裕興咖啡 (已結業)

要食好嘢，就要有堅定不移嘅決心？聽落好似好悲壯咁。但想喺裕興嘆番件熱辣辣嘅新鮮製三文治，此話一啲都冇誇張。只係上晝營業嘅裕興，一般打工仔每次能夠光顧到嘅時間，就只有早餐時段（雖然裕興話佢地收一點九，但點解Lunch食唔到佢地？一路睇落去就明。）。係呀！事關連裕興都要響應政府實行呢個五天工作運動。廢話少講！今次去試食裕興嘅五香肉丁炒蛋三文治烘底。由我一坐低，就有個皮膚白白淨嘅女士埋嚟知會聲我，因為Orders多，至少都要等二十至廿五分鐘。雖然一早睇食評就有網友講話要等上五個字嘅時間，但礙於本人始終心急趕返工，心裡總會遲疑一陣。侍應見我眼定定冇回應，便慢慢行開繼續招呼其他客人。然後我心諗，反正都嚟到，等就等啦！我再次向侍應姐姐表示落單，然後佢仍然好有耐性咁聽我慢慢點菜。戲肉嚟啦！三文治上枱嘅時候，我真係有心動嘅感覺。整體望落層次分明！餡料多，縱然內有花生醬和肉丁炒蛋，塊麵包烘底仍然係好脆口和香口。讚！美中不足係...反而舖名叫裕興咖啡嘅咖啡，唔算真係好突出。當我一路食，就已經一路構思緊下次再嚟要食咩了！哈！

裕興咖啡位於中環士丹利街的一個街角，營業時間：星期一至五早上8點至下午1:45，店鋪其實就是一個小鐵皮屋的廚房加上幾張大排檔式的枱凳。店員就只有兩位，一位男士負責製作食物，另一位女士則負責樓面工作。似簡陋的街邊小店，所賣的招牌三文治早上九點左右就已經賣光，客人之後就只可以點公仔面餐，可是十分勵害！為了一試，早上八點三左右就到達，點了個五香肉丁炒蛋三文治烘底配凍檸茶，而友人就點了個雙拼炒蛋咸牛肉三文治烘底。每份三文治都加入了花生醬，其實這樣的製作是很少見，而老闆亦會加入椰菜絲，增添口感又健康。由於一人製作的關係，一個三文治的等候時間是15-20分鐘，換來就是新鮮＋熱騰騰的美味食品～一個貼心的服務就是凍飲的檸檬已預先為你篤好，可能是方便趕上班的客人吧。這處感受到的都是舊香港的情懷，在中環這個石屎森林裡的幾張木枱凳，坐著的都是土生土長的香港人，吃著的都是充滿人情味的三文治。一日之計在於晨，我吃的不只是三文治，而是祝福。