩晒。再上麻婆豆腐，呢個菜，經理就建議可試小辣，又〇K喎。好惹味，配飯一流。不過今次我地配麵食。個麵好正，五香牛腩好入味，切成小粒，入口容易，吾會太靱。今餐主角喺避風塘炒辣蟹，用麵包蟹煮，有好多膏(哈哈，掛住食唔記得影D膏添😓)意猶未盡，再order咗個辣子海蝦。個賣相好勁辣，吾好比個嚇親，唔辣，非常惹味。👍嘆埋杯蜜語水果茶，有不同水果，好解渴。今餐麻辣餐，將之前慘痛麻辣經驗，一掃而空。下次要挑戰下一級麻辣，睇下升吾升到呢先。

麻辣派對大概是我近半年食得最多的餐廳，酸辣米線向來深得我心，但這裡除了坐得舒服，用餐環境夠闊落情調好之外，米線中還會加入大量花生及酸菜，風味寧舍不同。 雖然這裡很多檯食客都會點水煮魚，但水煮系列對我來說太油膩，所以還是點了鐵膽米線 + 兩個小食。 派對口水雞 $68 份量有點少，只能夠說兩個人食是剛好的，再多一兩個人就真的會唔夠喉了。雞件嫩滑味道香中帶麻，當中加入的花生碎使這道菜的口感更豐富一些，辣油雖然蓋過了雞件但食落又不覺油膩，果然是好味到令人口水直流~ 鮮椒爽脆生腸 $78 冰凍十足的一道冷盤，食生腸最忌有異味，不過這一碟就絕對令我食得放心，乾淨之餘生腸亦夠爽脆，每一節都肉厚肥美外皮光滑，可以輕易滑入口。 五香牛腩小麵 $48 牛腩每舊size都有返咁上下，不似一般粉麵店般會零星細碎，不過肉質就有幾舊腍滑，另外一兩舊又較硬。這個湯底不似麻辣米線般惹味，較適合不愛濃味菜的人。 香鍋酸菜米線 $43 由於點菜紙上可自由選擇粉麵的辣度，所以這個我是點了原辣的，上兩次點減辣，覺得勁度還是差了一點點，所以這次吃原辣看看會否辣到跳舞。結果果然是原辣更適合我，麻辣味道濃而不嗆，酸菜份量多到

呢排食辣野食上癮 發現銅鑼灣金百利呢度有間「麻辣派對」就等我試下佢啦黎到門口就見到咁靚既花花招牌即刻覺得心情好輕鬆 入去見到暗中有啲迷幻的燈光 配襯著天花的彩色花球好有開party既感覺 又好靚餐廳環境好大 空間感好好 卡枱設計令食客可保持私隱度裝修好新淨 而且座位非常清潔餐廳整體比較暗 但每張枱的一盞吊燈 有情調得來 光線仍是足夠店員介紹 餐廳有三種招牌辣鍋分別係水煮。香辣。酸辣仲有一大堆好似打邊爐咁既配料比你加！或者可以自選配料（最少五款）組成一鍋我叫左呢個酸辣嘅泡椒雞鍋/BB辣一黎到見到咁鮮艷嘅泡椒 即刻胃口全開我阿爸一食就話好惹味 食到停唔到口BB辣比較容易接受 但麻辣仍然食得好過癮 雞肉煮得啱啱好 嫰滑有咬口 一啲都吾鞋 非常入味！另外叫左個牛腩麵套餐 （+$20配水果茶）碗麵用大鍋裝住 好大碗！！牛𦟌炆得好入味 好腍 好有牛肉的香味麵則比較腍身 如果有彈性同稍為硬身會較好爸爸非常鍾意碗麵有咁多香脆嘅花生同埋香蔥令整碗麵增色不少呢個水果茶非常足料！大大杯又有好多生果甜味吾算濃 配搭各種生果～有奇異果火龍果西瓜芒果青檸蘭香子檸檬⋯好新鮮啊另外 仲叫左一碟小食 又係有水準之作豬軟

這天晚上我要到9點鐘才可以去做美容treatment，所以需要找間坐得舒適的餐廳慢慢食個悠長晚餐等時間過銅鑼灣金百利有不少餐廳，就隨便去一間吧。位於4樓的麻辣派對很明顯是吃麻辣中菜的吧，但看餐廳裝潢又似是西餐格調呢~ 場內很多座位都是卡座梳化，適合我跟男友有多點私人空間傾下計。點菜紙上的菜式可自選『加辣、原辣、減辣、不辣』，彈性大點即使不會食辣的朋友也不用怕。男朋友的五香牛腩小麵(走辣)$48，其實內裡不只得五香牛腩，還有少許牛筋的，配合大量花生，使走這碗走了辣的麵食都香口味美。我的香鍋肥牛米線(原辣)$48，點菜時我竟然十分自信的要了原辣，其實侍應也先提醒若果怕太辣可先要減辣，及後可再要求加辣油，可惜我真的太自信了 鍋中米線可能是我吃過的最爽口彈牙的了，不過湯底對我來說真的辣了點，吃著有點太刺激，不過還好整碗米線都用了大量肉碎香料熬製，所以即使是有點刺激，但我也不捨得不把它完整吃完。七味雞脆骨$68 爽脆又不油膩，我相信脆漿應該用上了鴨蛋調製，使得雞軟骨傳來陣陣蛋香，有種似是鹹蛋黃的蛋香味，令人百吃不厭。由於男友不太愛好吃辣，所以這個我要了走辣，其實加上一點點辣味應該會更加吸引可口。