1963 木十豆寸

营业中

休息中

一個平日晚上下班後的約會，男朋友找到這間位於灣仔唐樓的台灣菜餐廳—1963 木十豆寸。光是大廈的外觀已經非常有歷史感，沒想到踏入店內更加有不少古老懷舊的小物，例如舊式相機、流聲機，以及很多從來沒有見過的懷舊產物。店內裝潢有大量原木元素，加上古舊的裝飾品，令人完全置身於懷舊的氛圍當中。平日夜晚店內的客人不算太多，店員的服務態度以及食物水準都不錯。台式滷味拼盤 HK$75很夠份量的滷味拼盤，材料亦很豐富，有豬耳、雞翼、雞蛋、蘿蔔、豆干、海帶，如果兩個人點這個可能份量會有點多。各款滷味都很入味，尤其蘿蔔清甜得來又入味，很是出色。不過滷蛋口感有點硬，有像鐵蛋的口感，但整體來說都不錯。烏龍茶香燻雞 HK$75在台式三杯雞和烏龍茶香燻雞之中最後選擇了後者。三杯雞平日也比較常吃得到，反而烏龍茶香燻雞倒是比較特別和吸引到我。一上桌便聞到幽香的茶香味，入口倒是很重的煙燻感。雞的質感比較乾身，伴上一個沾醬，個人覺得光是這樣吃已經很夠味，如果沾了醬汁反而奪去原來的烏龍茶香燻味。滷肉飯 HK$30我們點了一人一碗滷肉飯，吃台灣菜滷肉飯是必食的！價錢經濟份量又很足，白飯夠熱而且口感鬆軟，搭配的滷肉軟腍亦很夠味，

在好奇心驅使下去試這間台灣菜, 有不錯嘅食評, 係咪真係好先??首先, 餐廳位置在2樓, 但因為係唐樓, 需要爬頗多級樓梯, 不適合長者。因沒有預訂, 所以等了一陣子才有位, 店員服務態度也不差。而餐廳環境太陳舊...或許是賣點, 可惜我不懂欣賞。

同另外幾個朋友，去完利東街影下聖誕燈飾之後，肚仔有啲餓，係時候去醫吓肚啦，朋友話想食台式嘢喎，就揀咗呢間台式食店。上去嘅時候要行兩層樓梯。估唔到店舖都幾特別，充滿懷舊色彩嘅舊擺設。懷舊嘅燈飾，裝潢。好似返咗去六七十年代，店舖1963應該就是這樣命名。先嚟過牛蒡紅棗枸杞茶，養生系列，大大壺茶，味道適中，唔係太甜，飲到最尾，我也食內裡啲紅棗枸杞。台式滷味拼盤，包括豬耳，蛋，蘿蔔，豆干，海帶，雞翼，味道中規中矩，正常嘢。再嚟滿漢紅燒牛肉麵，個面質地爽滑，湯底不太鹹，啲牛肉係用另一個器皿盛載，牛肉嫩滑，牛筋彈牙。宮保皮蛋牛，有啲失望，朋友叫嘅時候以為有好多皮蛋，但上菜大打折扣，得嗰一兩片皮蛋。 整道菜味道有啲怪，失色咗。鳳梨蝦球，夾嘅時候有啲呢hea， 蝦同菠蘿會分離，如果用牙籤篤實佢哋會好啲囉。食落都幾開胃。烏龍茶香燻雞，個皮幾鬆脆， 雞肉嫩滑，正。整體不過不失啦。

一入餐廳就比佢裝修吸引到。佢既裝修好懷舊、好復古，有好多裝飾或擺設，例如鐘、乾花、鏡、燈飾。餐具方面都好靚，碟上既花紋隻隻都唔同。筷子同羹係木製，上面仲刻左字。點左一個「木」晚市套餐，$199前菜：百香青木瓜、古早味菜脯、醃漬蕃茄百香青木瓜比較特別，味道酸酸地，幾開胃。湯：青木瓜燉排骨幾清甜主菜：宮保皮蛋牛雖然係宮保，但我覺得唔係好辣。牛肉幾嫩滑，但皮蛋可以多啲。配菜：老皮嫩肉原來係炸玉子豆腐，幾香口。主食：麻醬麵麵質唔錯，軟硬度適中，好香麻醬味套餐仲包一杯野飲，揀左黑糖奶茶。兩個人食一個套餐當然唔夠，所以加左養生藥膳排骨湯同台式滷味拼盤。個湯望落好油，有層油係面，我地撇走面頭層油先飲。味道方面，飲落唔重藥材味。拼盤有豬耳、牛腱、蛋、蘿蔔、豆干、海帶牛腱幾好食，其他就冇咩特別。餐廳環境好有特式，唔錯。但食物味道方面唔係有太大驚喜，只係一般。