正宗上海生煎皇 (已結業)

早排試過有報章比較全港數間上海生煎包舖邊間好食，印象中好似依間叫正宗上海生煎皇既評價幾好，所以就同埋朋友專程黎試試我地黎既時間尚算早，所以兩個人都即刻有位，但其實舖面不大，時間雖然早但都已經係六成入座率啦餐牌只此一頁，價錢係依個地段黎講算平，我地諗左陣就決定食依幾味咁凍既天時就叫杯熱豆漿飲，帶點甜，味道唔錯主角生煎包到就咁睇同一隻圓既餃子差唔多，但夾起感覺個皮厚小小，而個包底係煎脆左起黎，硬身小小一咬落真係唔嘢小啲汁成條水柱咁射出黎所以食既時候要小心啲，但佢真係好好味個皮雖然厚，但好易咬開而且好有口感，入面既湯亦好飲味濃，最後配埋內裡既肉一齊放入口，口內香氣四溢食上海嘢一定唔少得既小籠包亦做得不錯，皮薄肉嫩，入面亦幾多湯汁，好食想搵番啲香口嘢食下，就叫左依碟口水雞，同出面食開主要落紅辣椒油既不同，佢都落幾多蒜下，真係算辣，對於幾鍾意食辣同幾食得辣既我黎講都覺得幾好食，而佢既雞味都無俾辣汁蓋過，不錯想飽肚啲就叫多碗炸醬麵食賣相不錯，食落味道同平時果啲有少少唔同，偏甜既撈一撈佢先食會更好店舖入面貼滿既報導

本身心心念念去食餃子，結果個間餐廳無開。🤦🏻‍♀️所以選擇來食生煎包，我哋眼大肚窄，叫咗好多，好彩最後食得曬😂。主角生煎包，無令我哋失望，皮薄湯多店員仲會溫馨提示我哋小心燙。枱面都有簡單教學。小籠包都唔錯，但一定要趁熱食，湯汁好味。不過其他小食就有點令人失望。上海菜飯其實唔錯，不過紅燒肉太過偏甜，可能尼個係上海菜特色，唔啱我哋口味。蒜泥白肉，我覺得最唔抵食嘅一道。單面頭個五六塊肉片，下面全係青瓜，盛惠HK$35。味道亦不算突出，甚至我覺得有啲賣廿幾蚊，切到勁薄個啲味道仲好。口水雞一開始食落味道都唔錯，有種上海改川菜嘅風味。不過再食就會有少少苦澀嘅酒味。可能係啲雞肉有用酒醃過。但最失望都係尼道紅油抄手。首先睇樣已經唔算係“紅油”，可以改叫“豉油”。另外啲抄手皮好厚，全部粘埋一齊。有咿似個啲煮完擺咗好耐之後嘅麵一樣，糊埋一堆。雖然尼啲唔係店內主打，但一道餸就可以令成個印象分都扣曬。希望係提供好味嘅主食之餘，係其他小食方面都可以有進步。👍🏻

前排見ig成日有明星推薦依個生煎包，check check先發現原來間店係江若琳個男朋友開嘅一來因為明星效應所以好想試下，二來間店個位置好方便，今日收工行開銅鑼灣就順便來試試啦因為餓到爆，加上食物價錢唔算貴，我一個人就叫左3碟野身為一個酸辣同麻辣迷，我叫左酸辣湯麵，口水雞同2個生煎包，加埋都係$104咋結果連極度飢餓嘅我都差啲食唔曬平時響銅鑼灣食晚飯通常都要百幾二百蚊(仲要食唔飽嘅)... 相反，依度嘅食物大件夾抵食，真係糧尾嘅首選！至於我最推薦嘅食物反而唔係生煎包，而係口水雞！因為$48黎講，佢嘅肉量算多，唔會洗左幾十蚊買雞骨佢嘅蒜味都非常濃，鍾意蒜嘅朋友唔好錯過最後要記得，唔想排隊就要早d到，因為我大約6:45pm到，餐廳已經8成滿座，我走嘅時侯大約7:30已經full曬啦