Rosie's Cafe by cafe company (已結業)

冬至有得放早，兩點幾未夠三點鐘去到餐廳，未有下午茶餐但係仲有午餐可以叫，睇過下午茶嘅餐牌好似主要係甜品，唔係好吸引，同埋我哋兩個都係未食午飯，所以都係決定三點前叫咗個 lunch set 再加一份三文治呢個蛋包飯有驚喜，蛋好嫩滑、炸雞好香脆、咖喱汁好香又唔太辣，啱晒我唔食辣嘅朋友仔Lunch set 跟一杯餐湯，但個杯真係得咖啡杯咁細，兩啖就飲晒呢個牛肉三文治好似好有人氣，但我個人就覺得唔太特別，不過我比較欣賞佢啲配菜，尤其係酸瓜，配三文治包特別好食

星期六放工後約左女友行沙田新城市廣場，咁啱經過也唔見太多人就有衝動去食個晚餐，拎完飛等一兩位就入到席，入到去二話不說就選擇了咖喱蛋包飯同芝士焗雜磨菇，好快就來左碟咖喱飯，咖喱味幾好，蛋面也好滑，可惜飯只是普通日本米，我個人覺得西炒飯底會吸引些，令一碟芝士焗雜磨菇比較鹹，雖然話係跟牛角包一起食，但牛角包食完就要齋食雜菇就好濃味，環境舒服，但因為有不少一家大少光顧，所以有時會有小孩嘈吵，但影響不大，服務唔錯，有禮同快速，比較在意的是，價數比較貴，可以再平差就好，可以再光顧第二次或三次

星期六在沙田想找家餐廳晚膳，是一件絕不容易的事。見到這家店子，排位時間可以接受，便來試試看，一般的日本西餐廳，難食極都有限，這家也是，唔係好難食，只係唔好食。本想叫燒雞薄餅，結果：賣晒？　吓？ 19:30 賣晒燒雞?沒有燒雞薄餅，只好要海鮮芝士班戟。我兒（一個四歲多大的小孩子）見到班戟，滿心歡喜，吃了第一口後便討出來。兒：點解上面咸，下面甜嘅？我：特式嘛到我看己試試時，這個特式真的很有特色，無芝士味，只有甜同咸味，完全不知怎樣形容。海鮮汁炒青口哦！即係鹽水煮青口，可能日本煮同炒係同一意思，或者我唔知炒是什麼？這道菜薯角才是主角。日式椰菜意大利麵一般正常，只是伴菜那個千層飽不是熱的，咬下千層飽有點油而硬的感覺。咖喱蛋包飯伴炸雞師傅的做法比較特別，首先先放白飯在碟的一邊，然後把蛋煎平放在上邊，在飯的另一邊蛋上放了四件炸過的雞，然後把咖哩汁放在上面。  那何來蛋包飯呢？飯都沒有被蛋包，加上炸了一段時間的雞淋上不太熱的咖哩汁，做得出這道菜又收我 $96 的師傅，請先學習何謂蛋包飯。蛋包飯與蛋放在飯上面是兩回事來的，一點都不可以懶。