漁場台風

营业中

休息中

剛發現原來旺角日本拉麵店只有零星幾間，真係搵死我呢，最終決定去人氣最高的漁場。步入麵店貼滿有趣手繪公子及食客意見，色彩繽紛。望望檯上的 order 紙及 menu，發現提供少見的創意湯底，十分期待啊！還有只限午市才供應的沾麵，有機會必定再次幫襯。花費 50 分鐘終於由紅磡走到旺角，等足 20 分鐘才有小巴，再塞多 25 分鐘於先達對面落車再行 5 分鐘，排除萬難才能抵達，真陰功！平時連等小巴最多 20 分鐘已經係旺角中旅社落車喇。Openrice 標籤位置錯誤，搵死我地咩，仲要落緊毛毛雨，最終都安全到達。未齊人不進入座，例牌菜都預左喇 ﹗永續命苦坐在迫夾的臉壁吧檯，從未打破，無陰功！出貨都比較偏慢，見廚房不慌不忙，氣氛十分悠閒，苦候 10 分鐘終於送到。雖然日本拉麵文化啜得越大聲表示越好味、表示對師傅非常欣賞！但四眼哥仔又唔洗啜到海嘯咁嘈，唔洗啜到山泥傾瀉咁誇張既，未致於好食到如此程度啫！好能騷擾囉，正福街！仲要坐到過晒界飛晒手手腳腳過黎，您滷味過能份，偽港民質素越來越惡劣！飲品只有可樂、雪碧、烏龍茶選擇，多一點種類就好喇。例如果汁、消脂茶、波子汽水、有氣礦泉水、無糖綠茶，配拉麵不錯喎

今日經過旺角轉車去第二度買嘢，等極都未有車，所以決定喺附近食咗嘢先。經過依間叫〈台風〉嘅餐廳。門面紅彤彤，非常搶眼，初初仲以為系食臺灣菜，上OpenRice望一望先知原來系食拉麵嘅。喺門口排隊嘅時候，店員已經會派定點餐紙同筆等我地揀定食乜先，之後一入到去就可以交單等食。入到去系好日式動漫嘅風格，而且臨近聖誕仲有啲雪花裝飾，好應景呢。貼心嘅店家仲提供頭髮橡筋圈同埋即系圍裙比食客使用，絕對不用擔心整污糟件衫或者頭髮阻住曬。講返碗拉麵先，等咗一陣就有得食拉麵上面撒滿左櫻花蝦，好靚之餘仲好香櫻花蝦味！湯底唔會好油膩，而且蝦味同埋豚骨味並重，兩邊味道都好平衡唔會側重祇有一邊嘅味道叉燒半肥瘦，不會乾柴又唔會油淋淋，口感軟滑有肉味，好吃好吃本身碗面有半熟蛋，但系我第一次光顧所以唔知，另外用15蚊加多左隻半熟蛋個蛋黃真系程流芯效果而且蛋嘅味道醃得入味。雖然我食咗一隻半蛋，但只係覺得啱啱好。拉麵仲有一樣好重要嘅當然係麵質啦！！張相矇矇地唔系我個鏡頭污糟，而系夾起麵嘅時候真係熱到出曬煙！！麵質順滑彈牙，而且份量比一般拉麵店多！好在叫咗小份量，否則我一個女仔真係食唔曬最後特別一提，這間拉麵店係中午做沾麵，晚

好耐都未試過咁期待的飯局！本來上星期去，但因為發燒去唔到，今個星期六好早就起左身等出發，因為我要去食限時供應的沾麵呀！～呢間位於旺角的漁場台風日式拉麵店，在荃灣都有分店，不過兩間賣的拉麵有點不同，去到已經有10幾人排隊，為了節省點菜時間，排隊的時候已經會俾餐牌你落單，一入座就可以交單，我估會快好多～我呢d 頭髮長長的，仲會有髮圈提供，入坐又會因應你的高度，放膠箱在地上long 腳，日本人的細心位就在小節中～旺角分店日間賣沾麵，夜晚就賣拉麵，我是為了沾麵而來，所以我要早起身了～餐牌其實選擇不多，只有三款沾麵及四款拉麵，不過細節上可以變化萬千，例如麵的份量（有三款），熱或冷麵，走蔥走蛋走叉燒走筍等坐在開放式廚房前等食，睇住日籍的師傅不停手準備食物，香味飄過來，愈聞就愈期待～等左10分鐘左右，終於見到我的沾麵了，我叫左魚介豚骨蕃茄海蝦沾麵！沾麵上面有檸檬紫菜同半隻糖心蛋，加d 檸檬汁就開始食啦～好吸引的蕃茄海蝦湯！上面舖著大量的櫻花蝦，聞一下已經感到好鮮味！配料中的半熟蛋味道幾合我口味！蛋白部份不太深色，但味道是絕對足夠，入口有醬油香，而且生熟度剛好！湯底是海鮮味比較重，蕃茄應該已煮成蓉，感

天氣開始凍就有股食拉麵既癮，仲記得之前o係日本凍冰冰既時候食一碗熱辣辣既拉麵真係好幸福，今日Vi就專登黎呢間成日要排隊既拉麵店試下, 平日既夜晚黎到,排左15分鐘就有位!店內既都幾特別, 有好多動漫公仔，牆上面仲貼左好多好得意既漫畫圖教人地點樣食麵, 原來呢度下午係賣沾麵, 夜晚就係拉麵, 幾有趣~拉麵既口味都幾特別，唔係平時成日食既豬骨湯底, 呢度主打魚介湯, Vi就點左燒海蝦味豚骨拉麵, 麵既份量要左普通, 連醬汁都可以揀多小, 再加多左隻半熟蛋~落左單店員就放左一籃橡根比我地揀, 原來係比女士扎住d頭髮食拉麵, 咁就唔怕咁狼狽, 真係好細心!煮拉麵既師父係日本人, 拉麵上得好快, 湯底好濃郁, 濃到有小小杰身, 味道咸咸地, 有小小蝦味, 食開清淡既可以會覺得太咸, 而拉麵上面有一塊叉燒同一堆櫻花蝦乾, 原來拉麵本身都有半隻半熟蛋, 早知唔洗加~拉麵係粗身果隻, 食落好彈牙, Vi最中意呢隻粗度既拉麵, 而且掛湯掛得幾好, 麵吸受哂湯底既味道, 而半熟蛋亦做得好流心好味, 不過麵既份量係超多, 大食既Vi都食淨左1/3 所以都幾抵食~整體呢度既拉麵口味特別, 水準唔錯, 不過就