344
70
22
合桃沙律
3 已推介
等级3
74
0
平價人氣扒房
2019-01-01 1716 浏览
呢間長期人龍既人氣扒房獨沽一味專賣一款牛扒餐，呢款牛扒餐價格相宜﹑性價比高，餐前有麵包同合桃沙律。主角牛扒選用美國Prime Grade肉眼扒，多汁而富濃郁牛肉香味，肉汁不斷滲出，肉質較為軟腍，而牛扒下面會有燭台保溫，令牛扒食到最後一啖都係暖既，重點係配牛扒上既幼薯條更加係無限任添呢！最後，侍應更會推出甜品車到客人面前，好讓自行加配甜品，甜品一樣精緻有水準。
更多
呢間長期人龍既人氣扒房獨沽一味專賣一款牛扒餐，呢款牛扒餐價格相宜﹑性價比高，餐前有麵包同合桃沙律。
85 浏览
0 赞好
0 留言
4466 浏览
2 赞好
0 留言
合桃沙律
223 浏览
0 赞好
0 留言
188 浏览
0 赞好
0 留言
主角牛扒選用美國Prime Grade肉眼扒，多汁而富濃郁牛肉香味，肉汁不斷滲出，肉質較為軟腍，而牛扒下面會有燭台保溫，令牛扒食到最後一啖都係暖既，重點係配牛扒上既幼薯條更加係無限任添呢！
148 浏览
0 赞好
0 留言
151 浏览
0 赞好
0 留言
最後，侍應更會推出甜品車到客人面前，好讓自行加配甜品，甜品一樣精緻有水準。
119 浏览
0 赞好
0 留言
(以上食记乃用户个人意见 , 并不代表OpenRice之观点。)
  • 推介
    已推介
  • 检举
1 已推介
    张贴
    评分
    味道
    环境
    服务
    卫生
    抵食
    用餐日期
    2018-12-31
    等候时间
    30 分钟 (堂食)
    人均消费
    $200 (晚餐)
    庆祝纪念
    除夕
    等级4
    136
    0
    Steak Bar
    2017-03-23 1927 浏览
    睇見咁多人食完都話cp值高，咁當然就要親身試下係米真係咁！好！食！因為係細街斜路，認住紅色嘅霓虹燈比較易搵到佢！基本上入到餐廳你只需要知道自己想食幾成熟嘅牛扒就得啦或者諗下要飲咩囉點完牛扒要幾成熟，餐包就送到。無鹽牛油好滑，法包外脆內軟厚薄度適中！任加嘅沙律有加合桃，合桃乾身好脆好好食！沙律菜都好新鮮，微酸嘅調味好開胃主菜來了！medium rare勁正！肉身好淋好好好食，無筋！就咁食已經好好味，個醬攞嚟點薯條就啱晒！因為有candle係底，所以一路食個排keep到熱度，可以慢慢享受！不過環境好嘈似bar多過好似一般steak house，唔係好適合傾計不過食物係正嘅！
    更多
    睇見咁多人食完都話cp值高，咁當然就要親身試下係米真係咁！好！食！
    83 浏览
    0 赞好
    0 留言
     因為係細街斜路，認住紅色嘅霓虹燈比較易搵到佢！
    92 浏览
    0 赞好
    0 留言
     基本上入到餐廳你只需要知道自己想食幾成熟嘅牛扒就得啦

    或者諗下要飲咩囉
    牛油法包
    53 浏览
    0 赞好
    0 留言
     點完牛扒要幾成熟，餐包就送到。無鹽牛油好滑，法包外脆內軟厚薄度適中！
    合桃沙律
    45 浏览
    0 赞好
    0 留言
     任加嘅沙律有加合桃，合桃乾身好脆好好食！沙律菜都好新鮮，微酸嘅調味好開胃
    Medium  rare
    91 浏览
    0 赞好
    0 留言
     主菜來了！medium rare勁正！肉身好淋好好好食，無筋！

    就咁食已經好好味，個醬攞嚟點薯條就啱晒！


    因為有candle係底，所以一路食個排keep到熱度，可以慢慢享受！

    不過環境好嘈似bar多過好似一般steak house，唔係好適合傾計
    不過食物係正嘅！
    (以上食记乃用户个人意见 , 并不代表OpenRice之观点。)
    • 推介
      已推介
    • 检举
    张贴
    评分
    味道
    环境
    服务
    卫生
    抵食
    用餐日期
    2017-03-23
    等候时间
    45 分钟 (堂食)
    人均消费
    $260 (晚餐)
    推介美食
    合桃沙律
    Medium  rare
    • 牛扒
    • 沙律
    等级2
    7
    2
    初嘗平價法式牛扒店 La Vache!
    2014-07-18 4925 浏览
    早前曾經聽聞中環荷里活道附近開左間新嘅法式牛扒店，有人話佢抵食到爆，亦有人話佢無得揀...愛牛嘅我當然唔會放過，立即喺whatsapp 到召集為食團團友出黎享受一下啦由於為食團團友主要都係同事，而我班同事都係輪班工作。為求盡快可以成團，所以今次牛牛為食團一於向午餐時段出發! 上官網睇佢話要五位或以上先可以訂位，而咁啱我地今次又有5個人，都係訂定位安全啲! 聽電話o既係外藉職員，要以英語溝通，職員有禮地介紹午餐包埋甜品及加一服務費，短短幾分鐘訂坐對話都已經感覺到職員好友善，令我更加期待呢一個牛牛午餐!到左當日下午，我地五個大男人浩浩蕩蕩咁黎到荷里活到同卑利街交界，最令團友印象深刻就係街口嘅公利蔗汁。街口轉入卑利街行左幾十步就到達La Vache! 門口啦。坐低無耐服務員就遞上Drink list同埋冰凍嘅tap water，然後職員就問我地係唔係第一次黎La Vache，然後就簡單介紹左佢地間餐廳比我地知認識，最後就問我地 how you'd like your steak cooked? 我地其中一個團友其實想要 rare，不過費事麻煩之下就全部都要medium rare，而職員亦立即
    更多
    早前曾經聽聞中環荷里活道附近開左間新嘅法式牛扒店，有人話佢抵食到爆，亦有人話佢無得揀...
    愛牛嘅我當然唔會放過，立即喺whatsapp 到召集為食團團友出黎享受一下啦

    由於為食團團友主要都係同事，而我班同事都係輪班工作。為求盡快可以成團，所以今次牛牛為食團一於向午餐時段出發! 上官網睇佢話要五位或以上先可以訂位，而咁啱我地今次又有5個人，都係訂定位安全啲!
    88 浏览
    0 赞好
    0 留言
      
    124 浏览
    0 赞好
    0 留言
     聽電話o既係外藉職員，要以英語溝通，職員有禮地介紹午餐包埋甜品及加一服務費，短短幾分鐘訂坐對話都已經感覺到職員好友善，令我更加期待呢一個牛牛午餐!

    到左當日下午，我地五個大男人浩浩蕩蕩咁黎到荷里活到同卑利街交界，最令團友印象深刻就係街口嘅公利蔗汁。街口轉入卑利街行左幾十步就到達La Vache! 門口啦。坐低無耐服務員就遞上Drink list同埋冰凍嘅tap water，然後職員就問我地係唔係第一次黎La Vache，然後就簡單介紹左佢地間餐廳比我地知認識，最後就問我地 how you'd like your steak cooked? 我地其中一個團友其實想要 rare，不過費事麻煩之下就全部都要medium rare，而職員亦立即係餐紙上寫上「M.R.」作記認。
    109 浏览
    0 赞好
    0 留言
     店內環境優雅寧靜，雖然當時係午餐時段，但人數唔算多，相信係地點偏僻同埋價錢對午餐黎講都唔算平民。四周圍望下都可以見到唔少巴黎同倫敦名勝嘅畫作。聽聞呢間餐廳係參照巴黎嘅Relais de Venise L'Entrecote餐廳嘅概念，專係提供單一菜式，咁樣佢地就可以提供更加精美嘅食物比我地嘆啦！

    其實之前都去過類似嘅餐廳，仲記得當年去London 人氣餐廳 burger and lobster 都係專門提供指定菜式，不過burger and lobster 就起碼都有steam or grill lobster, burger 同埋lobster roll 比你揀；仲有一樣相似嘅就係人少無得訂位，La Vache 要起碼五個人先有得訂。
    121 浏览
    0 赞好
    0 留言
     Order 落完之後馬上送上嘅就香噴噴嘅法包同埋牛油。牛油上有一塊紙蓋住，打開之後牛油嘅香味即刻散發出黎。呢隻香味可以話係膻味，但我覺得係好香好吸引嘅膻味，據了解啲牛油同法包都係由法國直送到香港，唔怪得之咁正啦。唔好講咁多，一手拎起暖立立嘅麵包，再毫不留手咁將軟軟嘅牛油搽係麵包上，再黎個反手一口咬落去... 外脆內軟呢四隻咁行嘅字都形容唔到，因為再加埋半溶嘅牛油係鬆軟嘅麵包，感覺真係唔想停。

    你話死唔死，淨係法包都可以令我地咁受驚，一陣塊牛扒黎到你話點算呢? 哈哈

    好在，當我地正在為個法包瘋癲之時，沙律亦都剛剛送到。沙律係由牛油生菜配輕輕烤過嘅合桃同埋櫻桃蘿蔔片，醬汁方面有olive oil同芥末混合而成。可惜olive oil 方面有啲油益味，有少少影響到個味道。不過都好欣賞佢用牛油生菜，呢隻菜嘅菜葉比較厚身，食落好嫩滑鮮甜，再加埋脆脆嘅合桃同酸酸地而且唔會過多嘅醬汁的確係幾醒胃。
    合桃沙律
    58 浏览
    0 赞好
    0 留言
     食完沙律無耐，職員就拎左幾個金屬架過黎，亦即係話比你知你嘅牛扒將會好快送到!! 果然，係幾分鐘之後，兩隻銀碟載住5塊10oz 嘅 US Prime Rib eye 送到啦。一放上金屬架上就用微火座熱以保持溫度，然後職員就會將一半嘅牛扒放到你嘅碟上。

    當牛扒分好之後，另一位職員就拎住兩碟滿滿嘅薯條過黎再分比我地每一碟，最後再送上牛扒醬汁同配薯條嘅蛋黃醬，齊曬主菜咁我地就可以開動啦!!
    121 浏览
    0 赞好
    0 留言
     牛扒方面係10oz 嘅 US Prime Rib eye，每件大約一吋厚，職員話佢地好簡單用牛油同黑椒醃過下，到燒果陣再落鹽。La Vache 嘅牛扒睇起上黎比較黑啲，因為佢係用明火黎燒。雖然外面睇塊扒嘅顏色好似好深色咁，但原來入面都係剛剛好medium rare，粉紅色而且帶少少血! 火喉控制得好之餘切開果陣拉刀果下係feel唔到牛扒的肌肉纖維嘅爭扎 (可能係把刀夠利...) 隨牛扒送上一個類似Bearnaise 嘅house sauce，加左蛋黃醬、白醋白酒同香草。不過我緊係唔用個醬住啦，原汁原味放一舊入口先! 我都未試到牛扒個味，身邊嘅朋友仔已經開始講「哇，好正呀」...咬落去，鮮嫩多汁呢個就堅係啦，最重要係非常濃嘅牛肉味連同燒焦嘅香味真係好夾，香味已經直達我味蕾深處；而咬開牛扒果陣只需輕輕力就可以，但絕對唔係鬆肉粉嘅功效，可見牛扒本身係幾咁靚。

    食第二件果陣我就試下加埋個house sauce，個house sauce嘅少少酸的確係可以將個牛味提升，不過我就比較享受塊扒本身嘅牛香。雖然廚師已經將塊扒中間嘅脂肪切走，但佢仍然有少少燒焦左嘅油脂香氣，不過如果用左house sauce 就可能會被白醋遮蓋左呢種油脂香氣啦。順帶一提，除左house sauce 之外，呢到都有English mustard提供。
    Rib eye steak 10oz
    108 浏览
    0 赞好
    0 留言
    Rib eye steak 10oz
    140 浏览
    0 赞好
    0 留言
     食左幾件牛扒，咁就食下香噴噴嘅薯條。金黃色嘅薯條除左有好香嘅薯仔味，仲有牛油味。點解？因為呢到嘅薯仔係用牛脂提煉嘅牛油黎炸。之前我都聽過某間steak house 係用鴨油炸薯條，而且仲要炸三次確保香脆。La Vache 有無炸三次薯條我就唔知，不過佢都炸到啲薯條幾挺身，而且咬開薯條中間仍然係薯蓉般嘅質感。錯誤地將薯條點左少少牛扒嘅house sauce，點知原來味道都幾夾，自此我就將薯條同house sauce 拼埋左啦哈哈哈

    可能你地會笑我，但我真係好鐘意呢到嘅薯條，我食完牛扒之後都refill 左三次薯條，而我都留意到每一次refill 薯條果陣都要等一陣同埋送上時係熱辣辣，職員解釋薯條係每次知道要refill 嘅時候先去炸，唔怪得咁正啦。

    雖然話呢間餐廳全日都係同一個收費，但係午餐時間係會送甜品的，晚餐時間就要另外order啦。今次送上嘅甜品係vanille ice cream profiteroles (雲呢拿雪榚配奶油巧克力小圓酥餅) ，送上果陣成碟當然係冷冰冰啦，但原來佢之後會幫你淋上熱朱古力醬上去中間塊朱古力上面，之後塊朱古力就會好似靈芝咁係中間向下溶。下面有三粒用泡芙包住嘅雲呢拿雪榚同合桃碎，每一啖入口前都集齊碟上各種食材就可以充分感受到成個甜品配搭嘅奧妙。軟滑平淡嘅雲呢拿雪榚加上香濃朱古力，泡芙平衡左個口感同甜味，但最後仲有脆脆嘅合桃碎... 唔駛我講，你自己幻想下 ^ ^
    vanille ice cream profiteroles (雲呢拿雪榚配奶油巧克力小圓酥餅)
    112 浏览
    0 赞好
    0 留言
     呢一餐好滿足，無論係牛扒定薯條定係其他食物都質素都好好！只提供一種食物嘅餐廳有性格亦有實力，係質素嘅保證。愛牛嘅我係唔會放棄架！ 我會繼續搵更加正嘅牛扒！睇住黎啦！
    题外话/补充资料： 講真丫，要自己買一餐一模一樣嘅返屋企自己煮，仲要咁嘅質素嘅牛扒，258蚊一定無可能，所以貴唔貴就大家自己心中有數啦。 是次用餐收費 $258+10%=283.8
    (以上食记乃用户个人意见 , 并不代表OpenRice之观点。)
    • 推介
      已推介
    • 检举
    5 已推介
      张贴
      评分
      味道
      环境
      服务
      卫生
      抵食
      用餐日期
      2014-07-17
      用餐途径
      堂食
      人均消费
      $284 (午餐)
      推介美食
      Rib eye steak 10oz
      Rib eye steak 10oz