貓之眼

营业中

休息中

呢間人氣蛋包飯終於試到啦💛餐廳叫貓之眼因為佢個飯個形狀係特登整到好似隻眼咁 我lunch hour去條龍長到我等左差唔多45分鐘 鋪頭唔大好有日本家庭餐廳嘅感覺 我叫左【咖哩豬肉濃茄牛肉蛋包飯】個蕃茄味好濃啲牛腩都夠淋 而咖喱嗰面都好香 送飯食真係一流 而中間蛋好滑ପ(⑅ˊᵕˋ⑅)ଓ話咁快我成碟ko曬原來我朋友想食佢哋嘅漢堡扒 但係已經賣晒啦(*꒦ິ⌓꒦ີ)下次要早啲去食 因為佢地真係好多人幫襯 最後叫咗【咖哩豬肉燴牛肉汁蛋包飯】我試左個燴牛肉汁 個人唔係好鍾意 老闆好好招呼最重要係良心小店 大家可以去多多幫襯!!!!💛💛💛

原來貓之眼間舖搬左去對面舖，裝修同之前差唔多，都係好簡潔，牆上掛滿有香港特色的貓貓畫作，好得意!今天晚上7時左右黎到，都要排隊，不過都好快就有位啦!咖哩豬肉濃茄牛肉蛋包飯($82)，認真今次黎食真係有D失望，味道冇之前咁好食!咖哩豬肉冇咩咖哩味，醬汁有點稀，濃茄牛肉蕃茄味唔係好濃!至於蛋包飯不過不失!燴牛肉汁和牛漢堡蛋包飯($99)，個燴牛肉都係有點稀，味道唔係好濃。和牛漢堡整得好厚身，醬汁有點酸酸地，都唔錯的!總括黎講真係有點失望，雖然店員很有禮貌，但食物質素真係下降左，希望可以有所改善啦!

個人很喜歡吃雞蛋和日式料理，蛋包飯是非常對胃的選擇。晚上六時許，雖然無需等位，但只剩下bar 檯可以選擇。點了一客咖哩豬肉濃茄牛肉蛋包飯，店員不一會便端上。蛋包飯賣相精緻，具有和風感覺。蛋包飯置於小巧的橢圓形碟子中央，左邊是蕃茄牛肉，右邊是日本咖啡豬肉，嫩滑的雞蛋包裹著白飯，不論伴咖哩汁或濃味蕃茄汁都十分配，雞蛋不但嫩滑且有蛋香，令人有追著一口一口吃光的衝動。總括而言蛋包飯十分美味，而且分量對女士來說實在是剛剛好。店員態度有禮。可惜這店子實在非常小，只有18個坐位，未必能一大班朋友前來。