京滬佳餚 (The LOHAS康城) (已結業)

同朋友喺康城睇完戲順便直落食埋飯，咁啱朋友話鐘意食鴨所以就帶咗佢去之前食過覺得好正嘅京滬佳餚😚我地今次坐卡位，坐得好鬆動同舒服😌 而且呢度環境氣氛都做得好好，好適合嚟chill吓🤗坐低冇耐店員已經好快手比咗前菜小食我地啦，非常有效率😀一坐低朋友就即刻話要叫個招牌小籠包先🤣佢話好耐冇食過，而且見到我之前嘅食評話好有興趣試吓😏食完之後佢話的確冇令佢失望，而且一籠有六隻都非常掋食👍🏻第二個餸朋友叫咗京滬擔擔麵，佢話覺得個湯底辣得好過癮🤣 酸 麻 辣三個層次都有齊曬😮‍💨麵質好煙韌，而且肉碎份量都好多😛之後就係朋友特別期待嘅京滬酥烤填鴨(半例)朋友話估唔到啲皮可以咁脆而且冇多餘脂肪，啱曬佢啲減緊肥嘅人🤣👍🏻最後嘅重頭戲就係成餐最貴嘅黃金鴨件伴魚子醬🤑睇介紹先知原來呢四塊咁豐盈飽滿嘅鴨皮係廚師喺每隻烤鴨頸胸位精選出嚟🤤餐廳提供魚子醬比我地自己加落去，十分大方呀😳加埋山楂沙律醬同脆薯片一層一層咁食真係特別滋味😋😋值得一提嘅係喺商場度消費仲可以泊埋車，就算搭地鐵去都好方便㗎🤪 地址：將軍澳康城路1號The LOHAS3樓333號舖

上次食過京滬佳餚銅鑼灣分店之後覺得唔錯，所以今次再試埋佢康城分店睇吓點😛雖然係平日夜晚，但係餐廳都好多食客😙我地揀咗近望溜冰場嘅位置，雖然嘈啲但係一邊食飯一邊望住人打波都幾正🤗想靜少少嘅話可以坐入啲，而且餐廳都會播流行曲，嚟拍拖都幾好feel㗎✨我地首先叫咗京滬擔擔麵，雖然唔算好濃味但係就好足料，入面有好多肉碎🤩個人覺得如果個麵熱少少會更好🤔然後就係松鼠黃魚，一送上枱嗰陣個賣相真係好特別！🥰而且入面嘅肉仲好juicy，重點係成條魚都冇乜骨，食落去都易好多🤫之後㨂咗上次都有叫嘅北京烤鴨，都係連埋八款配料一齊食🤣同上次銅鑼灣分店食到嘅分別都唔大，一樣都係皮脆酥香同肉質細嫩佢😋但如果兩間分店相比嘅話我覺得銅鑼灣嗰間整得好食啲🧐其中一個令我好難忘嘅點心就係呢個爆汁牛肉煎餅🤣一咬落去佢真係爆咗好多汁出嚟，仲要彈到成枱都係😣好彩冇彈到落衫度唔係就有排煩了☹️大家食嗰陣要小心啲呀野飲方面我地分別叫咗紫色嘅Floriography花語同埋綠色嘅Jungle Escapade叢林.酌兩杯比較之下我認為花語易入口啲同埋好飲啲，大家下次去有機會可以試吓喔😘

今晚同男朋友行下康城，順便食個晚餐。呢間裝修別緻，服務態度好好，食物質素又唔錯。茶要左壽眉，有碟前菜。京滬擔擔麵男朋友激讚，麵質爽口，湯底濃稠，聞到麻辣味好香，但食落又唔會太辣，好正。爆汁牛肉煎餅要小心啲食，因為真係一咬就會爆晒啲汁出黎，好勁。松鼠黃魚好香脆，無油膩感，而且醬汁好開胃，好食。京滬酥烤填鴨(半例)既配料有6款: 蒜蓉、心內美、填鴨醬、京蔥、白糖、青瓜。餅皮好薄，絕對有足夠既份量。鴨皮已經片走晒啲肥膏，鴨皮香脆，肉質嫩滑。2杯Cocktail：花語同赤曲之情。花語易入口，清甜帶花香味。佢連外型都整到好似一朶花甘，好有心機。赤曲之情有多層，首先飲到茶味，繼而酒味，最後係熱情果味。