素食一家 (已結業)

食得肉太多，係時候食下素。父母知道素食一家前排易手，轉左新老闆，所以揀左近旺角既素食一家。約7時入座，點菜期間，人客開始入黎，過左陣就坐滿晒。菜牌既相影得好靚，好吸引。上菜時，D送同張相差唔多，完全冇呃人。健談既老闆好好，佢介紹左幾樣送俾我地。第一樣就係芋頭煲，好香椰香味，D芋頭好林，個汁一D都唔肥膩，同茶餐廳或茶樓既芋頭煲爭好遠。Li個煲味道完全唔覺有味精，少盬少糖，完完全全係食材本身既味。第二樣係蓮藕餅，炸得香脆，熱辣辣上枱。同個煲一樣，完全唔會食到滿口油。第三樣係燒餅，根本同日式餐廳食既冇分法。唯一唔同就係日式餐廳粉漿太多，li度就以菜為主，所以食落啖啖菜，又係少油少鹽，好健康。第四樣係雞絲炒金邊粉。Li樣就味道唔錯，又係少油少鹽，D雞絲真係幾似平日食開既真雞絲。LI度既甜品真係異常出色，一定要試，就算飽都係咁話。師傅刀工好犀利，可以將個豆腐切到幼，好似朵菊花。味道唔太甜，不過薑味多D會好D，記得要趁熱飲。2件餅都咁好食。媽媽好怕食Cheesecake，怕佢陣騷味。但2件餅一d都唔騷，出奇地好食。我同媽媽鍾意食Apple crumble多D，鍾意有D果肉食下，又唔甜。爸爸就鍾意另

出去同朋友食飯經常大魚大肉，多肉少菜，所以今次我就提議食素食，同大家清清腸胃。無諗到餐廳面積幾大，而且座位寬敞。金莎蘆筍苗將蘆筍，菇同鹹蛋黃一齊炒，炒過嘅蘆筍仍然爽脆，整碟菜都充滿濃郁既蛋黃香，不過食多幾啖我覺得味道鹹左少少。鮑片麒麟豆腐最頂層係花菇，之後係素肉，鮑魚菇同墊底既豆腐，蠔油芡味道濃郁，不過西蘭花略嫌太硬，好彩墊底既豆腐口感軟滑而且有豆香。圍村蓮藕餅咬落去食得到蓮藕絲，非常爽口，可惜炸粉較厚，而且炸得太油膩。薑茶菊花賣相十分精美既一道甜品，盡顯廚師既刀工，把質感軟滑既豆腐切成長短一致既菊花狀，口感嫩滑，糖水薑味濃郁﹗ 有機可樂比想像中好飲，好過健怡可樂。而且成份天然， 不加防腐劑及無咖啡因。雖然今次既食物唔係全部都令我滿意，不過餐廳既服務態度良好，又細心解答我地既問題，希望將來會見到餐廳既改善。

係香港，茹素並不容易，素食餐廳不多，而好吃的素食餐點更加難求！呢間位於旺角的素食餐廳其實我已經幫襯多年，佢地隔一段時間會加入新菜色，menu時常會有新驚喜，亦與一般中式素食不同，有時會加入日式或者西式元素，令素菜都可以變化多端！今次約埋兩個女仔朋友來吃晚飯，叫左一D招牌菜，同未試過的菜色。座位好寬敞，同埋冇擺放任何宗教切物品，令人舒適自在!首先當然係前菜，第一個嚟嘅係"日式芝麻醬山藥"。成日聽人講山藥好有益，但唔知點樣配搭好吃，原來可以加埋木耳，襯埋芝麻醬，好似日式沙律咁！相信冇人會唔喜愛吧！山藥係爽口的，味道稍為清新，感覺仲好健康！第二個菜係店長推介嘅"圍村蓮藕餅"。質感比較香脆，有少許煙韌，味道唔錯，好香口，點D喼汁食都幾開胃。不過煎炸嘢我有D怕熱氣，所以食左一舊！跟住主菜嚟喇，係"金莎蘆筍苗"！呢個要推介下，好香咸蛋黃味！有菇菇(唔知叫什麼菇)、蘆筍苗、紫菜絲！金沙即係好似平常食黃金蝦面頭的咸蛋黃咁，勁惹味！平時食蘆筍係會有D渣嘅，但呢個係蘆筍苗，所以超幼嫩，完全冇渣！唯一係比較油左D~另一道主菜係"招牌蓮藕沙拉骨"。聽個名仲以為係用素肉整嘅沙拉骨，原來係腐皮包住蓮藕，配菠蘿沙拉

大家好， 皮蛋豆腐係一對鐘意食野既couple，不過我地成日都唔記得我地食過d乜，所以就決定開番個openrice account，有時間既時候就紀錄下食過既野啦 今日皮蛋同豆腐出左旺角買d電話配件，行行下到左晚飯時間，就沿住洗衣街行睇下一路行有無d貌似健康d既餐廳。皮蛋豆腐基本上一個星期7日都出街食，所以盡量都想搵d比較清淡既野食。一路行見到呢間叫素食一家既餐廳，入面都幾多人，menu上好似都有唔少選擇，好啦，今晚就食下齋la。去到六點半左右，一兩分鐘就安排到位置，嘩乜原來香港咁多人茹素同咁早食飯，間餐廳咁早已經full house咁滯。Good有得坐卡位，睇下有咩食先。餐牌上野食賣相都唔錯，似酒樓啲小菜，但黎得食素，都想食得健康啲，最好少油少鹽少味精。因為我地得兩個人，所以只叫左幾碟份量少啲嘅菜：先來一個大紅一品鮑魚翅，睇落幾足料，調味都唔算濃，冇咩味精味，可以。跟著係紅油抄手，粉皮幾滑，入面係啲素肉，個汁就唔係平時食開嘅純辣油，而係有少少花生醬味嘅汁，相對冇咁油，味道唔錯，但對我來講就唔太夠辣（可能因為我平時食得幾辣）。再來係圍村蓮藕餅，應該算係最多人叫嘅招牌菜！雖然係炸的，但

家妹10多年前開始茹素 (全素,不是奶蛋素)心知出街食飯真係好難!真是慘過食"紙"!齋館嘛!其實不太健康,那些油炸的腐皮,真的絕不健康!這幾年,因為 Green Monday 成功植入腦袋終於大家都意識到食素是一件健康的事,而今晚的餐廳,我十年前都已經有來,喜歡他們味道清淡,不會因為是素菜而胡亂調味,當然有大量非老土齋選擇!今次是同斷食同學聚會,朋友仔好健康的,深知什麼是最有益,所以我地都無老土齋!!!先來的是上湯肉碎溫室豆苗 ($59)豆苗只是輕輕過水,菜身依然是很挺,不會變成一堆爛泥!上湯咸咸地的濃身,比較似一個獻汁,最喜歡的是菜在上面,沒有被上湯浸著... 雖然浸了也屬清淡口味圍村蓮藕餅 ($69)呢個係比較舊式的素菜,蓮藕餅厚身,煎得香口,入口脆脆地,灑了一點點胡椒,惹味但毫不油膩,碟上不留半點油跡!最近素食愈來愈強,在面書我也有Like 一個叫素食達人 Elvis Chan 陳浩然 的專頁,因為他介紹的素食都是易煮,而且不是老土齋,我和妹妹也有參考他的介紹,而這裡有一系列的新菜式都是由他參與簡單設計,我們見到當然會叫一個來試試:黑松露雜菌豆腐 ($88)一上台已經聞到黑松露獨

近來香港人著重健康，食素嘅人真喺越嚟越多，而且素食會令到人心境平和，腸胃健康！出名食肉獸嘅我，上次同班麻甩同事食過飯後！喺都唔甘心，點都要試多次依到嘅齋菜！哎呀，其實應該喺素食先啱！仲要喺新派創新素食！今次真正咁試清楚幾款主打菜色！當然頭盤《上海紅油抄手》緊喺唔少得啦！今次熱辣辣咁食，辣味真喺有少少少少刺激，但配上素菜做嘅一口小雲吞，真喺非常吸引，而且好想叫多碟嚟試吓！依個《香酥荔茸卷》真喺好食，雖然經油炸，但都只喺炸香外層，令到整件芋頭餅結實鬆化！味道方面芋頭味道十足，可見用料新鮮香口！依個真喺送飯一流！其實我唔喺咁鍾意蓮藕，因為個種味道太難接受！但依個《圍村蓮藕餅》真喺追上年青人口味，賣相同出面嘅油炸魚餅差唔多，但味道緊喺唔同啦！雖然油炸唔算好健康，但依個做法，我自己又好鍾意食同收落喎！一向都好鍾意食玉子豆腐！依個《黑松露雜菌豆腐》 唔單止食到玉子豆腐，而且仲有好香嘅黑松露香，真喺超正！估唔到素食都可以咁樣表達，果然真喺好新派！《日式野菜秋葵燒餅》真係新派做法，完全適合年青人嘅我，唔同醬汁令到味道唔會咁淡身，而且比起傳統齋菜，真喺幾驚喜！口感真喺好似食緊日式燒咁，煙靭彈牙齒！裏面仲