一樓咖啡室 (已結業)

五一公眾假期，我們一家七口，有老有嫩，舟車勞動從元朗殺入銅鑼灣，目的就係為咗一個'食'字，及提前慶祝母親節～今次選址怡東酒店的咖啡室，貪其價錢唔貴，加上以日韓美食為主題，啱晒鐘意煲韓劇的兩老先主攻海鮮頭盤，有任食即開生蠔，唔係好大隻，不都就很新鮮其他凍海鮮選擇則有龍蝦仔呀、海螺、鮮蝦、麵包蟹等大路嘢~而我最最最喜歡嘅就係有長腳蟹同埋多款日式刺身，長腳蟹夠鮮甜。 師傅都好nice， 見我不停出去攞就一次過比多小小比我，好貼心~~仲有一定食的飽你嘅迷你日式刺身飯，除了吞拿魚之外仲有三文魚選擇!唔係講笑，呢個燒牛肉真係我食過咁多個buffet之中最好味嘅燒牛肉，係black angus 來的，好有肉味，夠腍好嫩，仲好鬼大塊，正日韓式美食有:- 人蔘雞湯，本人覺得油咗小小- 水蟹粥好鮮甜，最緊要夠熱，粥唔熱好難食!!!!!- 炸芋泥，好鬆脆又唔油另外我們仲以half price 叫咗韓式特飲，好似仲有韓式啤酒選擇~最後到甜品，賣相同味道都唔錯，不過有D食客可能不大懂得"夾"，攪到有點亂...(我發現去到邊食自助甜品都經常有此情況!!)  另外，呢個韓國蜂巢雪糕真係推介，真係有我去首爾食個種又滑

其實到過這裡吃自助餐已經數次，都是因為地點方便，酒店就在Sogo後面、世貿商場旁邊，每一次都是shopping 完就來吃飯。今晚同屋企人血拼完畢來吃buffet，準時六點入座！自助晚餐剛開始，所以人不多。最開心係人少少搶手的凍海鮮也不用跟其他人迫！ 都係先吃凍海鮮！今次好驚喜多了凍龍蝦選擇！大隻多肉又多膏！吃了四隻半邊！長腳蟹、翡翠螺、青口等都是一樣的新鮮，又甜好爽口。 即開生蠔有兩款，回本菜不能不吃，亦非常新鮮！ 魚生counter有廚師即切，給客人的份量非常豪爽！ 有吞拿魚、三文魚、八瓜魚、甜蝦、北寄貝等等。入座時給你我們各人一張換領卷，到自助櫃位拿一客鵝肝牛柳，廚師即煮的關係所以鵝肝外脆內嫰，牛柳多汁不會太老！我主攻海鮮，不太熱衷熱盤菜式，但也吃了一碟，有焗蠔、茄汁煮青口。最鐘意即燒的串燒，有牛肉有雞肉，有幾款醬汁可以夾住食，款式算是多了。海鮮才是我的主菜，甜品只是淺嘗，款式多款，最特別是有即製窩夫。

有喜事慶祝，我們十多人安排了窗口位置，雖然只是二樓，前面沒有遮擋，所以都可以一路食飯一路欣賞維港夜景。每人送上一杯welcome drink，也可加$78任飲紅白酒、啤酒。先繞場一周，頭盤有刺身、壽司、沙律、凍海鮮及即開生蠔，當然以即開生蠔最為「搶手」，有法國、澳洲及愛爾蘭三種，初時師傅依地區將蠔整齊的排好，最後人多排隊時，師傅將所開的蠔胡亂的在一齊。雖然即開也未見突出，我食的法國蠔，味道超鹹，只食到鹹水味，食不到鮮味出來。刺身的三文魚、吞拿魚、油甘魚、八爪魚等，不是款款新鮮，尤其是吞拿魚有點點霉。沙律有中、西、日、泰…多款選擇。凍海鮮方面好過先幾日我食過的「蠔酒吧」。熱盤相對較頭盤少，燒羊扒及牛仔肉最吸引我，每件燒得剛好，肉質又嫩又滑。見甜品區有HaagenDazs雪榚櫃裡有多種口味，滿心歡喜以為今次可以開懷暢食，原來不供應予自助餐的，只供應餐牌上的甜品，頓是極之失望，唯有食細杯裝的HaagenDazs，只有朱古力、雲呢拿及曲奇三味，我當然一次過食均全部，尤其與窩夫及紅豆沙同吃，更為滋味；蛋榚有7、8款，因為細細件我可以逐一試，奶茶蛋糕最好食有淡淡茶香、紐約芝士餅最不濟，沒有芝士香。