棋哥燒鵝 (已結業)

早前食左棋哥燒鵝，覺得他們的燒鵝好惹味，今晚放工行過尖沙咀，見到原來這裡都有一間，所以就同友人再食下！餐廳座位都幾多，格局就像茶餐廳般！餐牌上有一人、二人及四人餐等，價錢都幾抵，所以就點了二人餐!棋哥燒鵝例牌，例牌份量都幾多，這次的燒鵝冇上次咁肥，但鵝皮燒得幾脆口，肉質嫩滑夠香，再配上酸梅汁一齊食，解膩又美味!叉燒例牌，叉燒係半肥瘦的，燒得香口，肉質剛剛好，唔會太冧!拌碟的花生好夠咸香，而且夠脆口!白飯/瀨粉，食燒味當然要食下飯同瀨粉既，前者用黎跟醬食特別惹味，般者湯內會有燒味的味道！油菜，菜心配上蠔油，菜心唔會煮得太耐，莖部剛剛好，脆口得黎又冧冧地!花生眉豆雞腳湯，十分足料，有好多湯渣，雞腳、花生、眉豆等，雞腳煲到好冧，湯底味道濃郁!凍檸茶好夠茶的澀味，甜度剛剛好!能夠在尖沙咀用這麼便宜的價錢吃到優質的燒鵝，實在難得!

燒鵝例牌、燒味例牌(可選叉燒、切雞、燒腩仔)、油菜、飯/瀨粉/米粉x2仲要包飲品兩杯呢個二人套餐都係$248例牌冇野墊底 全碟都係鵝仲要俾隻鵝脾(我冇要求亦冇加錢)實在太正啦🤩燒鵝真係名不虛傳好出色鵝皮輕易分離又薄又脆鵝的油脂均勻肉質鬆軟非常juicy而且有陣烤燻香燒味揀左叉燒(同樣冇野墊底) 梅頭肉肉質超鬆軟亦好juicy邊位燒得香 蜜汁微甜味道啱啱好 又係好出色燒鵝叉燒同樣高質 份量足2個人食呢個餐真係好抵食！