金不換泰國餐廳

营业中

休息中

早幾日海港城Dining Coupon到期，又趕尾班車去用埋剩低果兩張券，今次食呢間泰菜餐廳個名好多年前已經聽過，但食就真係第一次。.因為消費每$200可用券減$100，所以Budget預大概$400，同朋友望住餐牌點了三款食物。海蝦刺身 $158 食落同平時食開既差唔多，好食但唔值。七隻生蝦收呢個價都幾貴下，真係半價就差唔多。其實見其他小食例如炸蝦餅或扎肉沙律都差唔多價錢，應該會比較有飽腹感。冬蔭功湯 $88/1人份 味道唔錯，唔會太辣太嗆，有幾粒蘑菇及兩隻蝦，蝦肉爽口夠大隻。不過份量真係一人份，只係平時飯碗咁。豬頸肉炒金邊粉 $158 幾大碟幾多料，唔油膩但太過乾身，金邊粉都痴埋一嘬…乾啃感覺一般。.沒料到整體食物質素一般，甚至低過其他泰國餐廳，用Dining Coupon後的價錢覺得性價比都唔高。

平日中午來到尖沙咀金不換食泰國菜, 午飯高峰時段餐廳坐滿人餐廳供應二人&四人午市套餐冬蔭功湯冬蔭功湯不酸少辣, 味道不錯, 不善於食辣的朋友也可以飲到. 湯用一貫冬蔭湯香料, 內有大蝦&草菇, 大蝦肉質不算太彈牙柚子沙律大大粒柚子, 柚子味道清新, 沙律汁偏甜青咖喱豬頸肉青咖喱正常應比紅/黃咖喱辣, 不過金不換的青咖喱味道屬於小辣偏甜, 不過咖喱汁味道也算香口&惹味, 送飯一流👍 真的可以送幾碗飯😬😬豬頸肉切片&爽口, 不錯😋海南雞半隻海南雞大大碟, 味道普普通通鹹魚炒芥蘭芥蘭新鮮, 菜莖爽口, 鹹魚味香濃, 不過味道不是死鹹是日甜品是綠豆粟米西米露(忘記影相😅), 比較"杰"身, 偏甜午市套餐價格經濟, 食物質素不錯, 服務態度也叫好, 整體水準也算高. 餐廳位置偏遠, 平時沒訂座的話, 可以碰碰運氣, 應該毋須等太耐😅