台北倆伴

营业中

休息中

今日早咗收工同朋友嚟大圍食嘢成日都見呢間一直有人排隊今日特登揀下午茶時間 都要等陣好在都係大概5分鐘入得我哋兩個叫咗以下幾樣嘢食- - - - - - - - - - - - - - - - - - - - - - - - -1. 鹽酥雞肉鬆滷肉飯＋熱桂圓紅棗茶(套餐)鹽酥雞仲係熱辣辣 望落金黃酥脆但係入面仲保持到嫩滑口感撒咗少少鹽酥粉喺上面 好香口啊～肉鬆滷肉飯有肉鬆、滷肉都唔夠仲要加隻溏心蛋 視覺味覺都好享受呢個餐仲配有紫菜貢丸湯、地瓜酥同埋一杯飲品 咁多樣嘢都真係好抵食尤其嘢飲揀咗熱桂圓紅棗茶好讚足料之餘 發現裡面仲加咗少少菊花、杞子2. 逢甲肉鬆榨菜蛋餅＋熱黑糖薑母茶(套餐)因為今日唔肚餓嘅關係 叫咗最似輕食套餐蛋餅餅皮好薄 煎到金金黃黃 食落口感酥軟入面包住唔少肉鬆、榨菜 肉鬆好有咸香榨菜有啲酸夏辣辣 酸辣同咸味道互相平衡面頭仲有淋咗少少酸甜醬汁 真係多重味覺享受呢個餐仲配有一杯飲品 熱黑糖薑母茶都係超讚足料之餘 發現裡面仲加咗少少玫瑰花3. 彰化花雕雞卷/古早烤台灣香腸(小食)彰化花雕雞卷厚薄適中 用咗花雕酒醃雞肉吸晒花雕酒嘅香氣 淹完肉質更加嫩滑食嗰陣會有淡淡酒嘅甘香味道

話說爭個朋友一餐飯，佢又住大圍，所以就平平哋食間台灣嘢嘅下午茶。🫖 因為之前食過呢間幾好，所以決定再食。🙊🙊·士林鹽酥雞🐔熱辣辣、脆卜卜、唔太鹹，粉漿唔厚，口感不錯。👍🏻👍🏻最緊要冇炸得太乾，肉質仍然鮮嫩多汁～·九層塔🌿起司🧀培根🥓蛋餅食落九層塔🌿浸味好出，cheese亦都同Bacon浸味好夾，呢種鹹鹹甜甜嘅感覺，加埋蛋餅獨有嘅質感，係會令你食指大動嘅～·古早烤台灣香腸🇹🇼燒完係好香口嘅台灣香腸，佢保留咗少少嘅油分喺香腸嘅表面，加埋少少蒜片喺切咗片嘅香腸面上食，成件事係惹味又有層次～ （不過蒜片呢樣嘢，就唔係個個都鍾意食⋯🙊🙊）·鳳梨水果茶（凍）朋友話佢真係有鳳梨喺入面，有足夠嘅果肉喺裏面見到，感受到成杯嘢嘅誠意。最重要係飲落唔係太甜，感覺都係好fresh好舒服嘅～～～😌

呢排隔好耐都冇食過台灣菜，今次去左我想去既商場圍方，就揀選台灣餐廳 "台北倆伴"，款式都幾多，就試吓啦！餐廳環境都好開揚，簡約木系設計，雖然地方唔係好闊落，但感覺不錯。下午時段來到，餐牌內都有好多選擇，套餐有紅燒牛肉麵、滷肉飯、新竹米粉、、大腸麵線、麻辣鴨血拌麵、蛋餅等，仲有台小鍋、台灣夜市小食、台式特飲等，地道嘅台灣食品。紅燒牛肉麵拼古早滷肉飯    $58牛肉麵湯底濃香，用咗幾小時熬出，每一啖都係精華，牛肉比想像中厚，食起嚟口感十足，肉質嫩滑，牛味濃郁，麵條爽口彈牙，散發麵粉清香，配合新鮮爽甜嘅紅蘿蔔，好味嘅牛肉麵必食首選。滷肉飯係我喜歡台式料理之一，肥美嘅豬肉加上香濃嘅醬汁，特別滋味。花鵰雞卷麻辣拌麵 配 : 紫菜貢丸湯及地瓜酥    $56雞卷帶陣陣花雕酒香味，雞髀肉鮮嫩，腍滑入味，一咬即化，拌麵軟滑爽彈，煙煙韌韌，麻辣惹味，配合清甜嘅紫菜湯，貢丸爽口，以及炸得非常鬆脆嘅地瓜酥，口感香甜軟綿綿，外脆內軟，好吃的台式小食。古早烤台灣香腸    $56台式香腸味道有少少甜甜地，皮脆肉香，肥瘦均勻，咬落去肉汁豐富，肥而不膩，夾埋蒜片一齊食，係好味嘅台式小食。士林夜市蟹蓋 (3件)