老掌櫃東北菜館 (富達廣場)

营业中

休息中

👨🏻‍🍳老掌櫃東北菜館 (富達廣場) (元朗)📍元朗西菁街23號富達廣場地下19-24號舖 「開心😋元朗有得食老掌櫃」 老掌櫃老顧客😆由第一間大角咀舊鋪(個陣仲要預先電話留定北京填鴨)，到大角咀利奧坊（bk左枱都要等成個鐘🫠），再到宜家元朗分店。都系覺得老掌櫃既北京填鴨性價比最高👍🏻平日都滿座🫠不過好過大角咀總店，bk左枱至少吾使等🤤 每個人口味吾同，好多朋友都中意大陸正宗既北京填鴨，但系我好怕🥲（尤其個層橙色極重油膉味既鴨皮🥲🥲）（個人不太好金鴨季、京味張等😣）可能食慣港式（似燒味個種鴨皮）北京填鴨，老掌櫃仲要仲系做緊👍🏻🍽️$168半隻加20塊摩摩皮，超抵食👍🏻每次想食北京填鴨頭幾位之選一定有老掌櫃🙈宜家仲要開到元朗咁方便😆 之前食過老掌櫃D餃子，麻麻地🙈印象中涼拌都好食，👍🏻🍽️涼拌海蜇不過今次點左其他試試🤣見到隔籬枱個個都食🍽️蔥油肉絲拌麵 $44，我地又叫左😆涼拌，撈勻好惹味🤤肉絲小小榎 🍽️鍋巴肉 $96未食過想試下🤤甜酸醬，味味有D似咕嚕肉，不過最好食系佢炸得好酥脆，似炸豬扒（薄切）。好少炸豬肉炸得咁酥炸，口感加分😝如果甜酸醬試下轉其他醬汁，應該幾惹味🙈 👍🏻🍽️高力豆沙 $13

呢區要搵一間食東北菜嘅餐廳有啲難，晚上呢條街餐廳林立，係得佢仍然人流暢旺，之前食過其他分店唔差。呢間分店第一次食，加上我係片皮鴨愛好者，一食就知龍與鳳。北京填鴨（半隻）$168半隻足夠四人食，做法同出面有少少唔同，有一半會連肉上，皮連肉食。皮脆香酥，鴨肉多汁粉嫩。以呢個價錢真係無敵！膜膜皮夠多又煙韌，口感不錯👍京燒羊肉 $138羊肉以半煎炸，皮炸得有少少硬，但有我喜愛嘅羊羶味，香口入味。酸辣湯麵 $52份量多，如果作為午餐，真係好飽肚。有齊酸辣湯基本材料，但湯底偏酸，有啲嗆喉。高力豆沙 $13即叫即製，熱辣辣好大粒，配上砂糖。如果灑上糖粉會更完美💪🏻整體食物質素性價比高，三百幾有片皮鴨及羊肉，而且服務好，仲要唔洗加一🥹

朋友介紹我話元朗有間正宗東北菜必試，今日去開元朗一於即刻試試佢！入到去餐廳播住d香港懷舊歌，都幾有feel！😂叫左個期待已久既北京片皮鴨（半份）$168，比想像中份量要多。鴨肉好嫰滑，鴨皮都燒得好香脆。用快薄薄地既皮包埋青瓜同蔥同醬汁，味道只能用三個字形容，無得頂！🥰🥰另外仲叫左一碟螞蟻上樹$76，同平時東北菜叫開既鐵板水晶分有d相似，辣辣地既粉絲，唔會好油，值得推介。整體感覺呢間餐廳都唔錯，唔洗返大陸都可以食到正宗東北菜黎講，好滿足了！☺️☺️

好耐之前特登去大角咀為咗食佢個片皮鴨但隔咗好幾年食佢嘅分店😕退步了未至難食🤔但差咗囉比起第一之食嘅時候～·～·～·～·～·～·～·～·～·～·～💁🏽‍♀️北京填鴨 $168樣幾靚仔，但略嫌太多肉，如果多啲鴨皮就正啦啲餑餑皮上枱已經唔係好熱食咗一陣就凍曬痴住晒☹️仲好乾💁🏽‍♀️蔥爆牛肉 $86熱辣辣上枱夠曬惹味唔食蔥嘅我呢道菜我又接受到喎啲京蔥食落好似有陣甜甜地嘅味呢味餸送飯一流呀💁🏽‍♀️雞絲粉皮 $58首先要讚一讚佢嘅份量好足料夠大碟青瓜爽甜唔會枚麻醬夠多，撈勻咗會一條都可以沾滿汁👍🏻💁🏽‍♀️高力豆沙 $12/件食東北菜必點😍好彩冇令我失望炸到熱辣辣😋外層脆脆地入面軟綿綿蛋白中和咗豆沙嘅甜味，好balance

以前常愛去大角咀吃東北菜，最近聽說元朗開咗一間分店。終於有機會黎試吓。裝修風格具東北餐廳的色彩，用左紅色元素為主調，天花吊上中式雀籠作為燈飾。室內空間寬敞，座位足夠，通道寬躺，冷氣夠凍。手拍青瓜$42沒有傳統的拍碎碎，口感也很好。味道方面吾係好辣，但味道調得幾好，有清新乾淨的口感氣息。很開胃，吃多多都想再吃。肉三鮮＄44（10只）第一感覺價錢便宜，好抵食，內面的肉餡新鮮，好入味又吾算太咸，每個雲吞里面都有一只蝦仁。沾上辣椒醬或醋味道更加豐富有層次。酥炸小黃魚$78（2條）小黃魚若有一個成人巴掌那麼長，外表炸到好金黃，一上檯就聞到香味撲鼻。皮和骨翅位都已經炸到香脆，但又可以保住魚肉的肉質和肉汁。好值得一試。北京填鴨＄168（半只）片皮鴨比想像中啲肉厚左啲，皮吾夠脆香，不過，薄膜卻做得好薄，無影響到口感。全店沒加一服務，不過要收現金，溫馨提示：如果去咗食的朋友仔要準備定現金哦。