御品·千之味 (大全街) (已結業)

首先講下d壽司先 個樣睇落就靚靚仔仔既 但d紫菜就淋既，塊三文魚腩完全睇得出師傅既刀功！薄切得又幾通透🧐北海道海膽軍艦個海膽係無味既😀其他壽司係極之普通！完全對唔住個價錢😭食爭鮮都無咁sad😭😭 好啦咁就試下個軟殼蟹手卷，好彩都仲係熱既！雖然塊紫菜又係放左十世淋哂！但係呢個軟殼蟹又夠熱喎，令我又重拾返少少信心☺️我每次食日本野都中意嗌清酒煮蜆🤣呢道菜真係好難煮得難食，只要你d蜆夠新鮮又無沙咁就成功左一半😏佢呢個蜆除左細粒左d之外，整體都係正常發揮既😎 個天婦羅同串燒都叫正正常常既，對比起其他食物叫好味囉個黑松露三文魚炒飯上面個舊黑松露都幾香！撈哂成個飯都好夠味😁但個三文魚炒得過火得濟，好乾！最後重頭戲！我專登留到最尾先講！明明餐牌寫住半熟牛扒 點解黎到會變左過熟牛肉🌚真係嬲死我囉！又乾又鞋食唔落口

我諗屋企有小朋友嘅媽媽都有同感吧？小朋友對日本菜，應該話係壽司特別有興趣，每次都食好多。今次去咗大角咀搵食，因為鑽石山有㗎小巴可以出到大角咀，我地都成日去搵食！今次就揀咗新開嘅「千之味」，聽講仲有深水埗分店㗎。首先梗係要嚟個「三文魚腩刺身」啦！我地兩公婆好鐘意食「三文魚」，但三文魚腩真係更「林」，好食啲㗎！之後又點少得叫壽司食！我地叫咗「粟米軍艦」、「特長鰻魚壽司」、「鵝肝壽司」&「火焰芝士熟蝦壽司」。老公話特長鰻魚堅正！芊嶠同劻霖就鐘意食粟米軍艦，仲話比平時多咗沙律醬。另外，叫咗蟹柳 & 玉子壽司，芊嶠同劻霖都勁開心，每次食壽司必叫。之後再叫咗一條串燒，蒜香一口牛，好香好「林」呀！好愛「牛」嘅我，仲叫咗「半熟牛扒」，但個人覺得蒜香一口牛好食啲。鐘意食煎炸嘢嘅我再叫咗「天婦羅軟殼蟹」，好味！主菜叫咗「芝士雞扒配麻醬冷烏冬」，我好鐘意食麻醬，唔夠麻醬仲可以加，但小朋友就對冷烏冬一般啦！咁我同老公食囉！飲品我地叫咗「忌廉梳打」&「波子汽水」，波子汽水係童年回憶呀！好鐘意呢到有BB增高軟墊，咁小朋友就唔洗唔夠高食嘢啦！仲有，平時去食壽司都係得一種豉油，但呢到就分咗甜豉油 & 咸豉油，甜豉油食

話說女兒好喜歡日本菜，但老婆又唔想常常出街食，所以答應女兒，每月會去吃一餐日本菜。趁住今日我連放幾日假，我地就去咗大角咀食千之味，聽朋友講深水埗有分店，大角咀分店係新開嘅！大人一來到，梗係要叫返個刺身食下啦！叫咗三文魚軍刺身，5件，每塊魚腩都好厚肉，好正！每次都一定必叫比對仔女，蟹柳壽司同玉子壽司，簡簡單單，味道ok！仲有粟米軍艦，小朋友至愛，呢到嘅粟米軍艦仲加咗沙律醬。我就叫咗至愛嘅鰻魚，特長鰻魚壽司，好味道！而鵝肝壽司，唔係好多地方有，我地每次見到都會叫兩塊來食。火焰芝士熟蝦壽司，就係老婆至愛，叫來比佢食，熟蝦好香，配埋芝士，又幾夾喎！日本菜好多時都會有串燒，我地就叫咗「香蒜一口牛」來試，粒粒牛都好「林」。我老婆成日話我係食肉怪，無肉不歡，所以今次都試咗「御品 · 半熟牛扒」，味道ok。日本菜必食天婦羅，所以叫咗軟殼蟹天婦羅，好香口。主菜就叫咗芝士雞扒冷烏冬，烏冬配胡麻醬，唔夠醬仲可以添㗎！我地食咩都慣咗要飲嘢，所以我叫咗波子汽水，老婆就叫咗 Cream Soda！最意想不到，都係我對仔女最開心嘅！就係竟然有甜品送，有雪米糍 & 蒟蒻食。