稻成 (新城市廣場一期)

营业中

休息中

因為疫情關係，冇得上大陸食酸菜魚,從綱上OpenRice 睇到D食客對此店的的食評都唔錯，今日一於約咗班朋友一齊到沙田稻成食酸菜🐟，順便睇吓佢哋啲食物同服務係咪真係咁好😆，唔試唔知道，一試真係超乎你所想、首先講D食物，原以為稻成只係食辣野，原來居然仲有中式點心，我哋一行四人，一於實行咗一個中式點心➕酸菜🐟嘅下午茶，食物方面呢間餐廳除咗食物質素有一定嘅水準之外，服務不得不讚佢哋，佢哋用嘅人手好少，成個廳面只有四個員工（可能係下午茶時間），呢4⃣️個員工真係要點名稱贊，一個叫阿霖同阿超嘅經理，佢倆既要兼顧Reception，又要兼顧樓面嘅工作，另一個叫興姐同亞茵的樓面，她倆既要為客人上菜，又要幫客人聽order,真係要為佢哋拼勁嘅精神點個贊，佢哋唔會因為繁忙，而忽略咗對每一枱客人嘅招呼，本人感覺得到，領導佢哋嘅上司，一定係一個超強嘅領道人材！

平日晚上6點零，Walk in唔洗等。前菜個盤仔加唔小分，左邊既系唔知咩豆，食落好似蠶豆咁，幾香口👍🏻👍🏻叫左個二人豐盛宴，張枱比較細，侍應好格硬擺落黎同埋全程想快d趕你走既態度😅羊肚菌螺頭燉雞湯雞絲伴粉皮稻城小籠包皮超薄，有湯汁，係肉比較鞋，但整夾埋體算OK香炸蝦膠藕片呢碟絕對系中伏，首先睇個名冇諗住系包住哂既一舊炸野。外面又唔脆，蝦膠亦唔新鮮，成舊好難食。蟲草花翡翠苗味道稍為淡鮑魚紅燒肉重點其實系想食呢一味先黎呢到，好彩冇失望，紅燒肉真系半肥瘦，唔會太過肥，好入味。食落整體系比較咸，但因為翡翠苗冇乜味，配住黎食就岩岩好。豆沙鍋餅

今日突然好想食酸菜魚，所以同咗媽咪嚟稻成食lunch😙我哋到嘅時間比較早，所以可以坐喺好舒服嘅卡位😌一坐低店員就放低花生同豆，係要收$28前菜錢嘅，如果唔想要就及早同店員講喇😄花生就正常，豆好脆口，甜甜地幾好食😋媽咪叫咗個四川擔擔麵 ($78)🍜估唔到食落都幾辣，我諗有接近譚仔二小咁辣😂😂啲麵好煙韌，幾有咬口😆不過我個人口味覺得花生味唔係好夠，店員話落單時可以多花生味，下次試吓先😆之後就到重頭戲，稻成酸菜鱸魚 ($238)🐟我哋加咗辣，但辣度都冇擔擔麵咁辣🤣佢酸同辣味都好突出，放埋一齊都好夾，係屬於幾濃味嘅酸辣，不過如果啲魚可以再入味啲就好喇～我覺得魚塊都好滑，冇咩骨，亦冇咩怪怪嘅泥味，份量亦都算好多，入面仲有好多酸菜添😌我哋仲加咗$28嘅薯粉，索埋啲汁真係好正🤣食飽之後個口真係好辣，所以叫咗碗五彩芋圓冰粉 ($58)🤤上面好似有啲三色豆同煙肉咁😂其實係芋圓同埋山楂餅嚟😳呢個配搭真係好特別，加埋啲花生芝麻，令呢個冰粉多咗好多層次，即刻解哂辣🤣另外想讚吓嘅係店員大部分都好有禮貌，令我今次食得好開心😌

星期五太多人排隊 等左個半鐘都食唔到特登星期日早小小黎攞飛 終於等左30分鐘就食到每枱都會有一盤既收費前菜香炸蝦膠藕片: 非常油 唔太推介呢個 酸菜爐魚 外加左28蚊薯粉: 味道夠酸辣 薯粉是較幼身那種 都算值得一試辣子雞: 雞粒細小 份量都少 而且不夠辣 以138蚊黎講 cp 值都幾低最後以561蚊埋單 老實講呢間餐廳菜式只屬一般🙈🙈 如果係要排隊等1個鐘以上 應該就唔會再黎啦唔知道係餐廳太忙 定係員工新手 全餐飯 員工都出現過幾次大頭蝦事件🙈🙈落單 加水 上菜都試過去左隔離枱 行過又試過唔小心撞到張枱 臨走時仲聽到職員唔小心碌左隔離枱張信用卡兩次🙈

年初四嚟食個午餐，出門口就經商場app排隊，時間岩岩好，直接入座，安排左梳化位置俾我地，環境舒服，可以坐得慢慢食，另有種BB 椅，方便小朋友。先嚟餐前小食我地兩個大人叫左以下食物，樣樣都係水準之作，特別係抄手，真係好好味。辣度適中小籠包皮薄多汁孜然手抓排骨，有俾埋手套，食既時候就唔會整污糟手啦澳洲和牛炒飯，醬油係屬於甜甜地，炒得乾身，口感不錯。整體用餐感覺良好，可能樓底唔算太高，隔離台傾計傾到興高采烈，好嘈吵。

是日清假，約下朋友食個午餐，見到新城市開左間食酸菜地方，不妨一試！兩個人只點了個酸菜魚同一客涼拌雞絲粉皮，酸菜魚可以配油炸鬼，見咁棧鬼，叫一客試試。涼拌雞絲請待應蔴醬另上，果然做到，一讚，但味道就平平無奇，粉皮比一般幼身而厚，唔夠薄。酸菜魚上檯用用弱弱的火慶住食但上檯時真係唔吸引，味道又唔夠酸亦不辣，食完都只覺得係一客魚湯浸魚，完全唔似方間一般酸菜魚咁。好彩用下油炸鬼索下D湯食，加少少分。唯一要讚下D姐姐服務唔錯