添好運點心專門店

营业中

休息中

今日去咗添好運食點心。撞正午飯時間，不過都好好彩，唔使等即刻有位。兩個人叫咗五碟點心。鮮蝦燒賣皇傳統式燒賣，上面係加杞子，蝦、豬肉還加上肥豬肉，味道不錯，但就略嫌細粒咗啲。黃沙豬膶腸腸粉皮真係做得好薄，好通透，豬膶就稍為薄一點。家鄉鹹水角熱騰騰，好味。食嘅時候，記得要小心。酥皮焗叉燒包酥脆的表面，內裏係多汁的叉燒，好味。古法糯米雞糯米飯有啲驚喜，糯米飯一粒粒軟糯適中。至於餡料，味道是不錯的，但餡料醬汁就比較少。總括：食物仍保持到水準，上菜非常快。但枱與枱之間有點密。服務姐姐就可以更好啦。

米芝蓮一星餐廳《添好運》一向質素高，點心即叫即蒸之餘，味道也很有保證！最近少食中菜，所以趁得閒就決定去「飲茶」！——————————🔸紅油抄手 $24📍5.5/10本身好鍾意食辣野，見其他三樣咁飽肚，就叫一樣小食試下。可惜抄手份量偏少，只有五粒；餡料是絞碎的蝦肉，口感欠奉，味道也過鹹，食一口已不想再食🤢🔹酥皮焗叉燒包 $20📍9/10每次黎都必點酥皮焗叉燒包，今次一樣Keep到水準！一咬落去，表面的酥皮已經脆到散曬，香甜帶奶香，配上鬆軟的麵包和大量叉燒餡，外脆內軟🤤🔸鳳爪排骨飯 $25📍7/10呢度只有三種盅飯，今次就叫左鳳爪排骨飯～排骨大概有八嚿左右，鳳爪就有兩件，食落冇乜特別，不過不失～（*醬油好夠，但這家是預先淋上，不能自由調節份量）🔹古法糯米雞 $28📍8.5/10糯米雞又大又足料，煙韌的糯米飯配埋潤腸丶豬肉和冬菇，好快就好飽肚，值得再叫👍🏼

閒時諗唔到食乜，於是就簡簡單單咁去添好運食點心。8點幾唔洗等位就入得，每次去食都會見到幾個金髮碧眼嘅外國朋友，大概就係米芝蓮點心嘅威力😂叉燒包係必食，薄薄一層酥皮，酥脆香口，唔會過甜，而且每一啖都食到叉燒。坊間比較少有，有試過係其他地方食墨西哥叉燒包，個皮甜到呢🤢哩個酥皮叉燒包簡直就係添好運存在哩理由😂糯米雞份量十足，煙韌嘅糯米飯配埋冬菇雞肉，十分飽肚！糯米雞好似都幾搶手咁，試過夜小小去就賣曬啦😢蝦餃不過不失，$28/3有啲貴。蝦餃皮偏厚，勝在入面大大隻蝦好飽滿。有d後悔叫咗奶黃包，因為見人哋啲相係流心嘅，而我哩籠不但唔流心，而且乾爭爭😫最後就係普普通通一個青菜，係出面食飯最驚冇蔬菜落肚，所以慣性叫返過補充下纖維。整體環境比較逼，特別今次坐角落位，坐得唔係咁舒服。個人覺得除咗叉燒包之外，其他點心唔算驚艷，但係為咗個包，我都係會繼續去食架😂

最曉食和男友也有空，便到添好運來個午餐。可能因三號風球的影響下，加上餐廳不算太滿座，立刻有位。甫進店內，一位"呀姐"立刻接過飛，以為她會帶位。誰不知，她還忙於其他枱的事。那我們見狀便想找另一侍應幫忙帶位，"呀姐"馬上緊張地用普通話大喊︰“等一下！”我倆是可以等，但通道這麼窄，人又多，是否令我倆會有點突兀呢？於是正當我們想跟另一個女侍應的時候，"呀姐"又馬上跑到我們面前，然後用普通話說了很多句“等一下！”……男友終於受不了，說︰“可否說廣東話呀？”這裡內地遊客甚多，但也不足以分不清本地人和遊客吧？的確，這位"呀姐"的舉動都令我倆有點反感！終於，我倆被安頓在靠牆位置。(由於燈光不足，相片會偏黃兼有點朦，還請見諒。)好餓呀！唯獨是我們的桌子沒有點心紙…… 又要勞煩"呀姐"了…鳳爪排骨飯先到。排骨味道不差，也算稔。鳳爪也入味。排骨和鳳爪大致上和普通酒樓吃到的無異。但飯的確是太乾太硬了！扣了很多分！糯米雞。不算差，內裡有很多餡粹的，絕不吝嗇。但味道也不算特別好吃。相比排骨飯，糯米雞是的確好吃一點。蜜汁叉燒腸，味道也是一般酒樓分別不大。叉燒也算多。鮮竹卷，味道比預期中好。餡料豐富，蠔油味的香味襯托

今日適逢冬至 , 下午不用返工 , 便和同事來呢度食下靚點心 , 係門口取飛後 , 問服務員要等幾多張枱 , 佢都唔睬你 , 發覺呢間點心雖好食 , 但因常要等太耐位同埋呢度員工服務態度麻麻 , 幾間店都係 , 唔知點解 ! 所以我只幫襯過三次不過它的點心制作係有水準的 , 個別一些點心甚至有五星級水準既 ~今天我們試了以下點心 : 古法糯米雞 ( $ 22 ) - 都幾大隻 , 糯米夠煙靱 , 但裡面既料我唔鍾意 , 好大片瘦肉 , 有兩小條的臘腸和潤腸 , 一細舊雞和一隻雞翼尖 , d 料好似求其左 d 黃沙豬潤腸 ( $ 16 ) - 豬潤薄片幾香 , 腸粉皮夠薄 , 不要放太多豉油 , 免致搶味 煎臘味蘿蔔糕 ( $ 12 ) - 喜歡食蘿蔔糕既我去親酒樓必嗌 , 呢度既蘿蔔糕雖然薄左 d , 但夠軟稔而且臘味香 , 抵食 香滑奶皇飽 ( $ 12 ) - size 不大不細 , 奶皇唔算香 , 我都係鍾意食流沙飽多 d 酥皮焗叉燒包 ( $ 15 ) - 呢個點心係呢度既鎮店之寶 , 皮脆之外 , 我最喜歡它裡面的叉燒唔肥 ,

佛誕假期，和老公去逛鴨記，主要目的是搜羅放大器、免提聽筒、3A 電芯等等，不過三軍未動，糧草先行，首要任務是解決開飯地點，這重責自然落在我身上喇。醒起人氣點心店「添好運」在深水埗福榮街開了分店，既然兩口子還沒幫襯過，倒不如這天就來碰碰運氣吧。打從這點心店擇星後，已變成一間無人不識的街坊名店，可惜其在旺角的總店，只得二十九個座位，所以門外人龍，總是絡繹不絕，無論早午晚都動輒要排上個多小時才能入座，因此我倆一直都不敢輕舉妄動。如今開了分店，據探子回報，雖然都要排隊，但可算是耐性容忍度以內，比起總舖來說是好得多了。可能這天始終是公眾假期，加上名牌效應關係，雖然我倆已提早於 11am 前到達，店門外竟已擠滿了慕名的人群，幸好只等了約 15 分鐘，便可入座。這裡點心款式絕不算多，一張紙睇曬，約有三十款左右，分為六大類，分別是蒸點、煎炸點、盅頭飯點、粥品、腸粉及甜品。由於二人在輪候期間已選好想吃的點心，所以坐下後便可悠閒地慢慢等吃。這兒的古法糯米雞 ($20)，頗為大隻，加上十分足料，分量絕對足夠二人分享。至於製作過程，聽說是以糯米飯先蒸熟後瀝乾才釀入餡料，而材料方面就包括有潤腸、新鮮半肥瘦五