泰濃麵 (蘭芳道) (已結業)

卜卜蜆黃麵船湯 $88招牌嘅卜卜蛤非常大隻，新鮮爽甜，全部都冇沙👍🏻仲有兩粒白魚蛋，同樣非常彈牙，意想不到地好食😋船湯湯底甜甜地，好有泰國風味頂級安格斯牛肉金邊粉冬陰功湯 $88冬陰功湯底會附送海鮮，包括青口🐚海蝦🦐同埋蟹柳🦀湯底微辣帶甜，唔算好重椰汁味，但係湯頭濃厚👍🏻係幾高質素嘅冬陰功湯😍頂級安格斯牛肉有5片左右，油脂豐富，牛味香濃🥰仲有唔少秀珍菇，認真足料！海南雞半隻$98🐥海南雞鮮甜，有少少肉汁，唔會太乾😆質素正常環境方面，餐廳裝修富有泰國🇹🇭特色，門口亦有嘟嘟車🛺俾大家打卡📸大部分都係2人同4人卡位👍🏻員工方面，員工態度友善，會主動幫忙落單，細心幫忙客人🥰總括而言，銅鑼灣人均$150食到泰國菜都幾抵，同時船面都好足料👍🏻有機會都可以試下🧡泰濃麵 (蘭芳道) (銅鑼灣)銅鑼灣蘭芳道13號地舖

通常我寫得食評間野都係唔ok的😭第一次試下呢間外賣自取，卜卜蜆船麵，見到佢其他食評相覺得幾好，因為自己都中意食蜆，所以就試吓。因為公司係希慎嘅關係所以由餐廳返公司係好近，幾分鐘路程，所以絕對唔會因為拎住行得耐而變左。幾隻蜆入面有兩隻好腥🤢🤢🤢我中意食蜆都頂唔順....其他嘅蜆質地都唔新鮮同唔係好熟(如圖)間餐廳係會分湯比你，所以點解廚師會睇唔到d蜆甘樣？又唔係比湯遮住好彩碗麵都有兩粒魚蛋比我送下😭😭之後我有打電話比間餐廳問佢啲蜆係全熟定會有啲唔熟？佢答我係7-8分熟，如果全熟就會好韌，但係睇相會覺得係好唔新鮮加完全唔熟😐$77都係想食好少少姐

幾時先有得去旅行呀 🤷🏻‍♀️ 好彩香港係一個咩都有得食嘅地方咋，呢間地道得黎又有特色海南雞飯 📍$76 + $8加$8 可以要雞脾，梗係加啦，原全無骨添喎! 啲雞肉好嫩滑，黃油飯又帶有淡淡嘅黃薑粉味，好香 😋卜卜蜆船麵 📍$88船麵湯底好濃郁，唔會太稠得黎仲加咗豬血，好地道 👏 配料有勁彈牙嘅白魚蛋，傳統嘅炸豬皮同埋炆到淋哂嘅蘿蔔，仲有一定要提一提係今次叫咗卜卜蜆，唔係牛肉，多咗一份鮮味炸芝士雲吞 📍$28見openrice 推介，我又要試吓! 一食落口，超脆! 食到中間就係好香滑嘅芝士，幾煙韌，估唔到又幾夾個泰式醬喎