阿元來了 (鴻圖道)

营业中

休息中

上星期四黃昏試咗觀塘名物阿元來了，真係好多好多人排。 阿元魯肉飯(大碗) ，份量其實唔算太大，剛剛好吧，但魯肉肉質嫩滑，搭配著米飯，帶有一點點香料的香氣，實在配合得不錯。 塩酥雞，雞塊外皮確實炸得很脆，內裡的肉質也還可以，是道頗受歡迎的小吃。接著是，雙蛋蝦仁煎，蝦仁新鮮，煎蛋口感不錯，雖然沒有太多特別之處，但味道還算中規中矩。 最後是一碗香菇肉羹湯，湯頭清淡，香菇和肉羹入味，是一碗比較家常的湯品。整體而言，味道還算可以，價格也相對親民，算是一個不錯的選擇。不過，可能有點小小失望，沒有達到我預期的那種驚艷水平。

朋友經常黎食，上一次專登晚上去，但由於太多人試唔到。今次趁完左活動，3:00前往去食個下午茶，下午茶時段不用等位，而且唔多人。環境非常有特色。讓我回想了台灣的旅行及美食。魯肉飯（小碗）（ $33 ）古早味的魯肉飯，飯上的魯肉為半肥瘦，配上醬汁配飯一流。食落唔會有太肥膩的感覺。小碗比相像中大碗，女仔非常適合叫細碗，這樣便可以試不同的美食了。塩酥雞（$37）香脆的塩酥雞，啖啖肉，不會有太厚的粉團。惟雞肉有少少「鞋」。玉米起司蛋餅（$30）最愛食台灣蛋餅的我，當然要叫蛋餅啦。蛋餅皮來自台灣，另外蛋餅上及辣椒醬的醬汁都非常有台灣的味道，懷念台灣的日子。如果餡料可以在豐富點則更正。手作風味水果茶（$35）大推，好好飲，係有少少甜。但茶底好飲，水果味濃。有豐豐的水果在內，百香果、橙、蘋果、青檸、菠蘿等。皇室奶茶加仙草（$22+$3）

想要感受台灣味道，風景，特色等等都未知何時才可以一一去感受，始終疫情都尚未有完結的一天，但慶幸是香港是一個可以品嘗到各國美食的地方。而今次就去了‘阿元來了’，暫時當自己身在台灣吧，舖頭地點都近地鐵站，只需步行大概5-10分鐘就可到達。尚有很多食物未能品嚐，等待下次再臨。蚵仔大腸麵線台灣食過阿宗麵線，而阿元都做得好好食，蚵仔好肥美，大腸爽口，唔會太太希，轉眼間已經食哂，台灣味道就係台灣味道。台南擔仔米粉台灣米粉又係爽口彈牙，加上肉燥魯蛋，美味可口。塩酥雞雞滑無炸過籠，香口，送啤酒一流。肉燥青菜青菜沒有好大特別，但菜係靚既，如果係台灣菜就更好。食物價錢都唔貴，底食既台灣之選。經典奶油紅豆餅新鮮熱辣，即叫即整。好好食，記住要留肚品嚐。

好耐之前已經知呢間出名食台灣野既餐廳, 見星期六番工就想去試下, 一點幾到步但都已經有好長排隊人龍, 大概排左45分鐘度, 而排緊隊既時候職員好好咁每人派左餐單俾我地先填揀食咩見到meau樣樣都好似好好食! 經過門口既時候仲有車輪餅可外帶入到舖頭覺得比我想象中靚!(о´∀`о)好有台灣地道環境! 對於好耐無去旅行既我好似番左台灣食野( ´ ▽ ` )雖然排隊需一段時間, 但上菜的速度好快, 服務都很好, 需要多set餐具時職員好快都遞上鹵肉飯@$32鹵肉飯既份量係一個人既份量度, 鹵肉既咸度適中, 不會太硬, 但比較乾身, 因為同朋友打算飯加小食share食, 所以感覺份量剛好鹵味拼盤@35很有口感的拼盤! 每款拼盤切條裝所以很好咬, 不過撈飯食先會無咁鹹; 意外地份量超多! 塩酥雞@37超香脆可口, 每一小粒放進口size就是剛好(´∀｀)一流的小吃~酥炸魷魚@39魷魚稍微覺得油了一點, 每條都很大條, 同樣份量大足總體來說, 很喜歡這餐廳! 超地道的台式餐廳(๑˃̵ᴗ˂̵)終於明白這間餐廳為何長期需要排隊等候, 因為真的高質! 價錢不算太貴但份量很足

同Miss W買完車輪餅就過左隔離‘阿元來了‘食午餐，但發現原來可以同時order車輪餅，咁我地咪白白企左15mins😭😭,不過如果唔係都欣賞唔到個製作過程！一入去’阿元來了‘就已經比佢7-80年代戲院裝飾吸引，有好多以前嘅電影海報、標語貼圖等等，非常有趣😁😁我同Miss W一時失策+眼闊肚窄共叫左4樣野+2杯飲品，分別係：1.‘阿元魯肉飯’$42 中形size配有粗粒魯肉、半隻滷蛋、2-3條白菜仔甜咸度適中，明顯遷就左香港人口味變得失去台灣特色，有d可惜😔😔2.‘蚵仔大腸麵線’$40，都係中形size但就滿滿1碗好滿好滿，蚵仔約有5-6隻，大腸就得兩嚿少左d,但非常非常好味，完全就係台灣嘅美味😉😉3.‘爆濃起司蛋餅’$30，蛋餅又係台灣獨有嘅美食，芝士又超多每口都feel到芝士係口內爆漿嘅感覺，好滿足喔😋😋但記得要襯熱食，芝士凍左就唔好食😌4.‘塩酥雞’$37 炸得酥脆，口感唔錯沒有‘銀’口嘅感覺，但炸得唔夠均勻，有幾粒乾左d最後兩杯飲品‘楊桃汁’+‘西柚綠茶‘都較淡味，特別係楊桃汁如果酸度同甜度各加多一度就一定有90分👍🏻👍🏻最後我同Miss W兩位女生都清曬所有食物，雖然好飽但都

同朋友係觀塘行街搵地方食晏，佢提議話帶我去食呢間餐廳，我地係觀塘行去行左好耐，後尾先知原來牛頭角出會近好多🤦🏻‍♀️慶幸去到撞正唔多人(但都爆場嫁)排左2,3分鐘就入到去食。不得不提就係嗰到既環境，裝修得非常有心思，好有台灣既風味！👍🏻連佢地既店員都係台灣人黎嫁，全部都係用國語溝通既紅燒豬軟骨飯🍚 $45/碗份量都幾足夠，紅燒豬骨非常惹味，味道唔錯👍🏻不過其實呢到最出名既係魯肉飯，今次無試到，下次一定要試番！台南擔仔米粉🍜 $36/碗同樣份量都係好足夠，湯底清清地唔會話好濃味，米粉加左蛋，蝦同牛丸之外，仲加左肉燥，味道唔錯！值得一試🤨爆濃起司蛋餅🧀 $30/份呢個係必定要試！煎蛋餅入面夾住芝士，芝士煎到有爆醬溶溶地既效果，超級好食！絕對唔會令芝士控失望😍😍😍一份有4件，兩個人食啱啱好❗️塩酥雞 $37/份炸得非常酥脆，雖然係要炸既，但唔需要等好耐，落單後好快就送到黎👍🏻仲要係熱辣辣既！食台灣菜點可以唔嗌塩酥雞🤤🤤香芋珍珠奶茶;胚芽珍珠奶茶🥤係台灣店嗌番台式飲品當然無令人失望啦😝呢到既飲品選擇都幾多下，自己落單既時候可以揀埋甜度，同埋需唔需要多冰/少冰🧊我今次揀左7分甜，但其實都好夠甜呀，所

觀塘區真係越來越多好野食🤤今次試下阿元, 7點左右到, 好好彩唔洗等位, 上菜速度都好快手好快有野食落肚🤰🏻<魯肉飯>魯肉夠哂香, 比較係台灣夜市食到既魯肉飯, 呢碗味道上差唔多, 食落冇咁油膩但會少啲豬油香🐖呢碗份量少, 一個人食一碗唔夠飽(除非你真係好細食啦, 咁我都冇野好講😂🤷🏻‍♀️)<爆蛋雞肉飯>well~ 冇爆蛋因為蛋漿唔多😂雞肉調味唔錯, 加埋雪菜, 成個飯好香👍🏻<塩酥雞>好似係食肉獸必叫?!🐻剛炸起黎熱辣辣上碟唔會唔好食👍🏻<芋泥蛋黃卷>見到食評明明有蛋餅但搵哂成張點餐紙都冇🧐諗住蛋黃卷都差唔多, 點知...😅芋泥好飽滿, 入面同出面都有蛋黃碎, 但食落冇咩蛋黃味, 可能芋泥太搶fo (?!)<九份芋圓>芋圓提供冷&溫選擇, 但冷原來係加冰🧊溝淡左啲花奶添🍼仙草比較碎, 個人比較鍾意一舊仙草凍大啖大啖加埋花奶食會正啲😉三色芋圓: 芋頭, 紫薯, 蕃薯三隻都好好食夠哂咬口😬<冬瓜茶><冬瓜檸檬>檸檬味會重啲, 所以成杯野好fresh, 岩哂食完油膩野煎炸野同芋泥

成班friend係觀塘工廈玩party game，去之前就搵左呢間出名食台灣野既舖頭醫下個肚。因為本身唔係好肚餓，所以兩個人share左一個魯肉飯，個飯比起想像上大碗，我地兩個人食都飽飽地。魯肉鋪滿哂一碗，好夠味，同台灣個邊食既魯肉飯都差唔多。之後我地仲叫左蚵仔煎，不過呢個落得太多粉，唔係咁好食。另一樣令我驚喜既係地瓜球，雖然下面好似唔係地瓜，但係甜甜地炸得幾脆。總括黎講，呢間舖食物質素唔錯，而且裝潢都好有舊式台灣風格，推薦大家黎試！

想食台灣菜，我第一下就會諗起阿元來了.之前係西環店食過，覺得好好食.而家觀塘都開咗分店，終於唔洗山長水遠去西環食了. 我和朋友大約8:00pm到餐廳.排了10分鐘左右就可以入去坐了.入去坐之前可以揀定想食咩.店內裝修好有台灣懷舊嘅感覺.上菜速度都算快，等咗10分鐘左右就有嘢食.魯肉飯 HK$29個碗雖然細，但魯肉份量超多.魯肉肥瘦均勻，食落唔會油.依個飯嘅份量，女仔食應該覺得啱啱好.阿元魯肉飯 HK$39阿元魯肉飯比魯肉飯多咗菜同埋半隻蛋.而魯肉嘅份量相比之下都係少DD嘅.不過味道同魯肉飯係一樣的.一樣咁好食.新竹貢丸湯 HK$20貢丸係彈牙嘅.不過我覺得個湯鹹咗少少.塩酥雞 HK$35依個塩酥雞炸得超脆，而且肉唔乾.味道又唔會太鹹.超好食.九份芋圓 (冷) HK$30芋圓口感煙韌，糖水唔會太甜.值得一試.總括嚟講，食物質素唔錯.雖然每碟份量唔係太多，但價錢都唔算貴.店員都好有禮貌.不過地點就唔係好近牛頭角地鐵站，由地鐵站行去都要5-10分鐘.但嘢食好味，我覺得行遠少少都值得嘅.

唔記得影香芋珍珠奶茶， $26一杯，冇芋頭香味，珍珠係細珍珠，都算有d咬口。叫左微糖，但都幾甜。總括而言，呢間算有啲係食環境，打卡影相係唔錯嘅！店員都好Nice，服務唔錯！d嘢食唔算好好食，大部份都係正常，唔難食，過得去。(但嘢飲可以係其他地方飲。)呢個價錢嚟講d嘢食算係OK，性價比ok。但未必會再番去食，想食台灣嘢食，可以試其他鋪頭。

整體黎講食物質素係唔錯既，但座位安排有啲怪，2個人同5個人都係坐一樣大既2人枱，座位都唔係太好坐，肥啲既人或屎忽大啲既人都會坐得唔舒服地方唔算大，啲位唔多，預左食完就要即走，因為外面都仲有人排隊，果陣時間都2點幾3點啲人唔知係咪諗住當食下午茶☕️

呢間餐廳星期六日都唔開，收工行過黎朝下聖先！每一碟既份量都唔算好大，所以可以叫幾樣試下⋯⋯冷盤小菜青瓜拼茄子，茄子都幾入味，而且夠凍！滷味拼盤有豆腐、蛋、豬耳同埋雞翼味道普通，無咩特別出色！新竹頁丸湯同係台灣食有D唔同，個湯比較濃味，而且好大陣炸蒜既味道，都唔錯！鹽酥雞依家出面咁多炸雞店，相比起黎呢度既鹽酥雞無咩特別，味道OK！蚵仔煎成餐比較特別既係呢一味菜，佢既做法同傳統台灣有D唔同，餅中間夾左一層好似糯米糍口感既粉團係度，食落好有口感，味道唔錯呀！魯肉飯佢既肉唔係一般台灣傳統會用既肉碎，而係用肉絲，不過唔影響個味道，一樣咁出色！百香果紅茶&黑糖牛奶珍珠兩杯都好有台灣味道，就好似係台灣街邊飲品店既出品呀！九份芋圓（溫）芋圓既口感同係九份食到既一樣，不過敗筆係個糖水，太甜了！！香港有好多食台灣野既餐廳，不過無幾多間可以食到有台灣既味道，呢間餐廳雖然有D改良左傳統台灣美食既煮法，不過依家佢既食物依家好有台灣既味道，值得一試呀！