十二味 (LADDER Dundas) (已結業)

我同男朋友都非常鍾意食酸菜魚，無論喺香港定大陸，我地都經常會到處尋覓好味嘅酸菜魚。十二味嘅酸菜魚，我哋已經試過好多次，依然覺得回味無窮，絕對係我哋心目中酸菜魚排行榜既 top 3。試過唔同分店嘅十二味，覺得旺角呢間分店，味道最合我哋心意。平日嘅夜晚七點，餐廳已經幾乎坐滿。 😋人見人愛酸菜魚($248)(連粉條+$28)(可以選擇大、中、小辣或者唔辣，亦可以選擇走蔥同少油 ）酸菜魚超級大盆，份量超級多，酸、辣、麻、鮮、香一應俱全，各種味道好均衡，balance得好好，唔會只有一種味道蓋過哂其他，所以湯底非常濃郁惹味，相反好多其他餐廳只有酸菜酸但湯底唔酸，呢度既湯底非常夠味入味。魚肉份量好多，全部無骨，而且非常鮮嫩嫩滑，亦唔會一夾就散。酸菜同樣好出色，入味之餘口感爽口。酸菜魚既其他配料，包括粉條、萵筍、雞髀菇亦並唔遜色，全部都被濃郁嘅湯底滲透，吸收晒湯既味道精華，每一樣都好入味，萵筍好爽口，粉條好煙韌，完全唔會浸到淋哂。😋川式口水雞 （$73）(可以選擇大、中、小辣，亦可以按自己喜好走蔥/走花生/走芝麻）口水雞嘅醬汁調味好合我地胃口，豉油味濃，花椒油味香，再帶一點點麻同甜，非常開胃。雞肉

自問對於酸菜魚有一種食極唔厭嘅渴求，去到邊佢見到酸菜魚，都會嘗試嘅事佢。呢間喺旺角鬧市嘅酸菜魚，算係做得唔錯，值得翻食之選👌賣相唔錯，面頭有幾塊菊花粉點綴。先講份量，兩個人食絕對係足夠有餘。味道夠香夠麻，辣到適中，唔會辣到噴火，算係香港人嘅口味。酸菜有唔少，不過可惜其他配菜就少啲。$248來講算係價錢公道不過佢嗰個特飲慾望酸梅湯，真係令人冇晒慾望，飲落去成浸藥水味，奉勸大家唔鍾意藥水嘅話就唔好叫。另外見到隔籬枱叫香香喎，好似都幾好食咁，下次多啲人嚟可以試吓

一行四人正煩惱食乜好之時，剛好經過登打士街，見到呢間餐廳！之前一直有聽過呢間餐廳，但一直都未有機會試，難得經過此地，同行者又愛食辣，就一於上去餐廳試一試！一直對酸菜魚無乜好感嘅我，原本打算食水煮魚，但係見到餐廳內九成九嘅食客都係叫酸菜魚食，就即管叫返一碟試吓！一食之後，果然有驚喜，酸辣度剛剛好，魚夠滑，真係一試難忘另外再叫咗個經典香辣鍋（蓮藕片、花菜、鹵豬手、滷水肥腸、雞軟骨）同清炒萵筍絲都非常好味

香港人都幾鍾意食川菜，川菜餐廳亦都開到成行成市，呢間位於旺角Ladder Dundas 上樓既川菜餐廳地點都幾方便，一開𨋢就係餐廳，地方係有d迫夾人見人愛酸菜魚主角酸菜魚好大碟呀，味道同內地既都好相似，魚肉都唔少，幾嫩幾滑，大量既酸菜加上指天椒，基本上係唔會食到腥味，配埋最佳拍擋粉條，真係好正燒椒皮蛋皮蛋係透明黃心皮蛋，比起黑色既皮蛋無咁大陣味，尖椒再加指天椒食落都唔係好辣，味道亦都唔算好濃涼拌土豆絲土豆絲爽身，酸酸辣辣，好開胃既小食川式口水雞口水雞既麻辣紅油，又麻又香，可惜雞件唔夠滑，有d榎乾煸四季豆本身d豆都幾甜，肉碎加上欖角，咸咸香香，幾惹味清炒萵筍絲食左咁多重口味野，清炒萵筍絲爽甜清新，仲可以解辣同清清味蕾川香回鍋肉好經典既一道川菜，肉片份量都幾多，味道都幾濃，配碗白飯食就岩晒蔥油拌麵成個麵都比較油膩，蔥油既香味欠奉整體味道都不錯，份量十足，價錢亦都平民合理，唔怪得分店遍佈港九新界啦

夏口炎炎冇咩胃口，最岩歎住冷氣食川菜，又酸又辣，刺激味蕾每一寸。之前經過十二味黃埔店見到好多人排隊已經好想試下，估唔到今次機緣巧合下朋友帶左我去旺角店品嘗。旺角店位於樓上鋪，店面好細，可以容納人數唔多，因為冇訂座，我地等左大約15分鐘先有位。入座時店員提醒餐廳用膳時間限1.5小時。值得一提，成為會員有9折優惠。涼拌土豆絲酸酸辣辣，越食越想食，土豆絲爽脆，係一道唔錯既開胃菜。酸菜魚（+寬粉）好大一盤酸菜魚！酸菜魚既湯底係整道菜既靈魂，第一時間試下個湯底先。湯頭酸辣惹味，越食越過癮，味道同內地酸菜魚專門店的有7,8成似，呢個辣味岩岩好，似乎更迎合香港人口味。魚肉彈牙嫩滑，唔會一夾就散，味道恰到好處，冇腥味，不過有幾片魚肉上有1-2粒魚骨。酸菜份量頗多，味道唔會過酸或過咸，我地全部食曬，一點都唔浪費。加$26有寬粉，口感煙軔，份量較少。乾煸肥腸唔好見到咁多辣椒以為會好辣，其實辣度比酸菜魚低。爆炒後既豬大腸好香，又唔油膩，不過稍為軔左點。一道唔錯既下酒菜。一邊飲酒，一邊係辣椒堆入面找尋每一舊肥腸。乾煸四季豆有辣或有唔辣，任君選擇，我地揀左唔辣。四季豆炒完仍保持爽口翠綠，味道咸香，好快清曬。但欖

一直都是川菜的粉絲 十二味更是我最常回頭的川菜館 抵食又好味 不論是午餐還是晚餐 都十分推薦 💜人見人愛酸菜魚毫無疑問是他們的招牌菜 魚肉非常嫩滑 湯底酸辣開胃 唔會死辣 仲有配料萵筍芽菜同寬粉 完全吸收湯嘅精華正！ 🤎霸王辣子雞是有骨的雞肉 雞肉比想像中少 不過炸得很脆口 味道非常香辣 整體都不錯 送飯一流 🧡超級推薦佢哋嘅皮蛋！用咗黃色嘅皮蛋 很少見 蛋黃流心 好香濃嘅皮蛋味 調味酸酸甜甜 真係必試之選 旺角分店嘅樓面不太大 所以都需要等位 但啲姐姐都好好 會比定餐牌我哋睇 態度都非常友善總結：8.5/10

人見人愛酸菜魚（4/5）呢個酸菜魚唔錯，叫咗小辣，啲魚冇骨夠晒滑，一食咗就好似停唔到咁係咁食，不過就覺得佢個味淡咗少少最佳拍檔寬粉（5/5）個人來講好鍾意寬粉，用來配酸菜魚非常夾，煙煙韌韌，好有口感霸王辣子雞（3/5）雞的份量有點少，而且有骨，大部份都是辣椒，味道不錯，好食的乾煸四季豆（4/5）味道幾好，不過佢有啲麻辣，我自己就鍾意辣但係唔鍾意麻嘅感覺蔥油拌麵（2/5）味道不錯的，不過就有點油膩幺妹兒冰粉（4.5/5）這個解辣一流！甜甜嘅冰粉有一種冰涼嘅感覺，好好食！不過甜度就甜咗少少，整體不錯的！可以試吓桂花冰釀（2/5）好淡，不過都飲到少少桂花味，我就唔太鍾意因為太淡

星期五嘅晚上 口痕好想食酸菜魚咁今次我哋二人黎到旺角覓食搵到呢一間酸菜魚過嚟試試因為今次得兩個人 我哋就叫咗一個人見人愛酸菜魚加寬粉 同埋一個土豆絲涼拌菜人見人愛酸菜魚加上寬粉真係人氣配搭寬粉加上酸菜魚嘅湯 真係非常滋味酸菜魚魚肉好滑 小辣亦都唔會好辣魚嘅份量亦都唔少 我哋兩個人食好足夠酸菜配合埋魚真係冇得頂 令人回味而土豆絲涼拌菜味道比較普通 下一次會再試其他小菜本身都好想試埋麻辣香鍋 但今次只有兩個人食唔晒 下次多啲人再試埋先得！

這間十二味功夫餐牌好像有點不同，感覺跟吃過的十二味有點不一樣。不過酸菜魚是一樣好吃，人見人愛酸菜魚，酸菜爽口開胃、魚肉嫩滑、湯頭鮮甜， 每次吃都很有水準，而且餸飯一流😻🍚其實除了酸菜和魚以外，其他配料像萵筍、秀珍菇也很好吃😋既酸辣又開胃的湯，直接喝或當做湯飯也好吃😋清炒萵筍絲爽脆清甜，緩和一下濃味的酸菜魚吃一碗「幺妹兒冰粉」作結，冰粉甜而不膩，晶凝通透的冰粉像透明啫喱般，看得見冰粉內有桂花，伴有桂花蜜糖，清涼可口👌☺️

天氣開始凍，除咗打邊爐，食辣都係一個唔錯嘅選擇。講起辣，四川麻辣嘢當然係其中嘅代表，今次就去咗旺角嘅「十二味功夫」，呢間鋪頭唔算大，但人特別多，等嘅需要係LIFT門口排隊，侍應們有時都會經過呢條「通道」，所以有啲逼。最後等咗大約20分鐘就可以入座。等咗咁耐，當然要試呢間鋪頭嘅主打「人見人愛酸菜魚」+「寬粉」、除咗酸菜魚外，仲叫咗「招牌自選香鍋」及「紅糖糍粑」，而飲品就叫咗「桂花冰釀」。上菜時間都好快，而且好大碟！其實呢三款都夠3-5個人食！「人見人愛酸菜魚」，魚肉嫩滑無骨唔腥，湯底小辣夠麻，酸菜份量十足，味道出色！「寬粉」充分吸收湯汁，開胃！「招牌自選香鍋」，點咗小辣，無乜辣味，而且無乜麻味，不過就好香孜然味，而且勝在夠大份。「紅糖糍粑」，糍粑外脆內軟，紅糖重黑糖味，我覺得呢款菜色係必叫！「桂花冰釀」，個酒樽外型超級中國風，味道唔錯，而且有啲似「酒釀桂花丸子」入邊嘅糖水，不過份量偏少。總結，「人見人愛酸菜魚」同埋「紅糖糍粑」係必試，食得辣嘅最好叫少辣就唔係幾夠喉，其他嘢食有待之後挖掘。

呢間酸菜魚之前都有食過，今次係再番去食，因為上次食已經值得再食多次，而家想食酸菜魚都會黎呢間食多🤣🤣🤣我地兩個食唔算太餓所以就只係叫左兩樣野食過下口引😍😍😍人見人愛酸菜魚$208 一定要+$22寛粉，因為同酸菜魚好夾😋😋呢間既酸菜魚整到偏似大陸口味，所以係好食既😋魚肉好滑唔會腥但有少少泥味，酸菜辣辣地好好食😋😋入面仲有萵筍，連埋寛粉一齊食真係超好食😋油渣燴包菜-雖然佢有放辣椒🌶️但係唔辣既，好川菜風味😋😋一樣超好食😋😋

自從反送中運動開始之後，我同啲朋友都無再去過深圳食太二！直至搵到食評推介呢間嘅酸菜魚，食過之後真係覺得唔洗過深圳都食到太二嘅味度！雖然價錢比深圳太二貴啲，但係慳咗好多交通時間同車費。得閒黎過下酸菜魚癮都係唔錯嘅選擇！之前嚟食過一次，今次就介紹埋班朋友嚟試吓。嚟到目標好清晰，就係食酸菜魚😆😆所以我哋四個人叫咗兩盆酸菜魚，一個小辣，一個中辣，我地仲加咗寬粉。食過多間嘅酸菜魚，通常都只係食到鹹味同少少酸味！但係呢間嘅酸菜魚味道就豐富好多，有更多層次嘅感覺，有齊麻辣、酸、鹹、蒜甜味，出嚟感覺好balance，又唔會覺得好鹹。魚嘅份量唔算少，同埋大塊得黎又滑好好味😍😍真係好值得推介！

食物味道: 呢度辣嘅食物可以選擇走辣，以酸菜魚為例，可以要微辣或唔辣，我們選了微辣，的確只係微辣，容易入口，所以不嗜辣嘅人都接受得到，呢度最值得欣賞嘅其中一樣，就係火候夠，同你落單之後，就聽見廚師開爐煮野，爐火嘅聲音猛烈，你就知一陣出嚟嘅食物幾夠鑊氣，幾咁熱騰騰嘞。 食物份量: 主菜份量大價錢: 扺食環境: 今年一月十八日新張試業，地方新淨企理，餐廳不算大，大概40個位，可能新開張，星期日晚飯時間都唔多人，大概有10個客，所以坐得舒服，而紅色為主的裝修，仿佛提醒大家，提供的食物都是辣辣的。服務: 殷勤，亦經常幫我地添水。回頭指數(10分滿分): 10分

香港地，食店多過天上繁星。如果冇返一兩味撚手野，文雅 D叫 signature ，真係好難留住客人的心，好難保證回頭率架！呢間的signature酸菜魚，堅得！真係人見人愛呀！人見人愛酸菜魚$198酸菜，甜酸辣咸味都有，味道有層次得來又唔會過火，真係好香好開胃架。魚片又真係可以做到薄切得來彈牙，煙韌之餘又嫰滑，而且完全無碎骨，令人食得好安心。除左酸菜同魚片，佢仲加入左窩荀，浸到入曬味，好好味。仲有個酸菜汁都想讚吓，好濃味唔油膩，撈飯一流，五星無懸念。夫妻肺片 $68通常夫妻肺片都係切到碎碎的，第一次食到咁大片上的牛肚和牛什。夠重手夠足料，而且係靚料。視覺上比較靚，CP 高。可惜切大片亦有個唔好處，就係較難咬，感覺上川辣汁亦無咁入味。個人還是比較喜歡切到碎碎的夫妻肺片。大盆花菜 $78椰菜花炒五花肉，係我最愛的經典川菜之一。今次試唔辣，仍舊好香口、好美味。走了辣，更加能夠食到椰菜花的香，與五花腩片的美，幾正的。裝修不錯，幾好坐的，新開張人唔算多。味道好又舒服，加上價錢公道，會再來。

新落成的Ladder Dundas的第一間餐廳，是十二味功夫，也就是我愛的川菜。滿室紅牆，用上翠綠色餐具形成對比；掛上燈籠🏮，營造中國風。豪不猶豫點了我的川菜三寶 。第一是酸菜魚$198這裡用上鱸魚，嫩滑無腥，魚及酸菜份量都十分多，少少辣，不過酸，開胃！第二是口水雞，這個口水雞不太辣，皮薄肉滑，不能吃辣的朋友都吃了幾件，所以別給它那紅油嚇怕。最後一定要以紅糖糍粑作結！糯米粉糰炸得軟糯，深深被這qq的口感迷惑，外面裹上黃豆粉，再淋上糖漿，完美！