Le Viet (已結業)

旺角le viet餐廳位置非常方便，旺角地鐵站一出就到。環境: 場內環境好廣闊，而且坐得好舒服，完全唔迫，值得推薦。餐具餐桌非常清潔冇油積。服務: 職員感覺非常專業，亦有外國人侍應，令餐廳整體上更有外國特色，非常特別。食物:呢個餐飲價錢唔算貴，而且唔會太甜，椰汁味濃，但係綠豆味唔係太多。炒通菜非常推薦，價錢唔貴，一食落去就食得出好香好有獲氣，調味亦相當好，個人覺得係必點之選。豬頸肉燒得好香，十分肥美，湯麵相對比較清淡，從而親托出豬頸肉既野味。海南雞好鮮嫩，特別要讚佢個甜酸汁，調得好出色。雞底有菜，份外健康。飯亦係非常高質，應該用左雞油同雞湯褒出後，同埋有椰汁，好好味。我最鐘意係牛，啖啖肉而且燒得好香，肉質亦好新鮮。非常推薦。

今天約了朋友在旺角吃飯，找到這間La Viet就在地鐵站出口的銀行中心，非常方便早點吃飯不用等排隊，環境明亮企理，一眼便看到La Viet的霓虹燈招牌座位闊落舒適越式咖哩軟殼蟹鍋(配法包) $93這個在做推廣有便宜，本身也很喜歡吃咖哩比較特別的是多數餐廳會拼薄餅，但這裡是配厚厚一大條的法包來的時候法包還是熱的，能完全地吸滿濃厚的咖哩，非常鬆軟入味配的軟殼蟹也很香脆薯仔軟淋粉粉同樣夠入味去骨海南雞飯 $72雞肉嫩滑肥美，不算太厚身，點醬吃更添juicy雞肉底部還有許多椰菜墊著，我們把菜倒進咖哩鍋中煮一會兒，吸了咖哩汁的菜變得更香濃爽脆，好吃香茅燒木棉魚 $145大大條的木綿魚伴隨清新的香茅味，肉質緊緻紮實，配上越南海鮮青辣醬， 讓魚肉更juicyLe Viet整體評分★★★★地理環境★★★★服務★★★★食物★★★★價位＄＄＄

香芒糯米飯 $55100分，芒果又香又甜又多汁，椰奶非常濃郁，包裹住每粒糯米。最有特色係雙色糯米飯，紫米特別煙韌，口感一流。牛油雞翼 $72牛油雞翼上舖滿生蒜同炸蒜，夠足料、勁惹味，雞翼炸到卜卜脆，果然係皇牌菜式。串燒(豬、牛、雞) $56每款串燒都做得唔錯，沙嗲醬濃香花生味，豬肉及牛肉處理得好，肉質咬落一絲絲咁一啲都唔韌。去骨海南雞飯 $72海南雞飯個辣汁同黑醬油調味剛好，最鐘意就係食去骨雞，啖啖肉。蒜蓉炒椰菜苗 $66椰菜苗爽口無渣，我好鐘意食佢既爽脆口感，通常都係食東南亞菜既餐廳先會有，所以每次必點！

旺角實在太多餐廳選擇，今次同朋友就想食越南野，所以就選擇左依間餐廳太熱了，要飲杯涷野先夾，梳打酸酸地開胃，另外滴漏咖啡有心思，夠香夠濃，唔錯依個雞翼非常好味香脆嘅皮充滿牛油香，入面嘅肉仲可以保持肉汁同嫩滑，同朋友好快清哂！一見到個份量嚇一跳，好足料嘅一個沙律，面層就係有蝦、魷魚，低層就用青瓜絲墊底，加上柚子汁，感覺十分清新拼盆總共有四款小食，春卷、蝦餅、豬頸肉同扎肉蒸粉包，每款雖然都係越南餐廳基本小食，但一啲都唔求其，每款都有水準，好味依個海南雞飯冇骨嘅，食落好方便一啖落肚😛，而雞老土啲講句都要，好有雞味🤣，飯都有陣陣椰香味，啲雞點埋啲醬油送飯一流最後食埋依個咖哩，有小小辣好惹味，軟殼蟹分開上，仲可以保持住脆身，食落唔油膩，而咖哩再配埋法包，Perfect Match兩個人食咁多嘢係誇張咗嘅，但因為樣樣都咁吸引所以先叫得咁豐富，好滿足呀😝

平時比較少到旺角食飯，總覺得人多車多，周圍十分嘈雜🤦🏻‍♀️ 今日因要到附近做野，所以選擇了到Le Viet午餐，可能因過左繁忙鐘數，竟然意外地有悠閒之感因不吃牛同焗野，所以選擇不是太多，今次選了「去骨海南雞飯 ($68)」 整體水準還好，海南雞雞肉嫩滑鮮味、雞皮唔算太肥有光澤，有d部位稱得上爽脆，配搭埋黑醬油同辣醬，加上一碗調味適中既油飯，令2點半都未食午餐既我食得七七八八。不過最後差不多食哂時，侍應忽然記得要跟返碗胡椒湯比我🙈（不過碗野有茜味，不喜）同埋杯咖啡認真麻麻餐廳坐得都舒服唔會太迫、侍應人手都充足，屬於可以一戰類別😋

每次約朋友行旺角都係銀行中心等，但原來銀行中心唔止係一個等人地標，入面原來仲有正野食。今日朋友就帶我入去食佐間好正既越南餐廳店名叫做LE VIET，個名都好越南店面裝修好得體，坐位都相當闊落。黎到望下MENU ，諗得到既越南野都有，價錢都好親民，分分鐘平過好多無裝修既小店﹗我例牌必點一個海南雞飯，朋友就點佐個生牛肉湯粉，另外點佐個咖喱同埋米紙卷SHARE 食。先黎竟然係個越式咖哩軟殼蟹窩配法包，呢個價錢真係一D 都唔貴，113個大洋，佢係咖哩同軟殼蟹分開上，可能怕個軟殼蟹煮得太耐唔食會淋曬，都幾細心，而咖喱一路都有火去熱住。仲跟住一大條法包分量真係一D 都唔細，咖喱好香，唔算太辣，岩曬我呢D 唔係咁食得辣又鐘意食咖喱既人。軟殼蟹外層好鬆脆，入面都幾嫩幾多肉，咖喱配法包都幾正，其實食呢個可以唔食飯都得再黎係個生牛肉湯粉，呢隻粉其實好多越南餐廳都唔敢俾太生的牛肉，因為如果牛肉唔夠新鮮或者湯唔夠熱都幾大鑊﹗但呢度就唔同，淨係睇隻色都知D 牛肉有幾新鮮﹗如果真係鐘意食生牛肉湯粉，真係要黎呢間試下﹗海南雞飯都唔錯啊，我最鐘意食去骨海南雞，無骨，易食，最緊要係雞油真係好香，再配埋個油飯，真係無得彈

打風前夕，天氣又熱又焗，35度高溫真係熱到溶，熱到個人無胃口。最後同阿媽去了這間在旺角銀行中心的越式餐廳午餐。午餐全部由六十幾蚊起，價錢不算太貴。柚子海鮮沙律沙律以青瓜及紅夢白絲墊底，旁邊有些柚子，另外有些墨魚仔、大蝦及蜆肉，淋上了酸醋汁，酸酸甜甜十分開胃。煙三文魚米紙卷薄薄的米紙裏面包著些煙三文魚、粉絲及生菜等，醮上些甜酸汁，簡單清新。去骨海南雞飯雞皮有皮下脂妨但不會太肥，雞肉嫩骨但雞味較一般，雞油飯味道比較淡，另外還配上清湯。春卷扎肉撈檬撈檬的甜酸汁是另上，可自行調較酸甜度，春卷炸得鬆脆，撈檬爽口，適合夏天的開胃午餐。跟餐加了$8轉了椰汁紅豆冰及豆漿，前者椰汁味濃但不會太甜，而且紅豆很腍；後者就比較細杯，但豆味幾香。

星期五晚一家人去旺角的Le Viet吃飯團聚。這裡地方很大，坐得舒適，令人好放鬆。家人好喜歡吃越南菜，看見餐牌上很多選擇，我們點了幾款美食。我們被餐牌上的去骨海南雞飯吸引，於是點了一碟細的初嚐。雞肉嫩滑不油膩，配上餐廳特製的甜辣醬，很開胃加埋雞油飯食，提升雞的香味可惜我們叫了細碟，四個人每人分好小，下次來要叫大碟的餵飽肚子我們另外點了餐廳出名好食的火車頭湯河，一來就嘩然，因為好大碗材料勁豐富，有新鮮生牛肉、牛腩、牛柏葉、牛丸、蘿蔔等等⋯⋯食落立即心花怒放因為湯底實在太出色，濃濃的牛骨味，令人想把湯飲清可以為了這火車頭再來再來還有大大件的札肉蒸粉包！！底下是蝦片，一口咬落去很驚喜，熱騰騰的材料加胡椒粉，味蕾被完全滿足好開心食到這個！手撕雞撈檬也十分豐富，小小凍加青瓜紅蘿蔔絲很清新，再淋甜辣汁，吃落好舒服，是解暑恩物。最後是蒜香少椰菜蕾，是小品，味道不錯，但如果一家人分就不夠。下次來要叫多一碟才行。