珍珠皇宮印度餐廳

营业中

休息中

好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗原來自己已經有好多年冇去重慶大廈食印度咖哩，冇特別做 research 食邊間，決定邊間第一個 approach 我就食邊間！一行到去門口附近就係呢一間嘅 staff approach 我，跟住佢行一層樓梯就到！因為未夠7點，餐廳入面未算好多人，環境感覺舒服，7點半後就開始多人呢～🍴乳酪脆米球 Dahi Poori（$75）呢個係我八卦想試，開頭仲以為係熱嘅，原來係凍嘅！上面有一粒石榴同埋脆粒，外面好脆，入面係爆漿乳酪，仲有薯仔同鷹嘴豆泥，口感好得意，後勁有辣味出嚟，一啖有齊甜酸辣，有趣得嚟開胃又好味！🍴混合肉燒烤拼盤 Tandoori Platter（$178）拼盤有印度燒雞、免治羊肉卷、烤魚塊、乳酪腰果汁燒雞，用鐵板上檯，非常熱辣辣！印度燒雞好惹味，免治羊肉卷辣得好過癮，乳酪腰果汁燒雞香料味好突出，有D 香料茶 feel，呢個拼盤啱晒樣樣都想試吓嘅我！🍴咖哩羊肉 Lamb Curry（$108）咖哩味香帶少少辣，羊肉煮到好腍，個汁用烤餅食一流，開頭以為會浪費D汁，後尾差D 俾我哋食晒😂🍴蒜蓉烤餅 Garlic Naan（$28）有三

數一數，原來好耐無食過印度菜喇，睇番啲食評，已經超過年半有多，同個老友傾開，佢都好有興趣食番餐印度茶。晌網上查一查，搵到位處「重慶大廈」嘅「珍珠皇宮印度餐廳」，有別要搭電梯上樓，行一層樓梯就到，較為方便。 晌門口，放咗啲易拉架，原來連Error、喬寶寶都幫襯過。而入到餐廳內，環境比較幽暗，一室以紅為主調，全喺皮梳化櫈，坐得舒服，我哋被安排坐晌餐廳尾，原來側旁仲有個廂房。初時，諗住會喺其他亞洲人多，點知意外地本地人先喺佔多數。 掃一掃餐牌有咩選擇，菜式分門別類，有晒中英對照，由頭盤、小食、湯品、天多尼燒烤、印式咖喱、素食、飯品、印度烤餅、沙律、炒菜、乳酪……等等，以及各式飲品，選擇甚多。 芒果奶昔 $38基本上嚟親印度餐廳，都幾乎會一定叫呢一款印度特色乳酪飲品（Lassi），芒果口味喺小弟「飛弗」。入口口感細滑，芒果味好濃郁，乳酪帶出嘅酸味唔太酸，反而有少堂醒胃感，跟芒果嘅清甜味好平衡；單單喺乳酪同芒果打成，所以，飲到尾，味道跟質感都無走樣，堅真材實料。  印度奶茶 $25老友本身好鍾意飲奶茶（其實小弟都喺），就揀印度嘅奶茶，佢話跟港式嘅有少少相似，茶味比較濃香，口感都幼滑，但比起港式嘅

重慶大廈🏢 一直都係只聞其名 從未入內一看究竟都係一個字——食🍽️ 先可以令我踏出舒適區走進未知領域探看一番👀印度菜🇮🇳 喺重慶大廈入面有不少相類似嘅印度餐廳睇得人眼花撩亂 究竟點揀好？🤷🏻‍♀️我決定跟隨Error嘅腳步 去珍珠皇宮印度餐廳大吃一頓🤤大廈入口處有不少派傳單嘅人👥 咁啱遞上來嘅第一張傳單 就係我哋嘅目標佢二話不說變身帶路人👣 引領我哋到達餐廳由門口 到餐廳內嘅每個角落 都擺放咗各式各樣Error嘅應援物🤣相信有唔少人因而慕名而來💕而保錡同肥仔登門造訪 只因要陪辣王Dee哥挑機🌶️🔥唔太食得辣嘅我 只能跟住點其中幾道辣度溫和嘅菜式薄脆餅（前菜）每枱客人都可以免費品嘗嘅前菜配上薄荷醬同羅望子醬（甜醬） 乳酪脆米球 （$75）喺《辣王傳》入面 三子食嘅係另一款 ✨印度脆米球但因為都有啲辣🔥 所以就試下呢個啦清新酸甜嘅乳酪 加上脆米球入面嘅薯仔餡食落唔單止開胃 亦都幾飽肚P.S. 有朋友話睇落似燒賣 又有啲似喎😂✨烤印度芝士 （$118）喺節目見佢哋食 已經覺得幾新奇🤪明明係芝士🧀 但賣相質感似豆腐 味道又似雞肉🍗或魚肉切開入面奶白色 更似雞肉 印度芝士著實有趣🤣辣度溫和 啱晒唔嗜辣

好耐冇食印度菜，那裡出名印度菜呢？一諗就想起重慶大廈，咁就去走一趟吧～我地選擇左呢間「珍珠皇宮印度餐廳」，室內裝潢幾特別，燈光有點昏暗，有點浪漫，都幾適合情侶嚟食㗎！混合肉拼盤 $168服務員好好，落單時知道我唔食羊之後就換咗雞俾我哋。有魚、雞腿、雞胸、雞件，魚用咖喱醃料，唔辣的，雞就用同一種醃料，是香料，沒有咖哩也不辣，雞肉肉質嫩滑，用鐵板上碟熱辣辣，趁熱食好好味😋牛油烤雞 $98咖喱汁甜甜地用嚟點烤餅，味道非常夾，雞肉出奇地唔鞋，雖然都係咖哩但係一啲都唔辣既，好喜歡呢個菜呢😍個咖哩真係好正！好正！好正！👍🏻瑪莎拉脆餅 $16薄得來脆口，沾芥末雖然有少少辣，但係都好野未。芝士烤餅 （上）$40有芝士味，但一定要沾咖哩醬。好鬆軟，上碟熱辣辣一定要食先。蒜蓉烤餅 （下）$28比較大件，烤餅黎講好彈牙，一樣都要配埋咖哩醬，超級冇得彈。👍🏻印度奶茶$25係薑汁味嘅奶茶囉，我接受到嘅，幾好飲架，其實味道幾特別，大家可以試下。Kingfisher 印度啤酒🍻估唔到酒既味道好甜架喎，好強酒精味，好夠氣，夠凍。

今日要去尖沙咀拎啲野， 順便一個人去搵下野食。行到去ISquare 個陣有個識講流利廣東話既印度人係到介紹印度餐廳，最後把心一橫就去左試吓啦。上到去，發現都原來幾多香港人去食，當然唔小得有啲印度家庭成家黎食野啦，老闆（呀哥）廣東話流利到不得了（土生土長香港人），好熱情咁問你食咩同埋介紹你食咩。最後我叫左個印度奶茶，鷹嘴豆咖喱，芝士薄餅。印度奶茶，飲落口好滑身，飲到一陣陣薑味同肉桂味，幾好飲，一個新既體驗。到鷹嘴豆同芝士薄餅，芝士薄餅好好食😋佢外脆內軟，中間食到微芝士而且入面唔會太乾身，配埋咖喱簡直一流，佢個鷹嘴豆咖喱好濃味落咗好多料，一個人嘅我已經食晒4塊薄餅😂下次會帶埋啲朋友黎食， 見到隔離枱佢地叫既野食都好吸引，多啲人食可以叫唔同款既野食走個陣老闆問我啲野岩唔岩食呀，睇得出佢都好用心係間鋪到，而且佢地餐廳好乾淨，見到返枱既時候佢地抹枱係用清潔劑抹，唔係就咁一條布抹一抹就算。

今晚想吃印度咖喱，知重慶大廈有很多印度餐廳，就去碰碰運氣。一進門前就有好多餐廳店員招手，最後我選了一樓的Moti Palace。餐廳內播著當地歌手的mv，加上昏暗的燈光、鮮色的傢具，環境很有印度特色。我好喜歡chicken tikka，是每次去不同的印度餐廳都會點的菜式。用鐵板上菜，橙色的大塊雞肉滋滋聲的，聽到都覺得會好吃。這種烤雞的肉又嫩又有汁，加上外層包裹的香料夠香口，吃得我們津津有味。份量不少啊！咖喱有好多款，既然已吃了燒雞，就選了瑪莎拉煮羊肉，配蒜蓉烤餅。我發現每枱食客的咖喱和烤餅都必定是一起上菜的，這點很細心。深啡色的瑪莎拉羊肉無論是質感和味道都很濃稠，飄來陣陣香味。用烤餅沾著色真的可以一滴不漏清掉咖喱汁呢。羊肉的份量比想像中多，切成小粒容易吃，味道香而不膻，肉質軟又不黏牙。蒜蓉烤餅的氣味很香，單吃也可以。剛烤起的餅，底部還有點脆呢！飲品方面，我喝了熱的印度奶茶，茶底跟港式不同，有獨得的甘香味道，絕對不是加好多糖的樣子。男友喝mango lassi，質感柔滑，乳酪夠酸，好醒胃，非常適合吃咖喱的時候喝。兩人只需312元已經有這麼豐富的一餐，吃得很飽足！其實他們的份量真的不少，雞