RBTea (已搬遷) 新店位置

今日我同阿妹去shopping,見金百利有新餐廳就入去試下。入去係以淡綠色為主調，餐廳內有好多植物。感覺好似去左公園。今次我叫左06。玫瑰荔枝紅茶。另外食物就叫左厚切吉列豬扒鬆餅三文治。之後就去俾錢，間餐廳同之前嘅台灣餐廳好唔同。係先俾錢後上菜。由俾錢到上菜所需嘅時間無一個字時間。佢係先上飲品後上食物。玫瑰荔枝紅茶係熱嘅飲落去玫瑰重過荔枝味。但都幾甘香。茶葉用隔中間隔渣器隔住。唔會飲埋啲殘餘物。厚切吉列豬扒鬆餅三文治：今次係我第一次食鬆餅三文治。份量都幾大份。薯角就幾淋但好有薯肉，佢落左啲香草。佢又唔算炸得太燶。薯角有少少熱。鬆餅三文治內有一塊好厚下嘅豬扒、生菜、蕃茄同鬆餅。鬆餅就唔太蛋味，但都唔太燶。豬扒炸得幾脆同幾香口、都幾淋。佢而且搽左啲芥末醬，食落去少少辣但唔太攻鼻。蕃茄我就略嫌切得太簿。呢餐廳啲餐具同水set左自助形式，變相要自己嚟。

做完一日野後，只想靜靜地食餐飯，去開銅鑼灣做少少野就順便行街食飯，突然醒起金百利3樓新開的RB Tea，就決定食新野6點半左右到，人唔算多，仲有卡位坐，都幾舒服BBQ烤雞翼, $36/4隻，雞翼焗得幾香口，配上芥末沙律醬，感覺幾特別，仲有西芹，食完無咁漏意式蕃茄蝦意粉，$72，一放上枱就聞到好香，份量都算大碟，意粉煮得岩岩好，唔乾身，蝦肉仲好彈牙厚切吉列豬扒三文治，$56，黎RB Tea就係因為佢，第一次食用鬆餅代替方包做既三文治，果然不負所望，有鬆餅，夾住蕃茄，生菜，仲有芥未沙律醬提升味道，鬆餅夠鬆化，厚切豬扒炸後仲有好多肉汁，淋身香口，脆醬夠晒薄，食完都唔覺得漏，推介！！！甜品，芒果奶凍千層，$28，千層與忌廉尚算分明，甜度適中，只嫌忌廉不夠滑櫻戀脆香鬆餅，$62，期間限定品絕不能錯過，等了20分鐘左右，賣相好靚，右邊係玫瑰忌廉芝士，由士多啤梨及芝士組成，都幾滑，似食緊雪糕，鬆餅都好鬆化，配上雲尼拿雪糕，一流期間限定飲品，櫻戀冰雪樂，$56，味道酸酸地，幾醒胃，夠凍又解渴