五斗米 (厚和街)

营业中

休息中

好耐冇食台灣野，係西環等朋友放工順便一齊揀間台灣野食個飯先!今次揀左五斗米，廚師係台灣人，可以食到正宗台灣美食，好開心!☺️心多多嘅我地揀左個二人套餐 ($231)佢地係台南口味，味道偏重，最岩我地哩啲重口味人士!👏🏻👏🏻👏🏻🍀十三香滷味拼盤滷味係用左13種香料秘製而成滷味拼盤有百頁豆腐、台式貢丸同白菜滷，好香好入味!🍀台式燙青菜燙生菜淋上肉燥好惹味!😋🍀麻辣牛肉麵湯底係佢地每日用4-6個鐘熬製而成! 一開始緊係要飲啖原味嘅牛肉湯，味道好香濃，一啲都唔油，仲帶有少少甜味，好飲到我地最後連個湯都清埋!😍😍麻辣醬係佢地每日自己炒，入面仲有櫻花蝦，我地加晒成個醬落個麵度，麻而唔太辣👍🏻牛肉燉得好腍好入味，而且份量好多！酸菜甜甜地幾特別😋🍀肉燥雞腿飯堆到好高嘅肉燥，好足料! 拌飯岩岩好! 大大隻雞脾，肉質嫩滑，輕輕一咬就可以撕開啲肉☺️☺️🍀台式香腸食親台灣野都必叫!! 真係好香口😋🍀珍珠奶茶茶底係錫蘭茶，完全冇加奶精，飲落幾順滑，珍珠又煙韌，唔錯!🍀冬瓜茶清清甜甜，朋友好鐘意!🍀九份芋圓冬瓜茶底，芋圓份量好多，2個人食岩岩好! 有芋頭同地瓜2隻口味，芋圓好Q彈，仲食到有芋頭粒粒同地瓜蓉係入面，正!

之前都聽講過西環厚和街多野食，咁見今日放工得閒就同個friend去睇下有咩食～咁岩見到有間台灣野，都好耐無食過，就入去試試😋裡面唔係好大，大約得五六張臺，好彩我地去到未full，如果唔係可能要等...一入到去就有個台灣人好友善咁歡迎我地，原來係台灣人開，咁應該都值得期待個店員就同我地講佢地有個二人餐，可以食晒佢地推薦既菜式，我地都好懶，見二百幾蚊唔係好貴就叫左首先黎既係滷味拼盤，個店員同我地講係佢地自己用十三香滷既，所以味道會同出面食開既港式有啲唔同。的確我同我個friend都覺得無出面個啲咁咸，而且滷得好入味，特別係豆腐好好食👍🏼第二樣係台式燙青菜，就係加左肉燥既熟生菜。肉燥同個醬好夾生菜，生菜都好爽脆，唔會老。第三樣係麻辣牛肉麵，佢地好好，麻辣係另上既，俾你自己加落去，個店員就同我地講啲麻辣係佢地日日自己炒，所以會香啲不過都幾辣下。咁我地就緊係要落落去牛肉麵度試下啦！無落晒都幾辣下😂無諗過既係個牛肉麵既湯比我地想像中淡（一直食啲台灣野都好重口味），不過係清甜同好飲既，啲粗身既麵條好掛汁，而且有咬口。牛肉煮得好腍，好入味，我覺得真心好食👍🏼滷肉飯係我最喜歡既台灣野食，依間鋪既滷肉飯麵

係台灣大學畢業番黎香港之後，都好難再搵到我鍾意食嘅牛肉麵同小食，但係今日我竟然係堅尼地城經過見到五斗米話自己係台南口味就諗住去試下~入到舖頭，Wa ! 台灣腔嘅歡迎光臨，試問係香港真係好難再搵到咁好嘅服務態度，裝修充滿住台灣嘅味道，淡淡嘅燈光，灰色嘅牆身，就好似真係係台灣嘅咖啡弄一樣咁舒適。今日第1次黎，我試左原汁牛肉麵同台式燙青菜。首先，牛肉麵湯頭真係好出色，完全一d味精味都食唔到，我問師傅，原來佢地朝朝都好早番黎準備，再即日賣，真係好有心，日日保持新鮮材料，牛肉方面真係好軟，一d都唔硬，好入味，但我覺得我最鍾意嘅係，牛肉麵加上左酸菜做點綴，真係不得了，我超鍾意酸菜，佢地嘅酸菜仲要大大粒，好有咬口，令到個湯酸酸甜，真係好愛，我之後會keep住黎食。燙青菜方面，真係估唔到原來個菜裏面會有肉燥，肉燥非常鹹香，都好鍾意，真係估佢唔到。總結下啦，我覺得以我係台灣番黎食台灣野黎講，五斗米真係做得好出色，下次一定會再去!

因為餐牌上的主菜選擇不多，二人餐有青菜甜品飲品，價值可接受，就點了。滷味拼盤非常爽口的豆腐和花枝丸，比硬豬血的口感更爽，冇咩滷味，下面的菜用蝦米煮過，有菜的清甜的，比主角好食😅肉燥雞腿飯把我男友食到燥底的肉燥飯，因為那雞腿真的很，難，食，十分粗鞋又重雪味。肉燥調味尚可偏咸一點。他說: hku canteen的雞腿都比它好...🤕麻辣牛肉麵牛肉煮得幾香，有落足材料炆。麵很彈牙，有麵粉味。湯底十分普通，就幾條辣椒絲和小小藥料味。台式燙青菜燙得不錯，青翠清甜，加上類似肉碎和菜埔的料末九份芋圓有芋頭味和蕃薯味的芋圓，能賞到食材原來的味道，丸子軟硬適中，加上小小甜的黑糖水，ok~飲品一上來就是冇冰的凍飲，我喜歡少冰或不加冰，好！珍珠奶茶茶味很濃，奶味很小，珍珠偏硬和易黏在一起香甜冬瓜茶幸好不是很甜，另一家西營盤的台灣店的可是甜到爆🙊 這茶的味跟芋圓的糖水湯有點像。員工態度很好，有位說普通話口音很台的，像老闆和廚師的男生應該是台灣人，有位說香港口音的普通話的侍應女生，氣氛ok。 可是這裡的食物喔...就一般囉，不過不失，沒吃到我以前食台灣菜食物那香口的感覺。 那男生有問我男友: 有什麼地方需要改進

自問都鐘意去台灣，食台式食品，飲台式飲品，但對於依間咁多人讚係台灣味道既餐廳，實在係不敢恭維今次三個人去食下午茶，見佢個二人餐幾多嘢食又唔太貴，就嗌左嚟試下先嚟滷味拼盤唯一可取係啲娃娃菜，其他都係奇怪味，一啲滷水既味道都無台式燙青菜成個二人餐最好食既加左肉碎辣辣地幾好味我滿心期待既肉燥雞腿飯依到既肉燥同我係之前係台灣定香港台式餐廳食既都完全唔同依到既肉燥只係普通肉碎撈飯咁個雞腿又淡而無味，又唔嫩滑原味牛肉麵，加5蚊轉左刀削麵原本都唔特別喜歡牛肉麵，依碗牛肉麵仲要係凍既，勝在牛肉都嫩滑，唔”鞋”，只不過真係唔識欣賞凍既牛肉麵冬瓜茶同珍珠奶茶恕我係個膚淺既人，見到依兩杯嘢咁頹，都已經唔係好開胃冬瓜菜超甜珍珠好硬，茶又唔香，普通一間台式飲品店都好似好啲最後依個芋圓真係世界級大熱天時無得揀凍，得熱既芋圓都算啦，食落啲芋圓又硬又無味，得嗰甜字一碗糖水加啲買返嚟既冰鮮芋圓，有點頹臨走係門口見到真係唯有台灣人才懂，我同朋友都唔識欣賞

台灣最令我印象深刻既，係當地人待人友善親切既感覺。食物固然都係好啱我口味既，我間唔中癮起，就會去食吓台灣野。今日黎到五斗米，店員用親切既笑容同台式普通話招待我們，店內裝潢樸素，正正就係台式小店既風格。近排天氣太熱了，坐低就點左杯冬瓜茶消消暑。冬瓜茶 $18 (加珍珠 $5)冬瓜茶係用冬瓜糖磚煲成的，所以甜度已預先調較好，愛飲微甜飲品如我就要博一博啦，因為每個地方既冬瓜茶都有佢地既甜度。而呢度既冬瓜茶就拿捏得剛剛好，涼涼地配埋清甜既冬瓜味，入口暢快，頓時消左喺街上一路走來既熱氣。珍珠煙煙韌韌，有咬口。原汁牛肉麵 $60每間舖頭既牛肉麵都各有自己特色，通常我第一啖就試左個湯底先，呢度個湯飲落去覺得非常清甜！好少會用到清甜黎形容牛肉麵湯，通常都係濃郁帶牛味，但呢度既湯底係較為特別的。之後發現原來湯裡有好多洋蔥，秘訣應該就在於洋蔥既甜味啦～牛肉係有一絲絲纖維同筋感。唔會燉到太淋，但勝在肉味濃。麵質幼身，同埋偏軟，我個人愛粗麵多啲，但同行友人鐘意呢款麵底，所以口味係好個人既。洋蔥豐富了湯式既清甜度，但又不會辛辣。店家自製既辣醬好好味！爆炒帶出辣椒既香，少少已經好夠辣，同埋見到有好多蝦仔，好足料。

睇番自己嘅旅遊記錄，每隔三、四年就會過寶島旅行一次，對上一次喺2013年尾嘅台北搭宜蘭之郊遊樂（有興趣嘅朋友可瀏覽小弟嘅開飯遊蹤）。嗰次旅行發覺宜蘭好好玩，所以，今年九月已安排好進發花蓮、台東。台灣真喺好多美食，牛肉麵喺其中一種，印象較深喺晌高雄市鹽埕區嘅老宋牛肉麵所食嘅紅燒牛肉麵，平靚正。食友話我知，晌堅離地城都有一家小店「五斗米」，牛肉麵亦喺一讚，故是晚特意到訪。果然喺小店一家，拉開趟門，窄長嘅環境一眼見晒，近門口有個開放式大廚房，時刻傳來陣陣鹵水香。裝修簡樸，一排打直就喺啲二人位，牆上除有啲別緻嘅掛燈外，就喺一啲台灣寫實黑白照。餐牌就只有落單嘅點菜紙，已寫上5款主食、6款台式滷味、2款特色小食，以及4款台式飲品，飲品可隨個人喜好額外加珍珠。食物選擇唔多，相信想在乎精及專注。冬瓜茶 $15、古早味紅茶 $15消暑嘅梗喺揀冬瓜茶啦，自家煲製無添加，飲落清甜潤喉。不過，依度啲飲品唔會好凍，事後聽老闆解釋，台灣人唔會飲得太凍，通常喺涼涼哋，但如果客人要凍啲加冰都無問題。另一杯古早味紅茶，茶味幾清純，唔會有咩苦澀味，老闆補充話喺台東嚟嘅茶葉，咁我到時去台東旅行就要好好享受吓當地茶葉喇。原汁