紅館 (海堤街)

营业中

休息中

經過一間食辣野既小店，係唔太顯眼嘅後巷，係小店食嘢特別有風味。今次試左麻辣菜式重慶水煮無骨龍利柳同埋出面比較少見嘅四川椒麻雞。重慶水煮無骨龍利柳（$148）滿目辣椒紅亮養眼，麻辣味為主，食到辣椒嘅香味，龍利柳啖啖肉，吸哂汁既精華，配菜有大量爽口嘅豆芽，特登加咗薯粉一客（清湯底），用重慶水煮嘅麻辣汁拌薯粉食一流，薯粉煙靭滑溜。四川椒麻雞（半隻$98/一隻$196）乾椒麻味與小蔥嘅鮮味結合，口味較溫和，唔太食得辣嘅朋友可以揀試呢個，雞肉肉質嫩滑。四川椒麻雞有半隻/一隻選擇，今次揀咗半隻，份量好足，抵食。羅漢果茶（$9）食完辣野要飲返涼茶下一下火，羅漢果茶係自家製，飲完非常潤喉。除咗涼茶，仲有好多冰凍酒款，有啤酒/中國白酒，大支裝啤酒$32-38，中國白酒有茅台王子酒（$288/200ml)、大曲酒（$88/200ml)、江小白（$68/100ml)。

喺鰂魚涌嘅小巷入面有間幾出名嘅川菜餐廳，朋友話平日lunch幾多人下，所以今次有機會經過，就黎咗試下，第一次黎梗係試下menu上面推薦嘅菜式先叫咗半隻四川椒麻雞，就咁睇個名同張相以為係好辣，點知原來呢個菜式係唔辣一上枱果下，個賣相唔錯，滿滿嘅蔥蓉鋪滿隻雞，入面仲有啲薑蓉，食落口啲雞幾滑，肉質淋度恰到好處，而雞有花椒油嘅麻，麻油嘅香，好正，送飯一流之後叫咗招牌酸菜魚，揀咗龍利柳同小辣，魚好厚肉，食落幾有咬口，唔會太淋，而湯底隨咗有辣椒同酸菜，仲有芽菜、芫茜，湯底唔油又唔太辣，酸度啱啱好，好好飲，所以仲叫咗碗薯粉倒入去一齊食，咁食肯定最夾，因為可以吸哂湯嘅精華食得辣野當然唔少得啤酒，呢度用“戰鬥碗”飲，特別有feel，而隻碗仲喺雪櫃拎出黎，包保keep到啤酒嘅味道我仲貪得意試咗瀘州老窖（大曲酒）中國白酒，成52%酒精，少啲酒量都真係會頂唔順，唔太識飲酒嘅我都飲到佢形容嘅菠蘿香味，第一次飲真係覺得幾特別，值得一試整體黎講，成晚我同朋友都好滿意，絕對有下次！

今晚和朋友在鰂魚涌傾點事，朋友介紹這家極度隱世的紅館吃川菜，於是就來試試水準。餐廳位於鰂魚涌的一條小巷之中，如果不是朋友帶路應該都要搵一陣，的確是隱世小店。餐牌有不同的川式菜品，有各式水煮、干鍋、各式四川小炒等，同時亦有不同的湯粉麵可選擇。餐廳非常特別的有提供坊間少見的中國白酒，不過今晚有事不能盡情飲，所以只叫了特價啤酒，下次一定叫多幾位朋友試試白酒。四川椒麻雞(半隻) $98先點了比較少有的四川椒麻雞，椒麻雞半隻份量十足，面層堆疊著滿滿的香蔥，醬汁鮮味濃郁，色澤亮麗，入口麻中帶辣，油而不膩，而雞肉厚實嫩滑，味道令人上癮，一流。風味干扁肥腸 $126侍者一奉上干鍋，一股香辣氣味撲鼻而來，一看肥腸就知道十分對辦，大腸夾著厚厚的油脂，一咬舌尖立馬發麻，有鑊氣夠香辣，調味恰到好處，肥腸份量亦多，脂香豐腴。大大碗羊肉湯麵 $78一上枱的確是大大碗，選了麻辣湯底，一呷麻香有辣勁，但卻濃而不膩，有大量的半肥瘦羊肉片，入口羊脂的膻香立馬在口腔爆發，而麵條本身的口感筋道醇厚，頗有嚼勁，十分不錯。喜力啤酒 $15見到有超特價的大樽裝喜力，當然要點一支，餐廳奉上冰凍的戰鬥碗，一呷暑氣全消，爽。