柏斯意大利餐廳 (已結業)

放假同肥髀入粉嶺閒逛，午餐想食好點，同事介紹過呢間餐廳，所以今日就來試下，門面好歐式，鐵框花門配白牆，入內比較昏暗，歐式座椅配木桌，入裡面有個大酒吧枱！環境幾舒服，座位唔迫！店員放低水，之後攞籃麵包比我哋，有法包同麥包，新鮮鬆軟！仲配埋三款醬料，牛油、黑醋、檻欖油！我自己最鍾意黑醋，酸酸地開胃，黑醋唔嗆喉，好濃厚，牛油幾香滑！睇餐牌午餐唔錯，仲可以因應食量加多啲配料！我兩個人食，所以加多啲食物！炭燒肉眼牛扒（$138）賣相靚！牛扒雖然唔算厚，夠肉味，我叫5成熟都做到，肉眼淋身唔韌，點少許芥辣提味好味！難得配菜唔係灼，係用鐵板燒過，自己最喜歡脆肉瓜，好爽口，茄子我一向一般，而汁醬唔多，唔會遮掩了肉味！餐湯忌廉雞湯，夠熱，夠滑，好濃忌廉味！飲晒！沙律（跟午餐加$22）份量唔細，不過以帶甘味嘅沙律菜為主，肥髀唔鍾意，我就覺得微苦配醋汁沙律汁好開胃，好醒神！朱古力慕絲（跟餐加$10）唔會因為跟餐而求其，擺盤好靚，朱古力慕絲好軟滑，朱古力味濃，配合紅莓醬可以減膩！好味！餐飲熱咖啡：我平時飲開mocha,今次叫咖啡都驚受唔到，奶及糖分開上，自己落，咖啡味濃，唔澀，算易入口，而且夠熱，落咗奶之後再滑

兩個人都order左, 應該係叫7度菜既晚餐頭盆, 沙律, 湯+餐包, 主菜X2, 甜品, 咖啡每款都有2樣起選擇, 其實幾豐富, 食材亦都OK, 可以既.鵝肝, 細細件, 夠厚身, 味道一般(感覺上, 如果食d比較靚既鵝肝, 口感會好豐富, 所以會覺得呢件差少少)Parma Ham, 意料之內, OK什菌忌廉湯, 幾香, 味道可以煎鱸魚扒, 煎得乾D左, 冇落調味煎, 厚味蝦就煎得比較好, 仲有肉汁帶牛油香味~ 有骨豬扒, 好食, 肉好嫩又香牛扒都OK既, 相對豬扒而言就遜色左囉 (豬扒係我太太order既....... 我食牛 >_<")甜品及咖啡都唔錯~