味蔵 by city’super (已結業)

六月份收到city’super電郵，告知超市將開設第一間日本餐廳「味蔵 by city’super」，特選會員九月前去幫襯可享九折優惠，嘻嘻，小肥當然係立即組隊一試啦！餐店位於銅鑼灣糖街一幢新食廈內，新上加新。以木為主嘅裝潢時尚得黎和風味濃。樓底高高嘅用餐大堂十分寬廣，中間位置嘅卡位式設計尤其闊落。六人被安排入座私隱度更高且有景睇嘅私人廂房，舒適得很。據悉，八人房最低消費額設為HK$6,000，當晚因疫情限聚下暫時括免。餐桌上擺有自用嘅餐具及口罩套。如店名所示，廚房所選用嘅食材均由超市city’super供應，貨源主要係日本。中英對照嘅厚本餐牌首頁先道出「味蔵 」嘅來由及理念。內頁當然少不了為四個獨家品牌「山形牛」、「博多屋豆腐」、「RF1素材」、「茅乃舍百年高湯」作出簡介。十二頁散點項目大多都附有彩圖參考。最後一頁為飲品及甜品。因深覺$300起嘅開瓶費唔係咁值，諗住飲啤酒會抵玩啲，點知當晚未有生啤提供，結果就應推介點咗兩枝日本清酒配和食。博多屋豆腐沙律（$78）：以青瓜片、生菜、薯仔等混製嘅沙律豆腐味其實都幾香濃，只係自己唔係好鍾意攪爛咗嘅豆腐偏嚡嘅質感。博多屋豆腐山芋蓉鐵板燒（$9

朋友食過之後帶我去食唔知係咪因為佢哋講到好好食，搞到我好大期待，但食完覺得不過不失啦...冇一樣嘢食會令到我好深刻，簡簡單單，食咗一餐居酒屋，但係價錢唔係平服務又唔係好好，只係個環境坐得舒服啲試過一次就OK,我諗我唔會再食第二次🤔食完好似冇食過野咁，餓... Menu又小款式總結 試過一次OK了 唔會再第二次3個人Dinner 食左$1400

今日夜晚去咗新開既味蔵食宵夜，裝修都好靚吓，全木材。餐牌有刺身，特色料理，沙律，豆腐料理，一品料理，伴酒小吃，燒魚，肉類，飯麵類，飲品，創作涮涮鍋，蒸牛肉等。唔算多選擇。第一次黎，叫咗兩款特色料理同一款豆腐料理試試先。燒山形縣產A5一口和牛西冷 $338 另加一燒山形縣產A5一口和牛西冷一客6粒，自己係個迷你爐頭上面再燒熟到適當熟度先食，一口和牛食落好嫩，油脂豐富，牛味都濃。伴有香菇一隻，好似用油浸過，好油，不過菇味好香，一定係高級貨色，食完成口菇味。另伴有酸汁蘿蔔蓉，生磨芥末同柚子鹽。我鍾意酸汁蘿蔔蓉。大分縣名物雞肉天婦羅 $98 另加一大分縣名物雞肉天婦羅用一隻長碟上枱，雞肉一客6大舊，熱辣辣炸起炸皮唔脆不過都唔會過厚，肉汁好嫩又多汁，不過雞味欠奉。份量黎講都算唔貴。另上天婦羅汁，不過可惜無蘿蔔蓉。博多屋豆腐山芋蓉鐵板燒 $98 另加一博多屋豆腐山芋蓉鐵板燒份量都唔少，用個鐵板上枱，上面鋪滿蔥花，木魚花同紫菜絲，食落好滑溜，不過無乜豆腐或者山芋味。味道方面都算可以。總括而言，食物都唔錯，當然價錢都唔平。服務員態度都唔錯，座位舒適。新開張期間9折優惠。