一幻拉麵 (已結業)

日本拉麵：香港人通常都會諗起去食豬骨濃湯拉麵。最近知道香港都開咗北海道過江龍蝦湯底嘅拉麵，就約埋家姐一齊去試一試佢！  (原來一幻响香港已經開咗3間分店。我哋揀咗灣仔店，因為就家姐公司。灣仔店近船街，係佢哋第一間响香港開嘅分店。)我哋諗住試多啲唔同嘢，就share一碗拉麵、一碗叉燒飯同埋豚肉餃子。拉麵 $88一碗: 可以選擇粗麵、幼麵或者 mix 都得。我哋呢碗係粗麵! 加咗一隻糖心蛋 extra $10。蝦湯麵同豬骨濃湯麵嘅分別: 我覺得係蝦湯好似無咁油膩、好似無咁多味精。呢碗叉燒飯原來係香港限定。可能因為覺得香港人好鍾意食叉燒飯卦！佢同我哋香港燒味叉燒飯係好唔同嘅。佢將日式叉燒切粒，再加左佢哋嘅秘製蝦麵酥同蔥花鋪上白飯度，都好惹味。食拉麵好似一定要襯煎餃子～ 呢個餃子煎得好香脆！

上個月去北海道旅遊，臨走喺機場食咗碗一幻拉麵，返到香港仍念念不忘，好掛住佢個濃濃的蝦湯。尋日去灣仔探朋友，原來船街都有間一幻，二話不說即刻入去幫襯，原本諗住食碗麵，又好想食餃子，兩樣食晒又太飽，見隔離位食緊飯，睇睇個 menu，原來有叉燒飯，上次喺北海道無的，見佢唔係好大碗，加埋餃子就啱啱好，雖然好掛住個蝦湯，最後都係決定試新嘢。餃子係一貫好穩陣皮薄餡靚的日式餃子，反而個叉燒飯真係估佢唔到咁好食，日本叉燒碎上，一啲都唔乾，好 juicy，加埋一堆紅色的脆脆蝦酥同埋蔥粒，日本米又香又軟，成個組合好完美，尤其係大熱天時，唔想食得咁 heavy 嘅話，叉燒飯真係蝦湯拉麵以外的另一推介。

上網的時候，見到一幻做優惠，呢幾日拉麵做買一送一，即刻解決咗晚餐食咩的煩惱。我地7點到，已經見到有大約20個人排緊隊，不過都算快，我地排咗半個鐘就有位。排隊嘅時候，有職員派發點菜紙，節省時間。我哋一碗叫咗 豬骨濃湯 醬油 粗麵($88)豬骨濃湯正常，豬骨味道濃沃。粗麵就口感比較豐富，麵身比較韌有咬口。另一碗叫咗原味 鹽味 幼麵 ($88)原味係蝦味，加左鹽都唔會話好咸，蝦味十足。同粗麵相比，幼麵會比較軟身一啲，適合鍾意淋身嘅朋友。但拉麵整體上嚟講比較油膩，呢一度減咗啲分，我先發現一幻拉麵冇得畀大家揀自己想要嘅油膩感。餃子 ($35)我個人覺得正正常常，唔太特別或突出。下次應該唔會再叫。叉燒飯($45)強烈推薦個叉燒飯，叉燒切粒，有啲似叉燒肉燥飯，佢最好食嘅地方係加咗嗰啲甜甜地嘅櫻花蝦米粒，有脆脆的口感又有甜甜的櫻花蝦味，為叉燒飯加左唔少分。