勁回味

营业中

休息中

次次見到排長龍都無食到，今次終於試到喇。當然要試下呢個加拿大海膽手卷。滿滿的海膽，好甘甜好新鮮，yummy。食嘅時候要小心，會有點論盡。會有下次呀(如果人龍唔太長)，試埋其他款。

晚上十點，勁回味的人龍比平時縮減左大半。相中可見舖面細小，招牌飽經風霜，甩到睇唔清店名了。因為只有2名職員關係，所以想食ge 朋友就要耐心等候。三文魚腩手卷 有四塊三文魚腩，魚肉都算肥美，食到最後一啖都仍然食到魚肉，好幸福，手卷size係細少少，但呢個價錢與質素相符。呢期興起海膽熱潮！加拿大海膽手卷，海膽creamy無苦味，食到最後一啖，仍食到海膽50蚊一試無妨。最後外賣左三文魚籽手卷，店舖好細心地附了一個湯匙魚籽 咬落咸咸地，無腥味！

久聞「勁回味」嘅海膽手卷好吸引 又平又足料.... 曾經兩次摸門釘 一次係星期日 另一次係星期六4pm前... 今次weekday嚟 終於食到果然受歡迎 有十幾個人排隊畀錢/等拎 所有手卷都係即時包嘅 所以製作需時... 但真係等咗好耐 小妹與友人一共買咗四個 等咗15分鐘....呢度嘅海膽手卷分幾款 有最普通嘅$25... 小妹買咗$50嘅加拿大海膽（其實唔知會唔會高級啲 但相信一分錢一分貨） 果然好多料 啲海膽好大舊 食落甜甜哋 但無咗那陣獨有嘅腥味至於$25嘅三文魚甜蝦手卷 明顯遜色 啲蝦完全無爽 好霉 唔太新鮮整體嚟講 刺身唔夠凍 也不夠鮮味 但海膽以外嘅款式勝在夠平同大件 經過食下都幾開心嘅

行經尖東，勁回味門口又是一條長長的人龍，雖然剛食完晚餐，有點飽，但竟然見到上一次沒有的加拿大海膽，還是抵不住誘惑，要試試跟馬糞海膽手卷有什麼分別。加拿大海膽手卷 $40加拿大海膽size 比較大，手卷上佈滿了3大片海膽，同馬糞海膽一樣新鮮，只不過最大分別是更滑同creamy, 味道也比較濃郁，更令人滿意。同樣食到尾都重有海膽，感覺海膽同飯的分量比例是一比一。可惜今次唔係即刻食，雖然只是過左5分鐘左右，紫菜已經淋左，一點都不脆，失色了不少，下次還是即刻食比較好。今次沒有芥茉味，要自己另外加。

呢排得悉呢間長龍店我就即刻黎試試！海膽迷嘅我梗係唔會放過試海膽手卷！點左加拿大海膽!真係海膽天海膽地絕對係鋪天蓋地嘅多！海膽好鮮甜一d都唔苦！而且好新鮮亦好滑！紫菜夠脆飯亦暖暖地唔錯！另外點左帶子三文魚手卷！本身諗住食海膽亦只對海膽評價高，估唔到帶子三文魚係超好食！好新鮮、夠凍、帶子好滑、三文魚亦唔腥！份量亦好多！真係排左半個鐘都值得！

這間勁回味在學校附近，但就一直因為上學時間太早經過看到未營業，放學後營業了卻太多人排隊而打消吃的念頭。今日課堂休息時間在3:30左右，便上去看看隊伍長不長，好消息是前面只有兩個人，而且她們的手卷整得很快於是小花便叫了一直想試的加拿大海膽手卷友人叫了三文魚腩手卷他們用一格海膽去做手卷，一共有三大塊新鮮即整的手卷拿上手後感受到飯粒的暖意，所以紫菜很快就變得不脆了。海膽入口即溶，味道很鮮甜。友人的三文魚腩手卷也是有三大塊，友人說三文魚腩很肥美，入口充滿油脂。這樣的價錢可以吃到質素不錯的手卷，是值得一試的