Lockeroom Dining (朗晴坊) (已結業)

老公係Arsenal 粉絲 ，於是我專登早2星期前訂定枱同佢慶祝生日。今晚一入去餐廳，地方唔算好大，但環境好舒服，裡面有Arsenal 球衣同一啲擺設作裝飾，我第一次黎覺得好新鮮感好特別。目察在場有8成客，但一啲都唔嘈，所以感覺好舒服。我地一家三口，一共叫咗3個晚餐，多士好香好脆（掛住食忘記影相），沙律菜好新鮮，南瓜湯好好飲。因為我自己不嬲唔鍾意食芝士忌廉果啲，所以我冇食卡邦尼意大利麵配溫泉蛋，但爸爸就大讚好好食。阿囡揀既澳洲草飼牛柳蒜香意大利扁麵，啲牛柳好林，扁麵有炒香西椒既香味，而且軟硬適中，好好食。而我既香燒美國Creekstone 牛肉眼拼法國鵝肝，鵝肝好滑好香，7成熟既肉眼好juicy而且唔un，好好食👍🏻👍🏻👍🏻，本來惗住order埋甜品食，不過已經都飽，唯有等下次再試。最後，臨走時餐廳侍應突然送上生日甜品，連我都覺得好驚喜😂，因為我自己都忘記咗之前經openrice訂枱時remark咗係慶祝生日😅，所以冇惗過餐廳會知😂。甜品好好食👍🏻👍🏻👍🏻👍🏻連原本話好飽既阿囡都爭住食😆，下次再黎一定會order呢個法式焦糖燉蛋，同埋會試埋其他小食、甜品！因為真係睇得出用心製作👍🏻👍🏻

位於朗晴坊8樓的「Lockeroom Dining」，年前已和朋友到訪過一次。事隔一年再訪，食物水準依舊保持著質素。一出電梯門口已看到各式各樣和足球有關的物品（不過筆者對球隊知識實在一竅不通，認不出球衣是哪隊球隊）。沙律盛載在玻璃瓶內，食用時按個人口味配上黑醋。有點意想不到是蔬菜中有爆爆珠，咬爆後會有橙香味滲出。當日餐湯是紅菜頭湯，sharp pink顏色令人注目，氣味充滿草青味。起初有點抗拒，但味道出乎意料，紅菜頭伴上了蕃茄打成蓉，帶點酸香味。而且還放了一些辣椒，入喉後會感受到少許辣感。至於蒜香牛油法包則是十分鬆軟，入口充滿牛油香，想encore多幾片呢。卡邦尼汁拌上了溫泉蛋的蛋漿，忌廉味中夾雜著蛋香。意粉掛了汁後頗為香口，還有一些菇菌片作配餸。稍嫌醬汁有點過盛，容易有滯膩之感。三文魚用了低溫煎焗的方式烹調，魚肉鮮嫩，入口滑溜。配上了蘑菇香檳汁，鮮味中多添一層忌廉creamy。伴碟有一些雜蔬，還有一球紫薯蓉。非常邪惡的小食拼盤，分別有：雞翼、薯角、洋蔥圈、薯絲蝦，還有德國腸。炸物本身已經香脆惹味，再加多一層鹹蛋黃包裹，畫龍點睛，更是誘人。最後以一杯凍檸茶為今餐作結。

⚽️足球迷良心西餐廳💛店內放置左好多店家足球衫收藏，同樣係足球迷嘅你，點可以錯過😉。🥩炭烤美國1855牛肋排蜜糖燒肉汁好味指數：👍🏻👍🏻👍🏻👍🏻咬落有好香嘅煎香味，醬汁調味剛好，非常夾牛肉。另外配菜有紫薯蓉，天然微甜，中和翻牛肉嘅咸味，減少油膩感。🍝卡邦尼意大利麵配溫泉蛋好味指數：👍🏻👍🏻👍🏻👍🏻👍🏻意粉軟硬適中，每條麵都掛汁。忌廉醬汁香濃，質地唔會太「傑」，非常正宗。面頭仲有溫泉蛋，吉穿佢將黃蛋撈入麵條之中，簡直色香味俱全。配料有火腿同菇，增加口感。鹹蛋黃香脆薯角好味指數：👍🏻👍🏻👍🏻👍🏻👍🏻咸蛋黃醬好濃，薯角熱辣辣勁脆。薯角質地仲好粉。必點❤️🍞蒜蓉包好味指數：👍🏻👍🏻👍🏻👍🏻👍🏻麵包暖暖地，口感外脆內軟，加上好香嘅蒜蓉牛油，另人食完一舊都仲想食。🥗沙律：好味指數：👍🏻👍🏻👍🏻👍🏻沙律菜新鮮，配有較濃嘅黑醋汁。最特別係加入左爆爆珠，甜甜嘅味道非常可口。🥣羅宋湯好味指數：👍🏻👍🏻👍🏻👍🏻飲得到係店家親自熬製，好濃郁嘅口感。用左好精緻嘅杯盛截，別有心思。🍹蜂蜜柚子茶（右）及紅棗茶（左）好味指數：👍🏻👍🏻👍🏻👍🏻👍🏻小編好怕點熱飲，因為啲熱飲成日都係滾水咁，等好耐先入到口。但店家就好細心，熱

呢間足球主題餐廳絕對係阿仙奴迷之選，平時男仔好少會特登搵餐廳食飯，但呢一間就啱曬佢地🤣餐廳嘅老闆係阿仙奴fans，所以就將自己嘅收藏放左係餐廳展示，好似啲簽左名嘅球衣同手套，可以同大家happy share😎晚餐有提供晚市套餐，除左主菜之外，會包左沙律、餐湯、蒜香牛油法飽同埋餐飲嫁🥗🥖☕️**********<波士頓活龍蝦(半隻)配美國Creekstone牛西冷> $268波士頓龍蝦嘅肉質都幾紮實，口感唔會散！而塊西冷係來自美國Creekstone Farms，叫左七成熟就啱啱好，另外仲會配左黑松露薯蓉同埋羽衣甘藍🥬**********<卡邦尼意大利麵配溫泉蛋> $138意粉方面就叫左好常見嘅carbonara，拮穿隻溫泉蛋有流心嘅效果，意粉嘅質地煮得適中，配料方面煙肉碎同埋蘑菇嘅份量都唔少，食到最後一啖都仲有！🍄🥓**********<法式焦糖燉蛋> $68如果係叫套餐嘅話，就可以六折享用餐牌上嘅自家甜品一份，所以就叫左一份法式焦糖燉蛋🥳燉蛋嘅表面有燒熔左嘅焦糖，所以做到脆脆嘅口感，下面嘅燉蛋就正常發揮！燉蛋旁邊放左一條千層酥，成份甜品望

今日嚟咗阿仙奴主場，一邊欣賞場內氣氛，一邊食下好西。牆上貼滿球星嘅閃咭，所以其實餐廳顧客係以女球迷居多，都幾意想不到！除咗餐廳內嘅佈置夠晒吸睛之外，其實佢哋嘅食物都好吸引㗎！點菜後先來沙律，沙律用嘅黑醋汁係另外上，可見餐廳嘅細心。首先我要讚賞嘅係喺呢度嘅餐具相當精緻，而餐湯就係南瓜湯，而我特別欣賞佢所採用嘅餐包，呢間餐廳並唔係用香脆多士，而係將蒜蓉牛油搽上鬆軟而厚切嘅麵包上面，我覺得呢款麵包比平時食到嘅多士更加好食！首先揀咗美國牛肉眼拼法國鵝肝。呢間餐廳嘅牛扒係採用美國嘅Creekstone Farms黑安格斯，所以肉味比較香濃，肉眼扒比起一般嘅肉眼就較有𡁻口，好有口感。法國鵝肝煎得外脆內軟，新鮮趁熱食非常甘香。牛扒選了七成熟，生熟程度啱啱好。我最欣賞佢嘅Cabonara配埋一隻溫泉蛋，半熟嘅溫泉蛋混入去卡邦尼意粉入面，食起上嚟特別香滑，而且佢又有菇片、煙肉同洋蔥絲，所以特別香口。跟餐點嘅甜品可以有六折優惠，所以唔叫真係對唔住自己呀！我哋揀咗疏乎厘班戟，折咗之後只需要$46.8，仲配埋一球雪糕同埋新鮮生果，真係超值又好味！朱古力三重奏心太軟折後只需$40.8，係喺心太軟上面舖上一片朱古

上次黎覺得感覺唔錯同埋個蒜蓉包好食再加上staff服務態度不錯！！🤣今次都係叫set dinner🥰是日餐湯今次既湯係番茄雜菜湯 有少少似羅宋湯既味道 裏面既雜菜已經攪碎曬 番茄酸度適中～（A）卡邦尼意大利麵配溫泉蛋 $128卡邦尼個醬調得幾好☺️好濃郁creamy😚 加埋溫泉蛋perfect 池😍（R）波士頓活龍蝦（半隻）配美國Creekstone牛西冷 $258龍蝦口感有啲韌🤔 西冷肉汁好多 唔會好韌 整體唔錯😋即製梳乎厘班戟 $46.8（六折後）梳乎厘超鬆軟 裏面仲有小小檸檬香味 加埋個雪糕仲好味！😋熱朱古力我地兩個都叫左熱朱古力 但一個係好濃郁 一個好似無咁濃😂😂

旺角區總是晚餐的好去處，餐廳多選擇，餐後又可以去行吓街。有一次經過朗豪坊旁邊的朗晴坊，原來有好多餐廳，就諗起今次可以去試一試啦！Search過Openrice見8樓嘅Lockeroom一間西餐廳幾好評，就一於試試，今次一行兩人！入到去，原來係好有足球主題嘅餐廳！7點幾去到都已經差不多滿座，整個裝修都好切合主題，連通道嘅地下都有足球嘅草地感覺，而牆身都有好多好多足球衫，簽名相，足球閃卡嘅珍藏。連員工都係著係足球衫，好有趣！我地就嗌咗兩個餐，包湯同蒜蓉法包，仲有沙律同飲品！仲嗌多兩個甜品，當晚跟餐叫甜品係有65折咖。所以忍唔住嗌埋😆首先上菜嘅係沙律，沙律用個球玻璃樽裝住，另外有一碟黑醋自行添加，沙律仲有啲爆爆珠，口感好特別，珠嘅甜味仲可以平衡返沙律嘅酸。我想講，沙律菜完全無苦味！好新鮮。隨後就係上餐湯！本身諗住餐湯係會好普通嘅白湯或羅宋湯，佢當晚嘅餐湯係超濃郁的蕃茄湯！食得出係真材實料同埋用咗好多好多蕃茄。配埋個蒜香包真係好好食，個包唔係隨意做咖，係好軟熟，而且係好香蒜味，牛油溶晒喺面，好正！我地仲嗌咗個黑松露薯角！我最鐘意黑松露嘅味道，佢嘅薯角就真係可以每一條都被黑松露包圍住！食唔停口，

朋友仔係阿仙奴嘅忠實粉絲。由讀中學開始，已經撐阿仙奴。佢睇英超，只會揀有阿仙奴嘅賽事。即使要捱眼訓，無論阿仙奴係贏係輸，佢都會撐到底，支持自己心愛嘅球隊。我個人對足球無咩認識。阿仙奴是甚麼？英超是甚麼？關於足球，我腦海裡一直浮現一個個甚麼嘅問號。朋友仔為咗令到我了解更多，佢喺OpenRice 上面揾到有一間以阿仙奴球隊為主題嘅cafe，佢邀請我去呢間cafe食晚餐，話想上去cafe興奮一下，順便享受cafe嘅美食。店內有大量球星閃球，簽名球衣，連cusion都是阿仙奴。可謂足球狂熱店。我地6點多來到，有得坐一個超正既位，可謂私隱度勁高。除了店內的裝潢，食物的質素同樣重要。價錢不算貴，SET的選擇超多元化，10多個SET，如果一大班朋友，可以叫多款share食。首先講講沙律，用一個玻璃樽入住，好fresh, 沾沙律醋食。餐湯用一個好靚既杯入住，湯亦好creamy，沾蒜蓉包一流。卡邦尼幾乎每個西餐廳都有，但好食既不多，意粉硬度適中，煙肉炒得香，溫泉蛋超正。蛋汁混合卡邦尼醬汁，真係百吃不厭。波士頓活龍蝦半只配美國牛西冷。龍蝦，哈哈哈，朋友竟然不吃，我就不客氣了，成隻自己獨食先。鮮味龍蝦，啖啖

運動狂迷嘅佢，帶左佢黎哩間喺朗豪坊附近嘅足球主題餐廳！一入到黎估唔到咁熱鬧，餐廳週圍嘅裝飾都係有關足球嘅佈置。有興趣的話就自己親身去睇下啦，因為嗌嘅食物都太多，不能盡錄。兩個人黎食，嗌左兩個套餐，不過就算單咪嗌都唔貴，食物有翻一定嘅份量。前菜嘅沙律係用冷凍嘅兜上菜嘅，所以沙律都係冷凍咁樣上，食落都新鮮過人。蒜蓉包係意上不到嘅脆同，仲好香。是日餐湯係蘑菇湯，好濃亦有好多蘑菇碎，好有口感。小食仲嗌左脆薯角，外脆內厚，好有薯味。卡邦尼意大利麵配溫泉蛋嘅意粉夠晒煙韌彈牙！撈埋溫泉蛋真係好creamy ！西冷扒亦大大塊，嗌左半成熟嘅牛，非常軟熟，食落一啲咋都無。最後嘅甜品真係唔可以唔試！哩個 bailey 曲奇芝士蛋糕真係好特別！佢仲有跟埋拖啡醬同埋雪糕。哩個蛋糕係好實嘅嗰種芝士蛋糕，食落有甜甜香香嘅 baileys 味，仲有好濃嘅曲奇味心太軟真係極流心，朱古力味十分之濃，又好滑，配埋奶同埋雪糕，一定要試！