磯野水產

营业中

休息中

日本濱燒香港有好多間，但食材又新鮮，服務又好都算呢間磯野水產，這裡的濱燒同日本菜式，真係可以媲美置身日本的餐廳。叫個前菜鯷魚醬$34，係用了多春魚及沙甸魚製成的鯷魚醬，醎香味濃，點蔬菜好夾，清爽，店員介紹今日有個白魚湯$48，果然冇介紹錯，真係好清甜，夠滋補養顏。菜方面，叫了炒枝豆$68，用左調味醬汁，好惹味。最期待海鮮濱燒，叫了味噌虎蝦$198,店員在店中間的長枱有幾枱濱燒爐，不停幫客人燒海鮮，我見佢地燒虎蝦好有心機，又灑鹽，又放味噌醬，控制火喉相當專業，好大隻，夠爽口，面鋪了卜卜脆的鮮甜蟹籽，口感多層次。另一濱燒叫了味噌蟹甲羅燒$88一隻，因我非常喜歡味噌味道，較重口味，有好多新鮮蟹肉，可以夾埋青瓜片，夠清爽，夾梳打餅又夠脆口，食完濱燒想即時叫杯酒餸下，叫了杯烏龍茶割燒酎$58，有whisky酒香味，清清甜甜，唔會太啃。燒自家製一支干雞翼$118/4 隻，好香脆，面有芝麻香，燒得剛剛好，啲雞皮油脂咇曬出來，令雞皮更加脆口。再叫本店推介的磯野壽司盛盒八款$328，可以一次過品嚐八款高級壽司，分別有赤蝦刺身，黑松露帆立貝壽司、海膽軍艦、磯燒鮑魚壽司、和牛壽司、三文魚壽司和吞拿魚腩壽司，

最近疫情嚴重，困在家中多日忍不住出來走走。為食餐好改善一下心情，來到我top1喜愛的磯野水產。人一樣的多，似乎沒有受到太大影響。前菜有蔬菜條配鯷魚醬，經過特製醬汁將鯷魚腥味去掉，轉化成鮮美，令單調蔬菜條變得不平凡。這枝兵庫縣純米吟釀做promtion，$520大大枝，米味濃，配海鮮很不錯！友人另外再點了巨峰梳打及薑汽水割燒酎，如果喝太多酒都有很多選擇！今日時令西蠔來自西班牙，點了一款酸汁一款原味，個人較喜愛酸汁，少少酸味更顯生蠔的清甜！點了龍蝦海鮮拼盤，龍蝦除了刺身更做了甲羅燒。龍蝦刺身加入蟹子，口感更有趣。龍蝦肉十分鮮甜，爽囗！非常高質！剩下的龍蝦肉做了甲羅燒，毫不浪費！配餅乾一絕！鮑魚則用磯燒方法，爽囗彈牙，而且好入味，賣相好用心蟹膏用來做甲羅燒，香到不得了！creamy口感一試難忘大蜆用酒罐用上清酒燒，吸收清酒味之外又可保留蜆汁，清甜都不足以形容！帆立貝一款用清酒，保留帆立貝的鮮甜，吃的是原味！另一隻則用黑松露牛油，即燒即食，這個配搭真的好惹味！最後有海膽蟹肉炒飯，每口都吃到啖啖蟹肉，新鮮海膽加入炒飯很奢侈，但這種美味我給10分！

比起燭光晚餐同酒吧狂歡，係居酒屋摸住酒杯底談心先係我杯茶，今晚同好姐妹食飯特登揀左間以燒物為主既小店試下。野菜條沙律伴鯷魚醬 ($30)見個個都有點，趁墟試下係咪真係咁好食。 首先要讚下鯷魚醬上台後一直加熱住，真係幾香。 好奇問下店員係點整，原來係多春魚同沙甸魚同混合而成，完全唔腥，只有濃濃既海產鮮味。 野菜條除左生菜、蘿蔔、青瓜、西芹之外，仲有比較少見既沙葛，好清甜水潤，怒點鯷魚醬都唔會膩。味噌蟹甲羅燒 (配餅乾) ($78)甲羅燒平時都食唔少，幾欣賞入面冇加到料，就係滿滿既蟹膏蟹肉，配香脆既餅乾或者爽甜既青瓜片都好夾。以往都食唔少燒海鮮/燒和牛，自己燒當然係有其樂趣，但都好怕廚藝問題浪費左咁靚既食材。 幾欣賞呢度會有店員代勞，先將原材料上台俾客人影相打卡，再即場係餐廳中央既開放式廚房上爐燒熟，感覺似睇緊表演咁。活帆立貝 浜燒 (原隻) ($138)帆立貝厚身又嫩滑，好耐冇試過成隻連群邊都食到個鮮味，簡簡單單用清酒煮熟就好正。活鮑魚 浜燒 (原隻) ($98)鮑魚好彈牙唔會韌，幾鐘意配左柚子胡椒醬，清新又引出鮑魚甜味。 份量亦好足，每人分到半隻都啖啖肉。赤蝦 浜燒 (兩隻) ($98

最愛嘅閨蜜生日當然要食大餐啦！所以帶咗佢黎呢間另一個朋友介紹高質日本餐廳！前菜係每台都有嘅！右邊係沙甸魚同多春魚嘅魚子整嘅秘制醬！點菜食都幾惹味架，不過個人覺得咸咗少少！但幾好嘅係唔會有腥！點左邊嘅菜食都幾夾架！咁高興當然要飲酒啦！sake!呢隻幾易入口架而且吞咗之後會有陣蘋果香喎！女人扮下野都要食下沙律嘅！呢個係滑子菇蟹肉沙律🥗 大家都見到下面張圖有黑松露啦⋯⋯呢個係大大增加咗我食呢個沙律嘅動力而且佢d蟹肉食落去就知係貴級野不過個人就覺得d菇有少少「霉」味 就係好似平時煮菇冇飛水嘅味！個人唔係幾鐘意，但可能愛菇之人應該覺得可以！炒銀杏，都似似地鹽焗架！店員會提提我地好熱架個殻，小心d食！好嘅係佢已經幫我地扑開咗！個人覺得還可以，但鹽味冇咩點入到d銀杏到，而且d銀杏有少少澀味！呢個係磯野芝士金龍卷！呢個賣相100分 幾靚啊！芝士幾正，又唔會覺得膩！上面仲有沙律醬同蟹子！個人覺得唔點豉油都已經夠味啦！跟住係磯野壽司盛合八款又係好靚嘅賣相！我同閨蜜一人食一邊所以我食咗下面嘅！第一舊係金目鯛魚壽司🍣，第2舊係池魚，第三舊係黑松露帶子，最後係鮑魚壽司！呢個鮑魚我幾鐘意啊！食落好彈口！店員有特別

我帶咗個朋友去一間我都比較鍾意嘅日本餐廳洗塵，呢間係喺銅鑼灣 軒尼詩道525號 嘅磯野水產。我鍾意嘅係呢度啲水產非常新鮮， 我叫咗個二人套餐再加隻活生生嘅龍蝦和一些小食。一開始佢哋將成盤水產連埋隻龍蝦拿上嚟畀我哋睇。 賣相好靚，最搞笑嘅就係當我地影影下相時，隻食龍蝦突然間飛奔向前， 跳咗出嚟令到我哋嚇咗一嚇，也抱腹大笑。。。赤蝦刺身非常鮮甜，彈口。 個蝦頭攞咗去炸，非常脆口。蝦膏超多好甘香。鮑魚好鮮甜，不用汁也好好味。佢有兩種食法，一種係磯煮， 不太鹹並帶點甜味。第二種係濱燒， 口感有點乾但係鮮甜度並不減弱。味噌蟹甲羅燒， 即係燒蟹蓋。超好味! 佢哋將蟹膏用火燒熟， 並且以青瓜配襯一齊食。又香又甜又惹味，食完一份真係好想再食第二份!活帆立貝濱燒，加埋啲牛油醬汁，又彈牙又可口。 牛油和帆立貝真係絕配!最值得一提就係個活龍蝦刺身同埋甲羅燒龍蝦頭。 刺身鮮甜唔使講。最有賣點就係佢哋嘅甲羅燒龍蝦頭。 醬汁，龍蝦膏再加少少龍蝦肉一齊真係絕配! 好好味啊!最後佢哋嘅番薯雪糕非常香甜，令我諗番起以前喺北海道食嘅日本燴番薯。呢間餐廳真係非常值得再來。雖然價錢有點貴，但係物有所值，我會再來。

為左答謝老公悉心安排的結婚紀念日，我決定帶老公食佢鍾意嘅野。之前做過資料搜集及問過幾位朋友，決定到呢間餐廳食日本菜~因為有老公最愛嘅磯燒同刺身，等佢可以尋回日本滋味!餐廳好方便，銅鑼灣站出一分鐘就到喇，我呢個路癡都唔洗睇地圖😂。一出見到門口以木色為主，掛滿了好多足牌作裝飾，好有日式風味。店內面積不大，近門口位置放置一張磯燒枱，職員會在枱上為食客燒野食。menu選擇多元化: 磯燒~剌身~天婦羅~沙律~主食，每樣都想試下，職員好主動咁介紹左幾款食物比我地。野菜條沙律伴鯷魚醬鯷魚醬用火暖住~咸香味和野菜條好夾，爽脆野菜沾上咸香的鯷魚醬好惹味，下酒一流。來福 愛山 純米大吟釀果味比較香濃易入口唔會嗆喉，女仔飲都好岩飲😁食海鮮飲特別夾。黑松露滑子菇蟹肉沙律柚子味沙律汁配上黑松露醬香氣撲鼻，滑子菇滑潺潺的口感好特別，沙律菜好新鮮，蟹腳唔係蟹柳嚟架😁好有驚喜。磯野刺身盛合五款帶子刺身鮮甜~赤蝦肉厚彈牙，蝦頭的蝦膏香濃幼滑~吞拿魚腩油香味十足，入口即溶。活帆立貝濱燒有兩款調味可選擇: 清酒 或 牛油黑松露我選擇了牛油黑松露，磯燒後濃濃的松露香一上枱已經令我垂涎欲滴，帶子群邊有嚼勁，帶子肉彈牙，牛油+

早兩天結婚週年為左俾驚喜老婆, 我特意攞左一日假煮左一頓豐富嘅晚餐同佢撐枱腳。今日老婆同我係銅鑼灣睇完戲之後帶我過黎銅鑼灣澳門逸園中心, 原來佢book左19樓呢間磯野水產俾返個驚喜我。😍老婆本身唔係特別鍾意食日本菜, 不過我就超喜歡, 佢今次居然揀左呢間主打食日本入口海鮮嘅居酒屋同我撐枱腳, 仲要預先book定位, 我真係超surprise。😘老婆訂了19:00的枱, 不過我地19:00未到已經到, 客人未算好多, 不過19:00之後客人就越來越多。餐廳裝修好有日式風格, 開放式嘅廚房, 我地坐嘅位置可以睇到師傅備餐。磯野嘅店員服務好熱情, 我地坐低之後店員先為我地介紹Drink Menu, 經佢介紹之後, 我地揀左來福愛山純米大吟釀。店員幫我地斟完酒之後立刻拿冰桶幫我地冷住, 呢款大吟釀冷飲入口果味香濃而且好易入喉。👍今晚前菜係野菜條伴鯷魚醬, 鯷魚醬味道同魚子醬相似, 以火熱住令咸香味更突出, 配爽口嘅野菜條食, 風味極佳, 而且前菜只收$30, 食完仲好想食多一份。😆同老婆食飯, 菜一定唔少得, 我地點左呢款黑松露滑子菇蟹肉沙律, 黑松露味濃, 配以新鮮爽脆沙律菜, 味道好配,

磯野水產是一間新開業的日本料理，位處食肆臨立的澳門逸園中心。餐廳門外擺放了一個和式燈箱，另有數盒海鮮蠔殼裝飾。小小擺設，既呼應了店名，亦道出了餐廳的重點海鮮美食。 門外的裝潢風格延伸至店內每一個角落。除了刺身吧枱外，店中特設一張島型餐桌供浜燒海鮮之用。 甫入座後，店員率先送上一客前菜小品。這杯新鮮的菜蔬條，全部選材皆擁有清新爽口的特質。小吃的特別之處在於配上的鯷魚醬，以多春魚及沙甸魚製成，空口吃難免過於重味，但用上菜蔬條蘸點同吃則味道剛好。因鯷魚醬以魚肉製作，冷凍後難免會變腥，有見及此，餐廳特意安排一個小燭台明火為醬材保溫，安排妥善。 正式開始是日飯餐，餐單以「磯野海鮮盛合 Kiwami」為骨幹，另加數款散點美饌提升享受。 燒自家製一夜干雞翼與黑松露明太子玉子燒是最先送上的熱食小吃。前者賣相金黃，皮脆肉嫩，雞翼面上掛滿蜜汁，甜甜蜜蜜十分討好。後者是一件巨型玉子，面上印有店名「磯野」二字。放刀一切，熱騰騰的輕煙一湧而出，黑松露與明太子的蹤影清晰可見。明太子屬味濃的食材，所以玉子的口味也以明太子的鹹香韻味作主導。 鐵罐酒蒸岩蠔 ($198) 是一道既可觀賞製作過程又可細味的佳餚。方型

為下星期父親節o既慶祝活動搵地方，週二晚就約咗契妹玩double dating。四口子原本諗住食滨燒，閒日唔洗訂位，點知去到店子居然爆滿，所以就應哥哥仔推介，上咗去十九樓佢地一家仍在試業中o既姊妹餐廳「磯野水產」食海鮮。新店中央有個強勁o既抽氣位，擺放著多個烤爐。木造o既合併式散座圍住牆邊，簡單隨意。因飯後仲有下場，埋位後就先點咗樽細清酒飲。「天之戶冰晶純米吟釀」清爽帶甜，好易入口，$208一樽絕對抵飲。點餸任務交由契妹男友負責，XO仔只忙於影相同食野。炒枝豆（$68）：熱辣辣o既枝豆爽脆惹味，送酒一流！磯野火炙刺身沙律（$118）：以木盆承載o既沙律內含火炙帶子、三文魚、牡丹蝦、八爪魚等刺身，好足料。沙律清新爽脆，伴上多款火炙刺身黎食更覺鮮香甜美。磯野海之幸壽司（$288）：成碟上o既壽司山色澤鮮艷，賣相已值滿分。壽司飯上o既油甘魚、三文魚、海膽等海材油潤肥美，鮮甜香濃，真係冇諗到壽司都可以分黎食喎，夠哂諗頭。吞拿魚腦天額滨燒（$298/四件）：吞拿魚腩就食得多，都係第一次聽到吞拿魚腦都可以食，而且仲要係即場燒製添。所謂吞拿魚腦原來係指額下o既吞拿魚肉，其肉質幼嫩軟滑，入口即溶，鮮香