不籽是咖啡 (文豪閣)

营业中

休息中

如果大家有留意開本人既食評，應該會發現我其實唔好咖啡，因爲驚飲左會訓唔着。呢間不籽是咖啡，就真係不只是咖啡。飲品除左咖啡之外，都有茶，朱古力，梳打，花茶，水果茶。餐牌主食有冷麵，烏冬，意粉，漢堡，全日早餐，沙律，小食同甜品。大部分主食都有海鮮，好多菜式都係非常日式。餐廳位於油麻地一條安靜街道，入面樓底特高，裝修同家具以木爲主，連餐牌都好木質既感覺。我地一行二人點左兩份主食，一份小食同兩杯野飲。北海道刺身帶子蟹籽忌廉天使麵 $128呢款北海道刺身帶子蟹籽忌廉天使麵係我第一次食。賣相簡單不過精緻，沾滿邪惡忌廉汁嘅天使麵上面放左兩大粒炙燒帶子，上面再加啲蟹籽，圍邊有新鮮菜苗。兩粒北海道刺身帶子果真係超巨型而超鮮甜嫩口，食落啖啖海水味，正! 天使麵非常稔，超掛忌廉汁，原來仲有菇片同爽脆洋蔥絲增添口感。麵量好多，夠飽肚。龍蝦湯配牛油果大蝦稻庭烏冬 $128呢個招牌龍蝦湯配牛油果大蝦稻庭烏冬真係要一再encore。用木製大碗擺得靚靚，龍蝦湯就用個迷你水㷛裝住保暖。龍蝦湯色澤橙紅，龍蝦味香濃唔油。3隻大蝦爽脆鮮甜。今次比上次多左蟹肉碎，好有蟹味。牛油果半個，好新鮮。牛油果配龍蝦湯真係好新奇，但係又夾

最近忽然愛上了喝咖啡，特別是dirty，無論是味覺和視覺都得到很大的享受，凍的奶和熱的Espresso，冷熱交融，造成了分層效果，口感和視覺效果都十分奇妙，一種難以形容的感覺。從外觀上來看，這店子的dirty並不是我喝過最美的，但味道是水準之上，口感有層次，是我喜歡的咖啡味道，價錢$38。主食選擇包括有冷麵、烏冬、意粉、漢堡、全日早餐和沙律。我選了龍蝦湯配牛油果大蝦稻庭烏冬$128，湯用 金屬水壺盛載，可以自行加添，龍蝦湯味道濃郁，蝦肉大隻又彈牙，加上健康材料牛油果紫菜和蕃茄，營養價值高，味道也很好。朋友點了北海道刺身帶子蟹籽忌廉天使麵$128，天使麵幼細如髮絲，配上野菌忌廉汁，口感更滑溜，帶子和蟹籽的份量頗多，面層加添一些紫菜碎 ，味道更清香。飲品方面，朋友點了野莓梳打$45，味道酸酸甜甜，解渴兼消暑。簡單總結，餐廳是文青風格，食物賣相精緻，服務員耐心有禮，一般打卡餐廳的價錢，環境不錯，位於油麻地區，旺中帶靜。食物質素頗高，聚餐或打卡都是一個不錯的選擇。

______________________________概｜TLDR✔️ 野食 | 創意/ 清淡/ 多主食/ 有啡 ✔️ 環境 | 日式小清新/ 木質/ 打卡適用✔️ 座位 | 較少/ 二人座/ 吧檯/ 室外長凳✔️ 排隊 | 45-60分鐘______________________________🦞龍蝦湯配牛油果大蝦稻庭烏冬🌱｜HK$128鎮店之寶💯龍蝦湯汁完全超出預期地高！質！ 🤤先唔講個龍蝦湯放茶壺入面咁盞鬼 就講功夫同味道 個湯有好濃好濃龍蝦味聽講過有人會用龍蝦殼黎熬湯 低成本得黎又有龍蝦嘅原汁原味雖然我唔知呢個龍蝦湯嘅秘訣 但食個陣feel到隻龍蝦係我嘴入面游緊～湯嘅份量好多 倒咗大半碗出黎仲有1/3係個壺度 好大方🥰不過有小小扣分位就係 牛油果放落黎有d唔夾 (我frd講架jarrr...🤭)______________________________🦀北海道刺身帶子蟹籽忌廉天使麵｜HK$128相比龍蝦湯烏冬 呢個天使麵就mamaday咁 唔怪得個個都叫烏冬啦 羊群效應永遠是對的😭帶子正常 忌廉汁比較flat同清淡 (sorry我重口味lorrr)咁其實...又唔係咁差嘅☺️因

用餐時間：普通星期二 1345-1445佢哋有塊透明廚房玻璃，可以睇到廚師整野。等位嗰10分鐘都可以望下入面係點。今日叫左兩個意粉+一份雞翼。味增蟹醬蟹籽蟹肉扁意粉 $128份量大，唔只意粉多，蟹籽，蟹膏，蟹肉全部都無偷工減料。4樣野溝埋真係又飽肚又滿足啊！北海道刺身帶子蟹籽忌廉天使麵 $128呢個一般，刺身帶子份量少，得兩粒，而且味道麻麻。海鹽焦糖雞翼 $68啲雞翼甜甜地，食到焦糖味，除左特別都幾好食。而且一開二，方便食！今日免加一總數$324，兩個人平均每人$162。食物質素唔錯，份量都多，所以呢個價錢性價比幾好。可惜既係呢度位置幾逼，舖頭細但有大概20個位，所以坐落空間有啲窄，唔係幾舒服。走嗰陣都有大概10個人等位，如果平日都要等位，週末假期應該有排等！（暫時無訂座服務）