神燈海鮮酒家 (18廣場)

营业中

休息中

平日去到佐敦長樂街嘅神燈海鮮酒家食晚餐，餐廳分開咗兩層，食客要行上一層用餐～我哋唔洗等位就可以入得座😆裝修方面古色古香，環境寬敞坐得幾舒服！餐廳提供咗各色各樣嘅小菜，明爐燒味，仲有生猛海鮮，款式十分多，而且真心整體都好高質ദ്ദി˶ｰ̀֊ｰ́ ).◽️黑松露玻璃燒鵝 $238（9/10）燒鵝肉多汁嫩滑，燒鵝皮更用上咗黑松露醃製再明火燒烤而成，味道帶濃厚嘅黑松露味而且好脆口，平時唔食皮嘅我都忍唔住食，非常美味🥰另外如果你比較鍾意重口味，再可以配上傳統嘅酸梅汁同餐廳特製嘅黑松露汁.◽️伊比利亞叉燒皇 $248（8.5/10）用咗伊比利亞豬肉，表面燒得焦香，肉質肥美，肥膏同豬肉比例均勻，食落啖啖肉汁，非常惹味😋.◽️糯米炒蟹膏 $568（9/10）好期待嘅一道菜🥹一開煲蓋已經聞到香氣撲鼻嘅糯米飯香，原隻嘅大蟹食落啖啖肉，而且蟹膏香軟細滑，味道鮮甜💓蟹汁同蟹膏滲透落糯米飯到，而且糯米飯炒得粒粒分明，食耐咗仲有美味嘅飯焦，好食！.◽️南乳脆香骨 $118（6.5/10）肉質香嫩同時帶點南乳味道，如果可以炸得更香脆就更正(˶ˊᵕˋ˵).◽️石澳梅菜蒸菜心 $118（7.5/10）鮮嫰嘅菜心配上石澳出產嘅梅菜，清甜得

聽過神燈呢間酒家好耐，見到好多人都會去食下海鮮，最近終於去了！酒家入面都有好多位，而且多數人係好多人一齊坐圓台好熱鬧。原來不止海鮮，小菜類都幾多。先說當晚最喜歡的菜色- 🦀️糯米炒膏蟹超驚喜地好食，一開蓋已聞到好香的蟹味，揭開蟹蓋更加係超多膏，食落去膏味似蛋黃，好香口😋😋而且蟹肉好新鮮鮮甜！至於糯米粒粒分明得來好軟香，吸收了蟹的精華好濃香，還有好多飯焦，口感幾好，可以話每一啖都係一個享受另一款必食之選- 🐷伊比利亞叉燒皇同樣充滿驚喜，估唔到叉燒都可以咁好味！肉質是超軟嫩，而且少肥得來都可以做到入口即溶的感覺，的確出色😋另外仲點了幾款都幾有水準的菜色-🦀️百花炸釀松葉蟹鉗入面係新鮮蟹肉，口感幾彈口🌟海哲彈口，配上味道酸酸的醋，開胃得來口感幾好。🐟粟米深海鱈魚柳看似其貌不揚，入面的魚肉也相當有水準，是白雪雪的新鮮魚肉，而且是啖啖肉。這裡的服務都好好，食蟹時每過一陣子就有店員幫我們換碟。👍🏼最後還有自家製的果凍，甜度適中 ，奶香味重，真係由頭到尾到好滿足😋😋

臨近父親節，乘著有時間，便帶屋企人品嚐懷舊的粵菜。這裡分為兩層，上樓便有寬敞的空間，有卡位也有圓枱，巨型的魚缸有林林總總生猛的海鮮。就連茶類也有較特別的玄米茶，茶色淡綠，香味清新，口感淡而不澀。更有餐前小食—琥珀合桃，琥珀焦糖加上白芝麻，甜而不膩，超好食。糯米炒膏蟹 生長於鹹淡水交界的斗門蟹足足有14兩，鮮甜的蟹汁滲透於軟糯的糯米飯之中，夾雜大量蟹膏及蟹肉非常甘香，而蟹殼及蟹身也有很多肉，熱騰騰的石鍋更令糯米飯帶點焦脆香。伊比利亞叉燒皇 伊比利亞的豬造出來的叉燒最佳，肥瘦均勻，燒得略帶焦香，滿佈油亮的蜜糖，入口肉質好細緻、軟嫩多汁。百花炸釀松葉蟹鉗 即叫即炸金黃又酥脆的蟹鉗，脹卜卜又紮實，咬開充滿爽滑彈牙的蟹肉。法式蜂蜜芥末蝦球 外脆內彈牙的蝦球有很多粒，粒粒都炸得酥而不油，香甜的蜂蜜芥末醬更帶出蝦球的鮮甜。椒鹽豬手 整件也滿佈炸香的椒鹽，帶微微惹味辛辣，每一口也是滿滿的膠質，十分軟腍。百合紅棗雪耳糖水 起膠的雪耳好濃甜潤滑，冰涼又滋潤。牛奶布丁 自家製的布丁好香滑細膩，有著濃厚的牛奶味。

寫了第一篇食評後，發現原來寫食評並不是想像中的困難；只要將直接的感受講出來便可以，原來分享可以好簡單！今次想分享一下位於佐敦長樂街的神燈海鮮酒家。食肆的裝修麻麻哋，沒有窗，加上燈光不夠光猛，感覺有點侷促。但食物質素真是喜出望外，我哋六個大人兩個小朋友，合共叫了九個餸，除了一兩個餸麻麻哋之外，大部分都不錯，尤其是濃湯雞煲翅，一份$688，足8兩翅，6大碗，個個食到讚不絕口，非常值得推薦！$228只得幾舊雖然有點貴，但真心好食；肉脂比例剛好，嫩滑多汁，質素高的叉燒才可如此厚切。加咗鹹蛋黃，非常開胃。比較油膩，很一般。帶子夠大粒，份量也不少。開胃惹味，送飯一流；基本上是每台必叫的招牌餸。

覓食星期四團隊今次來到佐敦的神燈。叫了他們的幾款招牌菜，但可惜他們的砂煱蟹粥賣晒☹️果晚好多人，待應都非常忙碌，我們無滾水都無人理，想叫嘢都好難先叫到人來落單。叫了一份伊比利亞叉燒，肉質很好，但本人覺得味道偏淡。這個小炒王有鑊氣，友人喜歡，我就覺得偏向太油。大家異口同聲喜歡這個餸👍🏻，牛肉夠冧，薯仔亦有拉油，所以外面又脆又香口，內面夠冧。特別喜歡有薄薄一層的蜜糖，甜甜哋，好滋味😋😋。這個招牌焗魚腸亦意外地好味，除了有魚腸之外，亦有其他配料，例如叉燒，菇等，好足料，好豐富！門口仲有一條過不到的橋😆

之前食過神燈既午市點心放題 覺得質素唔錯 今日我地專誠泥試佢哋晚市既中菜🤤 晚上7點去到已經好多客人 果然受街坊歡迎😆今日一心泥試既係佢地3款經典招牌菜式: 新加坡麥皮蝦 伊比利亞叉燒皇同百花炸釀松葉蟹鉗😍 麥皮蝦起源自新加坡 而家喺香港都食得到 炸麥皮香脆得有如炸蒜 包住爽口彈牙既大海蝦 果然滋味😋 伊比利亞叉燒皇見到個賣相已經流晒口水 叉燒厚身 每件都肥瘦均勻 口感鬆化 唔會太腍太硬 加上燶邊真係超出色😱👅 百花炸釀松葉蟹鉗特別選用松葉蟹肉炮製 非常大隻 比平時既炸蟹鉗更鮮甜 香脆內彈牙👍🏻除左以上3款經典菜式 我哋仲試左金湯海皇豆腐同荷葉麒麟蒸雞🐥 金湯海皇豆腐真係非常好味 有鹹蛋黃嘅鹹香味 加上蝦仁 帶子等食材提鮮 同豆腐配合得天衣無縫🤤 荷葉麒麟蒸雞雞肉非常入味 又夠滑 都唔錯架👍🏻 大家有機會真係要過嚟試吓佢哋嘅中菜🌟

見有好多人都嚟呢間海鮮酒家食飯 啲餸都好吸引💓所以嗰日就同朋友嚟試吓🤤不過價錢都幾貴 食咗五個餸 要成千蚊🙈但係全部都有特色 仲有甜品送 唔錯😎.📌星洲麥皮蝦 $248呢款係呢度嘅招牌菜 幾乎每枱都食✨佢係新加坡嘅名菜🇸🇬用香脆燕麥包住彈牙海蝦🦐口感真係幾特別🥰麥片好易炒燶 真係好考師傅功力💪🏻神燈師傅曾經係新加坡大廚 夠晒經驗👍🏻麥片冇炒燶 蝦殼都炸到好酥脆😋最正係佢啲麥片仲有加埋鹹蛋黃同蔥一齊炒 相當惹味😌個蝦除咗夠鮮甜之外 仲好入味 啖啖鹹蛋黃香💛.📌百花炸釀松葉蟹鉗 $58/1佢哋係用咗松葉蟹肉 肉質鮮甜🤩蟹鉗外面係厚厚嘅蝦膠 再拎去炸🔥金黃色脆卜卜 脹卜卜啖啖肉🤤外面香脆 入面嘅蝦膠夠彈牙 雖然係炸但係唔油膩 炸皮超薄😍.📌燒汁茄子牛肝連 $158牛肝連其實就係大家成日聽嘅封門柳😎每隻牛都淨係得細細舊 相當珍貴😆肉質嫩滑 牛味夠濃🐮茄子炆到好軟熟 又入味🍆不過我就覺得醬汁太多 同偏甜咗少少🤏🏻.📌石澳梅菜蒸菜心 $108睇落煮菜心好易 但其實好難控制火侯😢呢到嘅菜心我好滿意💯唔會太硬唔熟 又唔會overcook太腍 夠清甜又嫩😍梅菜鹹度剛好 帶少少甜 配埋個菜心食就啱啱好😝.

每月一次同爸爸去食晚餐😂今次去呢間海鮮酒家嘅店名好特別【神燈💡】，入到去要上一樓，環境舒服光猛，四餸一湯泡飯，係一間傳統嘅海鮮酒家，仲要好味又抵食 #伊比利亞叉燒皇(推介💥) 🍯遠處已經聞到香味濃郁嘅叉燒，叉燒入口鬆化，叉燒汁甜甜地好味，油脂分佈得好平均，色澤仲夠哂光澤，肉質鬆軟細緻 (半肥瘦)，層次分明，好味到不得了⭐⭐⭐⭐⭐ #星洲麥皮蝦 (推介💥)呢款係新加坡名菜，用咗焗得香脆嘅麥皮包圍住，6隻新鮮大蝦🦐，每隻蝦都勁大隻，大蝦嘅肉質鮮甜爽口彈牙，連個蝦殼都炸到勁香脆，惹味程度真係爆燈⭐⭐⭐⭐⭐ #百花炸釀松葉蟹鉗 (2隻)(推介💥) 勁大隻百花炸釀松葉蟹鉗🦀(有成隻手指咁長)，外層炸到金黃色，炸到熱辣辣，一啖咬落去，彈牙蟹肉肉質鮮甜好味，咬一啖已經勁滿足⭐⭐⭐⭐⭐ #傳統小炒皇 🍲傳統小炒皇給你小驚喜，材料仲好豐富，有爽口韭花菜、鮮味蝦乾、脆卜卜銀魚、吊片、爽脆菜圃、好多粉腰果，撈飯真係一流 #鮮茄龍蝦湯泡飯 🥣淨係個🦞龍蝦湯已經夠哂鮮甜(我飲哂啲湯呀)，湯嘅配料勁多勁足料，有蝦、帶子、蜆肉、蕃茄🍅呢個湯飯真係勁正，仲唔怕會漏；仲配埋個炒米，加唔加落泡飯可以自己選擇 #杞子桂花糕