Pancake 專門紗織 (已結業)

Bookmark左呢間日式甜品餐廳好一陣子終於有機會試啦~ 餐廳走和風路線，無論裝修、擺設、杯杯碟碟都好ig-able，令人心情愉悅。連早餐都未食嘅我地雖然一心唸住主攻甜品，但甜品當正餐又好似怪怪地所以order左個鹹嘅輕食系列share，香燒牛小排蘑菇汁意大利粉仲包餐湯、沙律同餐飲，意粉味道都OK，比較淡，不過不失。除左餐飲揀左latte，另外再order左焙茶latte，都相當唔錯。食完鹹嘅輕食終於到萬眾期待嘅甜品啦！一心想試和栗Mont Blanc班戟，pancake底可以由原味/抹茶/朱古力中選一款，再配搭抹茶/石板街/黑芝麻/焙茶/雲呢拿/紫薯六款中一款雪糕，而我地就揀左原味pancake配焙茶雪糕。嘩！賣相靚到呢～紗織pancake一絲一絲嘅和栗蓉極度幼細濃密，霎眼睇有d似炒麵，但更精細同elegant～一切開就見到pancake同焙茶雪糕嘅layer，幸福感即刻飆升！食落富有層次感，和栗蓉好棉好滑，栗子味好香，焙茶雪糕嘅味好出，同原味pancake簡直係絕配！另外仲order左 Dark Mocha Pancake，厚厚嘅朱古力奶蓋同cream雖然覆蓋左一整個pancak

食完飯想食班戟，唔想又去幸福班戟，去左Flipper's見到食黎食去都係嗰幾款冇乜新口味，決定轉移陣地黎呢間試過一次嘅Pancake專門。幾個月冇黎，餐牌轉左少少。餐牌有唔同款式嘅班戟，連鹹嘅班戟都有，其他鹹食如全日早餐，西式主菜，大閘蟹粉限定之選，輕食系列，同小食都有。野飲有富士山特飲，咖啡或茶。諗左好耐先決定到叫一甜一鹹班戟加一個沙律。和栗Mont Blanc班戟 $148 另加一上次黎令我印象最深刻就係佢哋嘅招牌Mont Blanc班戟。佢嘅Mont Blanc或者叫紗織班戟，係用特別機器，將栗子、紫薯或者黑朱古力壓成一條條約1mm幼，再唧喺班戟上面。Mont Blanc可選和栗，紫薯或者黑朱古力，雪糕有抹茶，石板街，雲呢拿，黑芝麻，焙茶，紫薯口味，班戟有原味，抹茶同朱古力味。上次食紫薯Mont Blanc，今次試和栗Mont Blanc配原味班戟同黑芝麻雪糕。Mont Blanc班戟賣相勁特別，和栗Mont Blanc成座山咁，上面加左忌廉同半粒士多啤梨點綴，再灑上糖霜。和栗Mont Blanc勁多，一條條超幼身，好有口感，入到口即融合變栗子蓉，栗子當造，味道甜度適中幾好味。切