深宵食堂 (已結業)

再次嚟到呢幢building覓食，想食下日式串燒吹下水咁就嚟到呢間深宵食堂★★巨峰提子梳打 $38淡而無味，得梳打水嘅感覺😟★★★★味付螺肉 $38習慣開餐前都會叫下呢Ｄ前菜味通唔錯，仲附有D沙律菜★★★煙肉荔枝卷 $36燒到微脆嘅煙肉捲住荔枝，咸中帶甜，係幾特別但個人覺得呢個係最唔抵食嘅一款36蚊食3粒荔枝會覺得好肉赤★★★★吉列廣島蠔 $42★★★★日式一口雞 $42炸物一次過講，兩款都炸得夠香脆，外皮酥香，內裡肉質鮮嫩唔會太乾，點埋醬食好正★★★牛油炒什菌 $42唔算話太重牛油味，不過尚算juicy，不過不失★★★★香草羊架 $78唔會太羶，燒得岩岩好鎖到肉汁，羊肉味又夠。值得一讚係佢地好貼心地已經幫你起埋骨★★★鵝肝什菌石窩飯 $118先將鵝肝煎香，然後落埋燒汁再撈飯食，夠晒肥美入味個底仲有微微飯焦～可惜鵝肝得一塊，飯量偏少最近食過另一間鵝肝飯，同一價錢比較下，呢間就遜色好多了果間就之後再介紹~深宵食堂整體評分★★★地理環境★★★時代廣場後面最多人排嘅building，都幾好搵燈光柔和，簡單佈局，有種真係深宵食宵夜感覺服務★★★得一個人係樓面serve客傳菜，其餘時間多數唔見人

下班後跟同事晚飯，他提議到耀華街百樂中心的「深宵食堂」吃串燒，同事常常外出吃飯，經他介紹的都有一定水準。這裡環境跟日本的居酒屋相似，不少情侶或朋友到來聚會。燒物、主食、小食、甜點等多種選擇，大家可各自揀選喜歡的食物分享。一口和牛串（2串）：五成熟燒得剛好，多汁軟熟，配以黑椒調味，牛味濃郁。汁燒白鱔最是我們喜愛，外皮脆脆的，肉質鮮美，真想再來一碟，但又想試試其他的，唯有忍住不encore。香草紐西蘭羊架（2件），這個也要稱讚一下，羊架去骨並薄切，香草味濃，配以餐廳特別調教的芥茉醬，有不一樣的感覺。吉列廣島豪熱騰騰的，性價比高。蜜燒八爪魚（脆皮腸）一看便知是界花的蜜糖腸，頗有心思。冰燒菠蘿：想不到串燒後的菠蘿如此甜美。再配以巨峰提子梳打和啤酒，真多謝同事介紹了這頓滿足的晚餐。

深宵食堂是少數和朋友聚完會再去的地方，畢竟人總想嘗鮮。巨峰提子梳打　柚子茶墨魚大阪燒墨魚彈牙不韌，椰菜份量很多令粉漿吃起來很清爽，燒汁與沙津醬味道和諧，不錯！手打湯烏冬湯底香濃，烏冬滑溜，配料有些蔬菜，飽肚之選！芝麻雞翼熱辣辣，皮脆肉嫩，仍有肉汁不會過火生燒牛舌芯串燒必食牛舌，爽口富油香吉列廣島蠔金黃色外皮，香脆可口，炸醬不會厚，不錯！汁燒白鱔白鱔肉厚而肥美，魚皮燒得香脆，必食！川味茄子原條茄子上鋪上大量蒜蓉和香料，小辣而香口，不錯

今晚黎到銅鑼灣的深宵食堂，地方唔算太大，但都好雅緻。我們7:30左右到，所以唔算太多人~不過好快就客似雲來。坐底時枱上已放有點餐紙，食物既種類好多，有燒物、主食、飲品同推介，蔬菜水果、雞、豬、牛、羊，應有盡有，我們下單時都無理太多，想食就點。食物即叫叫做，夠哂熱同新鮮。吉列廣島蠔炸蠔外面炸到金黃色，香脆可口，而蠔都好肥美，好鮮甜。汁燒白鱔我平時唔食魚，但友人點左依串白鱔，我試左一舊，真係好正！白鱔配上秘製汁燒到外皮脆脆地，好香口，魚肉鮮嫩仲無骨，岩哂我~芝士蟹肉玉子燒食之前做過下功課，見個個都叫招牌菜芝士蟹肉玉子燒，所以我地都點左一客，果然不負眾望，大大份玉子上面用茄汁寫上「深宵」兩字，切開滑滑玉子仲有芝士流出，係我食過最豐富的玉子燒，味道唔錯～蒜片一口牛粒牛肉嫩滑多汁，唔會煮到太韌/唔熟，再加埋D蒜片汁，超惹味！鵝肝什菌石窩飯大大塊的鵝肝，表面煎得焦脆，油脂滲入飯中，份量多，鍾意飯焦，等左一陣先食，成個飯都好香脆~川味茄子茄子最後先上枱，果然係好戲在後頭，一上枱我地都被茄子的賣相吸引住。有很多很多的蒜蓉同辛辣粉，味道很濃很香口！總括黎講我們食左好多野，都感受到師傅係用心烹調。

每每到銅鑼灣做facial, 喺同一座大廈𥚃面，見到有日本餐廳-深宵食堂，一直未有機會入去試下恰巧地朋友相約今天喺呢度聚會串燒配淸洒，perfect match 😊枝豆粒粒飽滿，多汁，豆味清新，作為佐酒前菜，好夾京蔥雞肉串大大件京蔥，表面燒得燶燶地，好香蔥味，雞肉唔駭又唔乾秋葵外面好乾身，𥚃面依然幼嫰多汁，秋葵味道出哂來，估唔到燒秋葵原來咁好味牛油炒什菇，什菇鮮甜，用左牛油炒，味道更為惹味吉列廣島蠔咬落脆卜卜，唔油膩，蠔大大隻，鮮甜多汁，十分美味

上禮拜三係cwb上完堂差唔多十點,想食日本野但好多都就close. 由sogo搵到時代，好好彩比我搵到間開到零晨既日本串燒店👏🏼😄百樂中心其實真係好多餐廳，呢次都係我第2次黎呢幢樓搵野食.深宵食堂店內唔算太大，但如果有7-8個fd黎食都容納到，有卡位可以坐得舒舒服服.而老闆店員都好親切有禮貌，招呼幾周到. 芝麻雞翼炸得幾香口😋芝麻鹽燒味十足另一樣炸物，廣島蠔😛.和牛串幾軟淋淋，幾好咬口，好多肉汁雞軟骨我第3鍾意既食物😄 可能本身鍾意食肥牛，加埋金菇燒簡直食唔停口. 第2位好味既係好肥既鵝肝飯😂.好多飯焦呀！正！第1位！！就係佢.汁燒白鱔，78蚊1串😆好煙un,好香，燒既火喉岩岩好.

深宵食堂別以為尊為夜蒲人士而設的地方，這觀念完全錯哂!只要大家想吃下特色食物，飲下嘢和吹吹水就可以。當然營業時間不只是深夜啦！食肆名搞下gap 啫!店舖小小只有十餘張枱(可以隨意轉換以適應客人的數目)，佈置舒適簡單，幾個朋友可近距離毫無拘束地去享受。 我和朋友坐下因末吃晚餐，固點選數欵小食和烏冬填肚。8吋 蒜蓉大虎蝦  肉質結實咬落啖啖肉，配以蒜蓉燒烤野味十足。 鹽燒鯖魚 鯖魚魚皮燒得香脆，因鹽燒關係肉質較味;可惜細骨略多食時要較為小心。 雞泡魚乾 平時很少食雞泡魚驚它有毒和不是很多地方有得售賣，於是決心嘗試。第一啖咬落煙煙韌韌 感覺像猪肉乾，很有口感。 吉列廣島蠔 蠔雖則油炸，好彩炸漿不厚食落鬆化。 日式炒野菜 賣相和用料與外間食肆相若，沒大驚喜。 麻辣牛脷手打湯烏冬 牛脷較淋，烏冬質感煙韌;配以麻辣醬令味雷提升不少。 鮮奶忌廉凍飲 忌廉味香混合鲜奶，幼滑可口。

早前看過深宵食堂的電視劇集，深深受當中的特色美食、廚師和顧客間的互動所吸引。一直知道香港有與劇集同名的深宵食堂餐廳，這天終於可以抽空朝聖了！食店猶如其名，晚上六時才開始營業，位於銅鑼灣港鐵站附近，大約步行五分鐘便可到達，很方便港島區的上班族。深宵食堂用了簡約的日式裝修，好讓食客可以舒服地跟朋友聚聚，店內放置了數輯日本漫畫，大家可以重溫深宵食堂的漫畫情節。餐牌食物分為燒物、燒物（蔬菜）、主食、炸物、小食、甜點類，還有掛牆黑板上的推介食物，每款食品看來都很吸引！我和友人不花工夫便畫好了餐紙！食物上枱的速度非常快，過了一會我們點的東西已放滿一枱，正好滿足我們肌餓的腸胃！我們首先吃比較清淡點的凍食奴豆腐，件件雪白豆腐都非常滑口，有入口即化的感覺。芝麻醬增添了日式風味，令比較清淡的豆腐吃起來更可口。很欣賞伴碟的車厘茄是一隻組合出來的兔兔，很有心思，很可愛。牛肉他他沙律是令我們很有驚喜的一道菜，一片片厚身的半生熟牛肉片十分軟腍，牛肉鮮味誘人，沒有半點血腥味！為第一次吃生牛肉的我留下很好的印象！沙律汁也調製得特別，將小量的芥末醬加入日式柚子醋，很惹味！生燒牛利芯是我每次吃日式串燒必點之物。這個是厚切

好一段時間沒吃串燒，跟朋友試一下價錢公道抵食的深宵食堂試試質素如何，點了下列食物：一口牛($78)、雞軟骨($32)、豚肉露荀卷($38)、生燒牛脷芯($38)、吉列廣島蠔($42)、奴豆腐($34)、汁燒帆立貝($36)、川式茄子($72)、自家製豬軟骨手打烏冬($44)照片就跟住上枱的次序出場！不用煮，只需澆汁就上枱的奴豆腐($34)當然最快來到，豆腐很滑嫩，只是芝麻醬太咸。怎能不叫一份香脆可口的吉列廣島蠔($42)蠔的份量中等大小，鮮味一般，一客四件，吃到最後才發現有燒汁，只怪碟太黑實在難發現。抵食便宜而有驚喜的豚肉露荀卷($38)！食過「南蛮亭」鮮露荀豬肉卷實在睇不到豬肉真身，發現深宵實實在在的豬肉，實在感動，眼淚在心裡流，露荀亦清甜多汁，多吃都不油不膩，所以encore多一碟。雞軟骨($32)生燒牛脷芯($38)期待怎樣「生燒」法，發現牛脷較薄，固然偏乾，調味亦過重。一口牛($78)juicy 肉厚多汁，絕對有驚喜！汁燒帆立貝($36)$36 3粒，超抵食，還能有強求什麼？有個中國胃的朋友要飽肚熱食，點了自家製豬軟骨手打烏冬($44)雖然豬軟骨只有薄薄3片，烏冬爽口彈牙，抵食

奴豆腐($34) 豆味濃郁，滑溜又香麻醬。吉列廣島蠔 ($42 4隻) 炸得金黃脆口，蠔鮮味又飽滿，但略嫌厚粉漿。芝士年糕 ($36)芝士餡芝味濃郁軟滑🧀熱辣辣半溶咁好正❤️皮仲好薄身😚必食芝士蚧肉玉子燒 ($78) 玉子燒寫上店名。蛋燒得好juicy，加上芝士更香口滑嫩，間中食到既蚧肉好鮮味，不過份量多啲就好啦。一口牛 ($78 兩串) 牛肉粒燒得林嫩，肉味香濃，滿口肉汁好惹味。香草羊架 ($78 兩件) 羊架兩件件頭唔細架，仲好細心剪開一塊塊方便食。羊肉鮮味香口，雖然肉質唔算好林但都唔錯，肥膏位多但好香羊騷味。汁燒帆立貝 ($36) 帆立貝大大粒認真抵食，醬汁甜身惹味，帆立貝亦好爽口。芋丸 ($ 忘了) 出乎意料地正，芋丸炸得脆口香脆，裡面係甜膩既芋蓉，成粒滿滿芋頭香，加上芝士真係無得頂。

朋友聚會，選間日本串燒小店，店子不大，但感覺恬靜愜意，一串兩串三串，慢慢傾，慢慢食。。餐牌選擇頗多，選擇困難症又黎喇!利賓納提子汁。忌廉溝鮮奶解渴飲品，是吃串燒不可缺少的佳品!牛脷芯牛脷芯係牛脷近喉嚨的位置，脆口彈牙，帶少許黑椒，微辣惹味!8吋蒜蓉大虎蝦完整長足8吋的新鮮大虎蝦，結實肉質，濃香的蒜蓉，極度可口，encore 首選!汁燒帆立貝肉質甜美的帆立貝，加上醬汁燒烤，使味道更豐富!一口牛牛肉串插在薯仔上出品，頗特別。牛肉稔軟不韌，一口一粒，味道調得極好，口感不錯，值得推介!煙肉荔枝卷煙肉和荔枝的味道很匹配，荔枝的甜味中和了煙味的膩和和鹹味，值得試試!吉列廣島蠔炸得金黃色的吉列廣島蠔，非常脆口，炸得保持蠔內水份，胡麻蕃茄大大片蕃茄，既新鮮又夠冰凍，配上濃郁的胡麻醬，是串燒好配搭!川式茄子川式茄子面積頗大的茄子，佈滿七味粉和蒜粒，味道香濃，能燒到保持水份，不乾身，一絲絲夾出，很滋味!冰燒菠蘿燒得不見乾身，咬下菠蘿時還有大量汁液流出，非常清甜!日本蕃薯仔蕃薯仔細細粒，甜美，口感很糯，是我的至愛!

因為OpenRice不時都會請睇戲，XO仔得以認識到日本又係漫畫、又係電視劇、又係電影o既「深宵食堂」。契妹講起先知原來有粉絲亦好潮地因此名作喺香港先後開咗兩間「深宵食堂」，二人就親週一傍晚最唔迫人o既時間一探究竟。 位於大廈六樓o既食店門外設有候座區，旁邊擺放有餐牌及雜誌報導供食客一邊等一邊參考。要進入餐廳磨砂玻璃正門必先按鈴 ，等待芝麻開門。店子不大，一邊為四人卡位區。另一邊則為合併式二至多人散座。我地契兄妹二人被安排入座其中一張高櫈位置，講真兩個肥人坐得都幾唔自然 。由於餐桌面積有限，兩口子最終採取邊食邊叫o既方式慢慢享用美食。 芝麻雞翼（$48/三隻）：芝麻雞翼果然皮脆肉嫩，少辣惹味，唔怪得知咁多人推介 。 芝士蝦球（$38/六粒）：眼見金黃色o既蝦球冇煙出，諗住唔會好熱啦，點知細佬一口咬落去，入面流心o既芝士真係好熱 ，仲燙親條脷添。芝士蝦球不但滾熱辣，芝士夠流心，外層o既炸皮仲好鬆化，蝦膠餡亦好爽脆，估唔到「深宵食堂」又幾有料到喎！ 芝士年糕（$36）：芝士年糕同芝士蝦球無論係味道定質感都極之唔同，但效果卻一樣咁精彩！芝士年糕一定要親熱食，其皮薄香脆，芝心

今日太太放假，攜同細周生到銅鑼灣逛街，晚上試了一間日式串燒店「深宵食堂」。餐廳地方不大，曲尺型格局，以木製傢具作裝飾擺設。近入口的飾櫃，放了不少聖鬥士玩隅。在餐廳的另一角，則擺放了不少漫畫，可供食客借閲。再加上放於天花燈槽的酒瓶酒盒，和風感更重。芝士蝦球：蝦球賣相小巧，外脆內彈，芝士半溶起絲。建議追加蝦肉份量，相信彈牙感及蝦香會更為突出。八寸蒜香大虎蝦：大虎蝦足八寸長，肉質新鮮結實，以香蒜作調味，十分香口，值得推介。吉列廣島蠔：吉列成品金黃香脆，雖然以吉列香口方式製作，鮮蠔的自然味道還能吃得出，更驚喜是蠔身仍保留了相當水份，吃時燙嘴嫩口。汁燒白鱔：選料肥美，魚肉帶甜。豚肉露筍卷：豚肉薄切無乜特別，露筍選用幼小款式，食感嫩口。煙肉荔枝卷：煙肉本質香口，但膩感重，夾上清甜可口的荔枝吃，香口仍在，膩感已除，兩者味道非常匹配。一口牛：牛肉口感鬆軟，牛香OK，調味稍稍鹹了少許。炸薯格：特意為細周生點選，即點即炸當然香脆可口。鵝肝什菌石窩飯：以燒熱石鍋製作，出品熱辣，拌勻鵝肝襯飯吃，每囗飯皆沾上豐腴肝香，十分惹味。配上的和風醬汁口味帶甜，調味亦佳。什菌以雞脾菇及靈芝姑入饌，味道和鵝肝頗為合襯，亦是