Cafe Paradise (砵蘭街) (已結業)

深水埗太子而家變咗文青區有好多Cafe。今日，我哋就黎咗呢間Cafe Paradise食野🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽卡邦尼意粉：嗰Sauce好Creamy 好正，啖啖意粉都掛到嗰Sauce，連埋煙肉&野菌一齊食仲正呀黑松露薯條：係岩岩炸起既薯條呀，熱辣辣。我哋點左一次茄汁之後就完全冇掂過茄汁。🤪我哋次次都係點返黑松露醬，好正是日甜品-紫薯牛奶慕絲蛋糕：是日甜品今日係有幾款選擇，我哋揀咗紫薯牛奶慕絲蛋糕。紫薯粒鋪去喺蛋糕面，超靚&食落口幾有層次感、濃濃嘅紫薯味美式咖啡：喺咖啡既苦澀味呀，當然係比特濃咖啡易入口瑪奇朵咖啡：我朋友平時都唔飲慣，佢都叫咗杯黎飲。先飲到咖啡嘅味道，慢慢品嚐就會飲到一絲絲嘅奶香CP值🌟高

今日去開這間西餐廳簽文件。順便點咗個$65卡邦尼意粉。個場全部用膠版圍起。職員全部戴上口罩。我等咗5分鐘就有得食。個賣相好正。白汁好滑。有東菇粒加火腿絲。温度適中。人口彈牙。價錢便宜。

外甥女英國返嚟隔離14天完結，既然係終結日就梗係要食個靚lunch去慶祝吓啦🥳係好出名嘅隔離酒店附近有一間幾好食嘅西餐廳，之前食過佢地嘅all day breakfast非常唔錯，所以今日翻啅😋因為政府限聚令嘅關係，所有食肆只開放一半座位，所以12點我就去攞定位等外甥女同佢爸媽，10分鐘就人齊，開始叫嘢食😋我嘅麵包到咗先，士多啤梨🍓果醬鋪滿，開開胃口先主菜黎喇⋯⋯係咪好靚呢🤩其實一個人食晒嘅話真係會飽到夜晚，但係今時今日嘅我已經唔係昨日嘅我，所以我係全部食晒，一件不留，三文魚、炒蛋、火腿、炒菇、腸仔、茄汁豆、粟米、沙律菜、蕃茄，全部都係我鍾意食嘅嘢，其實薯餅我都好鍾意食，但係自己唔爭氣唔食得太多煎炸野😫家姐嘅卡邦尼意粉，賣相就好美味，但係我冇試到味，見佢食咗大半就知道應該幾好食，因為我家姐由細到大都係食兩茶匙飯就飽🤣🤣外甥女嘅食燒牛扒，我食咗一件，煎到熱辣辣實係好食㗎🤪🤪

呢度燈光柔和，環境幾舒服，可以好好咁同朋友傾吓偈傾吓心事🥺.三文魚黑松露海蝦闊條麵擺碟都幾好👍🏻👍🏻黑松露汁好濃郁好夠味🤪隻蝦又夠大隻同新鮮😌三文魚味道無得輸😌闊條麵唔喺成日食到，難得可以試下，好彈牙同好juicy☺️卡邦尼意粉嘩呢個好邪惡嘅卡邦尼意粉🤤卡邦尼汁好creamy，芝士味道超級濃郁🤪但食菇又唔會好膩😈仲有菇菇同火腿做配料😙唔怕淨喺得麵粉食😂Cappuccino 拉花都幾靚啊有個心心💕大杯得嚟味道又夠哂香醇😌

呢間餐廳嘅環境好暗，不過整體來講都係乾淨企理既。叫咗三個餐，每個餐加$15就會送埋湯同嘢飲，其實真係幾抵。卡邦尼意粉嘅味道係ok ge, 不過我自己就覺得唔係太夠汁，但係都係好食嘅。咁另外嗰個蜆意粉真係幾唔錯，因為佢落咗好多辣椒仔醬，雖然係辣辣地但係個味道同啲蜆都好夾。三個之中最好食我覺得係黑松露意大利飯，因為真係好creamy同埋黑松露好夠,啲飯有好軟熟。叫咗兩杯嘢飲，一杯係玫瑰鮮奶，玫瑰味就唔算好突出只係淡淡的清香，奶味呢都唔算好耐所以我會覺得只係一般。薄荷朱古力就係正常嘅味道但係要讚一讚就係佢嗰個例湯，係蘑菇湯，好重嘅菇味，睇得出係真材實料，真係好好飲！！

今日化身成媬母，接完小朋友party再同小朋友食late lunch，因為事前知佢個party只有小食，所以已經先搵餐廳，又要環境靚，又要有甜品的。一接左小朋友就去Cafe Paradise ，小朋友見到個門口已經好開心，仲見到窗邊有隻bear bear 🐻 ，指定要求我一定要影隻bear 🐻 ，店員仲安排我坐近bear bear添先快快睇餐牌叫餐俾小朋友叫左個卡邦尼意粉$63比小朋友，再加$15加杯白牛比小朋友。白牛即係雲尼拿雪糕加雪碧。卡邦尼意粉加上温泉蛋，擺設好靚，小朋友話好好味，仲有好多火腿同菇菇，佢賜我一口，之後話佢自己一個人可以食得哂。味道係好creamy嘅，但可否賜我多一口小朋友見到杯白牛仲開心，因為可以食佢最愛的雪尼拿雪糕！意粉跟一個餐湯南瓜湯，小朋友飲左兩啖話好味，之後就比左我飲，幾滑，再熱少少就好了。我的主食是All Day Breakfast-Paradise Combo$123，餐飲青檸梳打加$15好豐富呀!塊牛扒都唔細，雖然全熟，但都好易切，有牛味。其他有我愛吃的煙三文魚，小朋友見到菇菇同炒蛋就話要食晒啵。見到佢鐘意食已經足夠。青檸梳打酸酸甜甜啦結賬$216全

Cafe Paradise位於旺中帶靜的太子，由太子地鐵站D出口行過去唔駛一分鐘，地點非常方便。店舖設計簡約時尚得來帶點童真，收銀位置和枱椅上放上毛公仔，給人好relax的感覺。煙三文魚黑松露海蝦天使麵煙三文魚好香好滑，不會過鹹。海蝦彈牙可口。天使麵做得相當出色，軟硬適中，條理分明，配上份量大方的黑松露醬，每條天使麵均能掛上香濃的黑松露汁，推介。卡邦尼意粉煙肉味香濃，配上濃郁的忌廉及芝士卡邦尼醬汁，入口香濃滑溜。意粉亦同樣出息，軟硬適中，條理分明，有水準。瑞士雞翼瑞士汁味道有層次，雞翼好大隻，每隻都非常飽滿，入味之餘，亦又爽又滑，賣相亦好好。