潮館 (創紀之城五期(apm)) (已結業)

上兩個星期母親節試左潮館午市點心，發覺味道幾好又抵食，叫到成枱點心，四個人賣單都係二百幾，所以今晚試下佢個晚市。潮洲打冷九點後半價，我地就嗌左4個餸：炸魷魚鬚、鹵水拼盤、南乳豬手、凍烏頭，而今次特別推介係凍烏頭。我平時就小食魚，記得第一次覺得魚好味就係係九龍城食泰式明爐烏頭，辣辣地，好惹味。但潮式凍烏頭就唔同，基本上條烏頭無落啲咩調味，蒸完放落雪櫃，食既時候點豆瓣醬吊下味，食既係條魚果種鮮甜。潮館呢條凍烏頭原條上，肉質嫩滑，仲好juicy，唔會好似放左係雪櫃好耐抽乾哂水份咁，點個豆瓣醬，基本上一條魚加一個飯就搞掂，仲要原價都好似只係$80左右，半價$40蚊，加個飯$10，落樓應該唔洗$60，食個茶記碟頭飯都差唔多呢個價錢啦，所以我黎緊都會再encore!

來到觀塘，如果怕戶外打冷會冬天太凍，夏天太熱的話，大可以考慮到這個商場內的餐廳，雖不是裝修豪華，但都算是坐得舒適。不能錯過的潮州菜式當然是咸菜豬肚湯、鹵水拼盤及煎蠔餅。這個菜豬肚湯在天氣涼時進食絶對是最佳之選。辣辣的黑椒配上咸菜，惹味之餘還十分暖胃。豬肚亦煮得夠軟，絶對可以在不顧它的膽固醇有多高的情況下而盡情地吃。鹵水拼盤的表現就一般。鵝肉、紅腸、蛋、魷魚等材料都有，只是味道尚可而已。蠔餅就算是合格吧。薄薄脆脆的。唯一個人不喜歡的就是蠔仔不夠多。除了這些，今次的用膳還叫了其它的小菜。首先是南乳豬手。豬手夠軟，加上南乳的味道及蓮藕的配搭，真的很可口。另外一味是紅燒豆腐煲。雖然是放在一個煲仔肉，但豆腐的皮仍可保持煙韌，而內裡就十分軟，不錯。最後，點了一個雙拼套餐，有龍蝦伊麵及炸子雞。龍蝦伊麵就一般，伊麵較碎。炸子雞就不錯，最重要是外皮夠脆。