光榮冰室 (厚福街) (已結業)

今晚團年飯揀左來呢度, 亦都係第一次試佢既煲仔飯其實佢既食物種類簡單, 都是比較港式地道的, 今次就叫了紅豆冰和凍唂咕 紅豆冰奶香紅豆粒夠稔, 但我吾知唂咕原來好苦, 麻煩佢地幫我地加左糖水都仍然好苦 😣 炸雞脾皮脆肉軟, 又夠大隻 😘煲仔飯即叫即整, 所以等約 20 分鐘, 我叫左「土魷肉餅飯」和 「蒸魚腩飯」土魷肉餅賣相看似普通, 吃下去才發覺食材新鮮, 土魷香味 而蒸魚腩都好好食, 冇咩魚腥, 肉質彈牙, 再配合煲仔飯豉油, 最後竟然連飯焦都食晒 😆

天氣凍，最好食個煲仔飯來暖暖身。這間光榮冰室同一般茶餐廳無異，裝潢都是簡單光猛，一樣有齊炒粉麵飯及是日快餐等，連懷舊的滾水蛋，牛肉茶都有提供。但眼見多數人客都是叫煲仔飯的，這裡的煲仔飯多達十多款，更有一款岩自己的。最後我們點了一個最傳統的土魷肉餅煲仔飯，上枱的時候，仍然未開蓋的，聽說這樣離火焗一焗，飯粒會更加分明、飯粒油潤煙韌，食至最底，還有金黃香脆的飯焦，脆而不燶。厚厚的肉餅肥瘦適中，好好鬆化，不會死實，加入土魷，更加有咬口。煲仔飯豉油都很緊要，這裡的豉油比較稠身帶甜，減輕了咸度。有飯，當然要有湯同菜，所以另外點了清熱下火的香茜皮旦魚片湯，好足料好夠味，鍾意芫茜的香，魚片夠滑。另外，加$20 有碟油菜，鍾意它不會太油，適合減肥的女士們。以後食煲仔飯不一定到廟街了。

今晚到了尖沙咀厚福街的「光榮冰室」吃煲仔飯，其實是路過看見冰室竟然有經濟實惠煲仔飯供應，加上天氣轉涼，就很想一試！懷舊飲品中更有經典谷咕、滾水蛋、牛肉茶.......雖然不是很肚餓，但煲仔飯的確有吸引之處，三人共享用兩款：窩蛋鮮牛肉煲仔飯$72、土魷肉餅煲仔飯$68，加配蠔油菜心$20，加特飲紅豆冰、熱鹹檸蜜、熱谷咕每款$12。我的紅豆冰，紅豆夠腍又大粒！蛋香能令鮮牛肉煲仔飯味道得到提升，剛剛熟的牛肉夠鮮嫩，暖笠笠飯香又美味。靚靚仔仔的土魷肉餅，一見就開心，可惜香甜土魷太少了！煲仔飯的飯焦香，又怎可不吃！！！合時令的菜心夠腍甜，少蠔油少油夠健康！街坊價加埋食物不錯，自然客似雲來！