長洲冰室

营业中

休息中

#甜品eatcovery💡長洲必食嘅甜品💯相信好多人同小編一樣好耐都無機會出走，無得去旅行，餓左好耐，今次就由小編帶大家放假黎到長洲止下餓先，頂住檔。相信大家都知長洲有好多好野食，幾大個胃都唔夠裝，但甜品係女仔不可或缺嘅一部分❤，永遠都有另一個胃等緊佢咁，今次終於試到長洲另一代表店-長洲冰室😋😋🍽 仙草黑糖三色圓冰男小編一直都鍾情三色冰，見到一個絕配組合，圓冰有大量薏米、西米同紅豆，再配埋上面好大舊同濃郁既芋泥，隔離仲有芋圓， 真係望到已經流曬口水。而且，圓冰好體貼咁用左黑糖做冰底，咁就唔怕整係得上面有黑糖味，食到最後無啦。 另外三色芋圓非常煙韌，好有咬口。🍽 泰式奶茶三色圓冰熱愛泰國美食嘅小編又點會放過以泰式奶茶做招牌嘅甜品。絕對無令小編失望！冰底係泰式奶茶味，茶味好出，好似飲緊泰奶咁，即使食到一半啲冰溶左， 泰式奶茶味仲好濃郁。而且唔會太甜，甜度啱啱好。仲有大量芋圓同紅豆，芋圓好煙韌，加埋香濃嘅雲呢拿雪糕，比起一般剉冰，口感更豐富！ps. 雖然小編覺得六十幾蚊一個糖水有啲貴， 但難得入到長洲，點都要豪一次。推介度：⭐️⭐️⭐️⭐️⭐️ 📍 長洲冰室長洲北社海旁19C號地下

炎炎夏日，入到長洲已經唔係淨係食串大魚旦，打包個芒果糯米糍就走🤣無去一排，長洲已經煥然一新，開左好多小店👏🏻嗰日30度行到流晒汗🥵想揀啲消暑嘅嘢食下，上網搵到間新派甜品店評價唔錯，所以入去試下順便涼下冷氣🥶🍧仙草黑糖三色圓冰睇相都知好爆料，份量絕不手軟🤪黑料仙草冰底，略嫌水左啲，不過唔會過甜。上面鋪上紅豆、薏米、三色芋圓、芋頭蓉，口感豐富。值得讚嘅係芋頭蓉夠錦滑👍🏻三色芋圓口感煙韌但芋頭、蕃薯同紫薯味道唔夠出，有待改善~而且價錢都唔平，會期待有更高質素嘅食物🔝

呢排大家都減少左出街 我就係早排揀左個平日去長洲吸收下新鮮空氣 叫做放自己一日假 😆呢間糖水鋪其實之前已經食過但冇影低 位置係碼頭轉左一直行到北面海傍就到 唔算好遠👻呢間野裝修得幾舒服 環境同座位寬敞而且有特色😻個冰我覺得有少少貴 不過細細地材料又勁豐富🍨個黑糖冰底嘅黑糖味好出 三色圓好煙韌 不過略嫌個味道唔算好重 如果啲芋頭同番薯紫薯味再重啲就正啦👅其實我仲有食咗其他 例如豆腐花同紫米露 味道都唔錯嫁 正常價錢冇個冰咁貴 大家都可以黎試下⛵️

好耐好耐都冇入長洲玩, 大熱天時行兩行已經出哂汗☀️💦💦 咁岩行過見到間幾文青feel既糖水舖，又有足夠既冷氣🌬所以同男朋友二話不說就入去食嚕依間甜水舖招牌係芋圓，而身為芋圓控既我當然一定會嗌 試下就知龍與鳳🤪首先嗌左個中式既糖水，木瓜雪耳三色圓燉桃膠 養下生先啦😚 都唔錯既👍🏻又唔會話太甜 同埋都幾足料既🤤之後仲嗌左個仙草黑糖三色圓冰試下👍🏻 都幾大份 同夠哂凍 瞬間降哂溫✌🏻✌🏻不過黑糖味就略厭唔夠突出🤔

又一年冇黎長洲啦，今次就同埋自己既小狗同埋朋友一齊黎到呢間我每次都會黎既甜品店。我地今次帶埋小狗一齊入店，本身都怕唔俾，但可能佢係袋入面同埋細隻，所以冇俾人話!由於我地今次好夜先黎到，所以都唔需要等位就可以入去了，而且老闆娘知道我們趕船，甜品都好快整到俾我地。仙草黑糖三色圓冰($53)，由於我好中意食仙草同埋芋圓，所以次次黎都會點呢款甜品食。刨冰面有芋圓、芋泥、薏米、紅豆，當然內裡還有仙草！刨冰已經淋上黑糖，因為天氣炎熱，店員會提醒我地盡快食用，以免刨冰溶哂，另外如果唔夠黑糖也可以跟店員講。芋圓很煙韌，整碗味道剛剛好，唔會太甜，係解暑的好幫手!芒果三色圓冰($58)，這款刨冰面頭有芋圓、芒果雪糕還有芒果，還淋有芒果醬和淡奶，芒果味好濃，刨冰食到最尾也不會變淡!呢間甜品店真係值得一去再去，除左有刨冰，也有其他不同的甜品及甜品選擇!