素年 (福隆大廈)

营业中

休息中

我地幾個平時都係食肉多，今次一齊去試吓食素座位唔多，建議訂咗位先過嚟食～泡菜意大利粉：少少辣，但好開胃，好味！意大利粉唔會太乾/太濕，啱啱好不可能漢堡包：食落真係好似平時嘅漢堡包，啱哂第一次試素食嘅人，而且炸蕃薯條都好好味！香芋蕃薯波波：入面勁香芋頭超好味！我覺得係必嗌，而且份量比想像中多冬蔭意大利飯：呢個我地嗌咗小辣，好正我地今次仲係慶祝生日，唔收切餅費，不過餐廳有限時，所以都食得幾趕整體感覺都唔錯，有機會再嚟試

這家店我相信是素食界的新寵，非常多人慕名而來。餐廳開正午12時，我們提早半小時來到，卻仍然未能成為第一批客人。儘管要等上差不多一小時，排隊亦日曬雨淋，客人仍絡繹不絕。未入餐廳前已與友人決定必試冬蔭意大利飯及黑松露蘑菇漢堡，因為看過食評後都覺得最吸引，天氣甚熱，所以決定餐飲要凍伯爵茶。大約等了45分鐘幸運地可以內進用餐。餐廳挺細的，中間的枱與枱之間距離頗近，幸好我們有機會坐最入的枱，感覺私隱點。下單後很快便上漢堡，一看便知很好吃。黑松露醬汁非常香，且多，令漢堡包濕潤。麵包甜甜的，夠鬆軟，加上大啡菇厚身，蕃茄又多汁，口感很豐富。配菜是蕃薯條炸得香脆，吃完都已經半飽。而我更喜歡冬蔭意大利飯，一則我十分喜歡香料的味道，此外我偏好這個飯質感淋身，更吸收醬汁。這個飯比我想像中辣，吃得很過癮。素菜材料有小圓茄，小蕃茄，蘑菇和露荀，沒有肉類也覺豐富。吃完重味的食物再喝一杯凍伯爵茶有解膩的感覺。雖然排了很久，但質素都令我們覺得值得和對得住價錢的，非常滿意。偶然想吃素的話不妨到此一遊，素食原來也不簡單。

💛 #深水埗 #素年 #Years同幾個大學同學去深水埗買嘢之前去食返餐好嘅先🤤 鍾意食素嘅friend揀咗呢間素年比我哋試, 朋友之中有一個食肉獸 (唔好打我🤪) 但睇到素年啲食物相都話可以一戢, 所以就黎咗☺️🍛 日式咖喱吉列豬扒意大利飯 ($108)我叫咗呢個咖喱飯😋, 一上碟就feel到一定食唔曬! 佢超大碟, 女仔一定要叫少飯呀😫! 個risotto勁大碟, 裏面有蘑菇、露荀、車厘茄等等, 面頭仲有兩塊蘋果。 第一次食吉列新豬肉, 一開頭嗰幾啖沾咗咖喱汁, 覺得同普通吉列豬差唔多😲, 之後食咗舊冇汁嘅. 覺得好得意好似一舊好食嘅炸薯餅 🤣🤣🤣🍱 日式定食 ($88)朋友叫嘅呢個日式便當好多嘢好吸睛🤩! 有漬物、烏冬、什錦配菜、麵鼓湯同甜品等等,好抵食咁🤤🤤🍔 不可能漢堡包 ($128)不可能漢堡包係熱門菜式之一🔥, 入面塊不可能漢堡扒超厚! 仲有火箭菜、車打芝士、洋蔥同意大利黑醋, 另外仲有好多番薯條添😋😋🍜 冬蔭意大利飯 ($88)另外有個朋友叫咗呢個冬蔭意大利飯, 不過佢好鍾意食肉, 就話覺得呢個偏dry(笑🤣🤣) 呢個risotto入面有金不換、車厘茄、泰茄子、草菇同蘆筍

之前成日見人食呢間餐廳，啲賣相幾靚，所以想嚟好耐！原來唔止靚，仲係一間食素嘅餐廳。我哋book咗1830，被通知2000要交檯。餐點選擇唔算多，菜色亦稱冇太花巧特別，唯獨我同朋友都即刻聚焦一樣 —— 冬蔭意大利飯！呢個聽落最特別了，感覺好fushion好新鮮。順帶一提，menu寫明份量大，有需要可以要求減量⋯令我真係好好奇份量有幾大先會叫人減量？然後，係我錯了。佢份量真係好大好誇張啊！淨係望啲飯都起碼有兩碗吧？！基本上兩個人細食啲都會夠食 真係應該乖乖叫減量的⋯個飯好有冬蔭功嗰種酸酸辣辣、金不換嘅香味，但味道上唔算濃，反而係偏清淡少少但帶微酸辣嘅飯。飯質偏淋，但同啲汁融為一體。飯入面混有草菇、蘆荀，令口感冇咁齋。但作為食葷嘅人，即使佢味道唔錯同幾特別，但整體都係算清淡，會有少少空虛。而呢個意粉就普通好多了。就真係純粹一個以植物材料炒成嘅齋意粉⋯混有蒜泥，但味道真係冇特別，好家常菜feel，感覺自己喺屋企都輕易整到一模一樣嘅味道。但值得一讚嘅係意粉算煙韌同幼身，所以口感幾好～ 整體嚟講最大賣點係 份量大！好適合大食嘅朋友😂而味道上都係偏淡的，食慣肉/重口味嘅可能未必滿足。不過呢兩款都係主

呢啲時勢除左交收抗疫物資外都唔會出去，今日約左個好朋友交收，平時最愛hightea既我地，因為啲tea多數到藍🙄同埋啲酒店好多大劣人好高危⋯⋯所以選左間可以坐得舒服啲既黃店呢間bookmark左好耐想同茹素既媽咪黎試但一直無食，今日選左下午茶時間黎叫做無咁多人門面日系簡約Menu同我上網睇無乜點改動🤣所以一早諗定食乜，可以走五辛、走蛋奶真好靈活，好適合信佛食全齋茹素既人士mocha同hazelnut latte先黎飲品（跟餐加錢）飲品味道比較淡，可能配合素食口味要清啲～相當欣賞用紙飲管夠環保不可能漢堡包配蕃薯條新派素食就有呢度特別，舊新肉真係勁似牛肉，無論質地同味道都似，配埋芝士同醬汁完全係好食唔乾又健康，蕃薯條香脆帶甜冬蔭意大利飯其實想食芫茜飯但無左咁見隔離枱食緊好香就叫一個，食落無真冬蔭既酸辣，飯比想像好食同入味，飯粒唔會太軟又保持飯粒，其實我唔太喜歡正宗意大利飯粒中間硬痴牙既，呢個完全無呢個問題埋單三百又唔趕人坐得舒服又夠安靜，黃店都有好食既，睇下識唔識揀既啫

素年喺素食界大熱，有好多人都讚好味，細細既餐廳一位難求，唔book位基本上都食唔到，所以大家記得book位。素年係新派素食，好多菜式都有用植物肉，不過都有蔬食啱唔特別鐘意植物肉既人，滿足唔同人既需要。個燕麥奶用左藜麥黎取代珍珠，感覺更健康。細細粒既藜麥又冇珍珠咁滯，飲完都仲食到野。依個冬蔭公飯絕對係必食！酸酸辣辣好開胃，好有泰國風味，唔食得辣既朋友記得叫少辣，因為都幾辣。肉醬意粉用impossible meat做，似肉到呢根本就係食緊真既肉醬意粉，啱哂想食下素既食肉獸！吉列豬扒三文治用新豬肉製作，炸得酥脆又有肉既口感。三文治可以揀純素，略嫌有少少唔夠重口味，如果可以加塊daiya素芝士就perfect喇。蕃薯條本身係配burger，但原來都可以散叫，好大碟，食到好飽。素年既質素配依個貼地價錢真係好抵，抵佢地成日爆滿既！

同朋友去深水埗行街，附近搵嘢食，意外發現呢間小店裝修好企理，於是入去試試，由於我地係walk in 所以店舖都講明用餐1小時要交枱，當時係6點，證明間鋪都應該好多人食，因為我地6點到都幾乎滿座。講返食物方面，朋友嗌左個不可能肉醬意粉，聽個名都會吸引你去試。個意粉好大碟肉醬又多，茄醬都好味唔太酸。我則叫左個冬蔭意大利飯，裡面有泰式茄子，露筍，金不換，磨菇。賣相已經好靚，估唔到味道很不錯，簡直意外驚喜，因為冬蔭功關係有少少冬蔭功味已經好開胃，重要係每一口都有少少辣味，而那味道很特別，會令人追住嚟食，俾朋友試兩啖，都話估唔到咁好食。由於飯後仲有節目，所以我地唔加20蚊飲咖啡，跟餐杯玄米茶算啦，點知杯茶送到嚟唔係茶包，而係新鮮玄米加一些葉子泡茶，令到茶香味噗出，完全看得到小店嘅用心，一定會再來食。

平時出街食飯都以肉類為主，呢日行完西九龍中心，喺橫街嘅呢間素年過咗中午都仲要排隊！睇嚟都幾有人氣，豬太郎同家姐唔算太肚餓，決定等下位，試下佢哋嘅素食先！.#冬蔭意大利飯 $82冬蔭公湯麵就食得多！意大利飯就真係第一次，酸酸辣辣嘅味道好開胃！意大利飯煮得啱啱好，有口感得嚟唔會太過軟腍，仲有蕃茄仔同正值當季嘅脆嫩蘆筍𠻹！份量一個人絕對夠飽～豬太郎同家姐就係嗌兩個餐再share食，樣樣都食到啲 .#黑松露蘑菇漢堡包 $98鐘意食burger嘅家姐畀黑松露蛋黃醬吸引住，果然無令我哋失望！由多汁嘅大磨菇、濃郁嘅黑松露蛋黃醬、到熱辣辣嘅蕃薯條都值得再次光顧！雖然有提供蕃茄醬，但蕃薯條本身嘅甜味已經令人好滿足！下次再食嘅仲想試埋 impossible burger !