逸之燒 (已結業)

點餐前店員先免費奉上前菜中華沙律，等我地可以慢慢食住睇MENU，相當貼心。小食蟹籽沙律份量唔算適中，青瓜爽脆而且新鮮，每粒蟹籽亦都卜卜脆，作為前菜一流。海膽炒飯上面有一排海膽，食嘅時候同啲飯撈埋一齊，咁就每啖飯都可以有晒海膽嘅味道吉列蝦芝士反卷，新鮮炸起嘅吉列蝦非常香脆，上面有微焦嘅芝士同沙律醬，味道豐富得黎有層次。燒菠蘿多汁香甜磯煮鮑魚味道濃郁，而且肉質非常彈牙，另外仲好細心咁將鮑魚分成兩份，方便同人分享。和風牛肉炒烏冬非常有口感，成個烏冬吸收左大量嘅牛肉汁，同湯烏冬相比係另一種風味。蟹子壽司$20火灸三文魚壽司$22

近排返工真心辛苦, 呢晚返工受完氣, 放工想去食好西平衡返!然後我地去左逸之燒。佢個門面都幾靚幾有格調嫁!仲有幾張椅畀等位既客人坐住等添!店入面唔大, 客都好FULL下~除左普通位, 吧枱都有4個位可以坐~然後, 我地叫左好多野食我地叫左: 皇帝蟹炒飯($128),蒲燒鰻魚($98),鹽燒豚肉荔枝串($26),鹽燒豚肉菠蘿串($26),燒鵝肝多士($38),吉列蝦芝士反卷($48),海膽手卷($52),和風牛肉炒烏冬($78)。燒鵝肝多士($38)我地2個係鵝肝怪, 見到鵝肝多士當然要叫來食一人一份~鵝肝夠厚切!海膽手卷($52)海膽好甜!和風牛肉炒烏冬($78)大大碟! 好足料!甜甜酸酸咁, 好開胃!皇帝蟹炒飯($128)嘩! 原隻皇帝蟹蓋上!好吸引!炒飯入面真係好有多蟹肉, 好好食呀呢個真係!吉列蝦芝士反卷($48)呢個賣相都好靚!反卷個餡係脆卜卜炸蝦,面頭就有大大片芝士同蟹籽, 食落係多層味覺同口感享受呀!蒲燒鰻魚($98)呢個好奢侈, 原條熱辣辣就咁食~肥美~鹽燒豚肉荔枝串($26)鹽燒豚肉菠蘿串($26)第一次食串燒夾住荔枝~原來都幾好食嫁啵!好JUICY~食完一餐豐富既,

今晚突然又想食燒物，所以我就再幫襯質素有保證既逸之燒即叫即燒連殼帶子，食落帶子新鮮彈牙上面舖滿香濃芝士汁，最上層的微焦，令芝士汁的香味更提昇到另一個濃郁境界，越食越滋味炸沖繩芝麻雞翼，外層炸到好香脆，雞翼內裏肉質非常嫩滑而且入味，有芝麻嘅香味，唔會好油，同埋完全無雪藏味。網燒鮑魚真係有個網加個炭爐係你面前燒，咁樣就確保鮑魚既溫度！醬汁美味，鮑魚軟腍中有咬口，其他食家果然無介紹錯！每串有3件,雖然豚肉好似有些肥,但中間夾了菠蘿一起燒,菠蘿吸了豚肉的脂肪,食落唔覺肥,菠蘿的酸酸甜甜,正好中和了豚肉的油膩.

今日難得放早，於是同左我媽咪去食日本野。聽朋友介紹，元朗雞地果間逸之燒好食，所以就去左試下🤤門口裝修得幾靚，好有日本格調。入到去第一時間睇下有咩廚師推介，唔洗自己諗😂見到有個黑松露鵝肝多士，好似好吸引，我叫咗一下，而我媽咪就叫左一個鵝肝多士，冇黑松露嘅。另外，仲叫咗一客和風牛肉炒烏冬。個黑松露同鵝肝勁夾，而且鵝肝都唔細塊，做到同多士係1:1😍多士都係好趣口，唔會係翻烘既多士🤤再睇下餐牌，叫左少少串燒(沖繩網銷鮑魚仔，鹽燒牛脷串，燒汁鰻魚串，燒汁安格斯牛肉串，波羅串)而壽司都叫左少少😍實在花多眼亂。我地叫左三文魚壽司，海膽壽司，帶子壽司。成晚我最滿意係牛脷串，佢既牛脷好爽口！又有口感。好多時一厚切牛脷就會變左好難咬！但係呢個係非常爽口😍😍😍而我媽最滿意係海膽壽司，佢仲追加左多一客😂😂不得不提既係燒汁安格斯牛肉串！都係好好食。佢既燒汁甜甜地又唔會話太鹹，我初初以為牛肉串係一片片牛，點知原來係一串好似肉條咁既串燒😍好好食。我地今日早食，初初以為唔算太多人，點知食到咁上下，間餐廳打爆左😂平日都好full😂建議想試呢間餐廳既朋友仔book定枱🤤🤤

今晚想吃日本料理，之前和男朋友去過元朗yoho附近的逸之燒居酒屋，是一間主打串燒的餐廳，其他選擇還有刺身，壽司，火鍋，亦有二人和四人套餐選擇。前一晚預早訂了兩人枱，到左7點半已經全店滿座。吉列蝦芝士反卷有六件，中間包著炸蝦天婦羅，香脆可口，上面鋪著三文魚子，沙律醬同芝士，食落多重滋味。北海道黃金燒帶子，燒得黃金色又不失光澤，賣相非常吸引，黃金汁好濃香滋味，帶子爽口又新鮮。和風牛肉炒烏冬，烏冬炒得入味又未至於油膩，有適量配菜跟木魚，飽肚滿足之選。鹽燒魷魚筒，一客係整條魷魚上碟，魷魚燒得煙韌有咬口，鹽味和鮮味控制剛好。鮮菠蘿串，燒得熱辣辣仍然鎖著大量菠蘿汁。角切魚生飯，有多款魚生刺身，份量十足。味道真是超水準，是非常難得的日式小店。