禮 (打鼓嶺道)

营业中

休息中

之前去九龍城經過已經留意到呢間日式串燒餐廳 今晚終於去左試啦😚 呢到唔算好多座位 想食可以book定位😉一坐低就會先送上一客前菜 今晚係螺肉😋 我地就先試左幾串串燒 分別係必吃既媽媽鹹蛋豬肉串 富士蘋果煙肉卷同厚切牛舌🤤 媽媽鹹蛋豬肉串係係免治豬肉串上加上鹹蛋黃醬 感覺有啲似鹹蛋肉餅 幾創新👍🏻 富士蘋果煙肉卷同樣都係第一次試 爽甜嘅富士蘋果中和左煙肉既油膩感覺 值得一試😋 厚切牛舌基本上係我哋每次食串燒必點 呢度嘅燒牛舌質素很高 簡單用鹽同黑椒調味 已經好Juicy好好食👅之後當然要試下呢到都好出名既玉子燒啦 我地就揀左明太子玉子燒🤤 果然無令我地失望 玉子燒非常滑 火候控制得岩岩好 加上鹹鹹地既明太子 超好食👅 另外我地仲點左一份南蠻炸雞 份量都唔少架 炸雞皮脆肉嫩 配上酸酸甜甜既醬汁一d都唔膩👍🏻主食我地就叫左原條蒲燒鰻魚定食 鰻魚表面燒得好香口 肉質保持嫩滑 份量適中😚 記得like埋佢地fb/ig 仲有雪糕做甜品架🌟

朋友食過話依間唔錯，今晚放工約唔到人決定自己去食。地點九龍城搭巴士落車，行入打鼓嶺道五分鐘就到。店內環境唔錯好有日式風格，串燒有好多選擇。前菜先來一碟冷盤兩片牛舌，厚薄適中，作為開胃前菜唔錯。日本波子汽水叫左一支波子汽水，用來伴串燒一流。串燒即叫即燒，要等十分鐘左右。先來燒冬菇 和燒日本青椒仔，兩者都好juicy，青椒仔鹹左少少。鹽燒系列叫左牛舌、雞心和雞腎，三樣都好爽口，唔會好鹹，值得推介。黑松露鵝肝多士size 有手掌大，鵝肝煎得好香口內裡juicy，但對於我黎講黑松露醬略少。最後黎埋汁燒系列，呢兩樣比較濃味，有金菇牛肉卷同雞肝，金菇牛肉卷有兩件，雞肝亦有3粒，雞肝好粉加埋醬汁味道好夾。金菇牛肉卷略嫌重手左，有少少咸，但都可接受。總括黎講呢度環境清靜，食物質素唔錯，係三五知己聚會好地方。

上星期又去九龍城覓食, 今次去了Sake Bar Present食嘢.這裡係食串燒, 來一個串燒晚上.我先點了原個胡麻蕃茄. 天氣咁熱, 先食這個凍蕃茄清一清喉嚨, 又舒服.再來點了幾款串燒.厚切牛舌. 我最愛牛舌, 當然要點來試下.牛舌質感夠彈牙, 味道較濃, 啱晒本身愛食濃味的我. 芝士雞翼.雞肉尚算嫩滑, 但唔太夠芝士味道.芫莤雞肉棒. 芫莤和雞肉的配搭幾持別, 所以點來試下.入口有淡淡的芫茜香味, 與雞肉幾夾. 玉子燒. 一口氣食了三款較濃味的串燒, 所以點了這個玉子.這個味道偏淡, 蛋唔夠滑身, 所以有點失望. 下次再試下其他款式的串燒.