海鮮島海鮮酒家

营业中

休息中

布袋澳一直係我嘅家人好喜歡嘅食海鮮點，最主要係為咗食依度好有代表性嘅墨魚刺身🦑，同埋每次媽咪都會順便喺村口嘅乾貨檔買章魚乾返屋企煲湯。墨魚剌身 - 布袋澳嘅代表作。墨魚好新鮮片得好薄，好食過好多日本餐廳。墨魚第二食係炸墨魚鬚，好脆好味。白灼蝦 ～ 新鮮彈牙，我本來敏感但偷偷食咗一隻！唔記得影相添！😋豉椒炒蜆 ～ 好味但汁少咗啲。白灼東風螺 ～ 好新鮮。椒鹽瀨尿蝦 ～ 依碟最貴，雨件大瀬尿蝦盛惠五百幾。雖然好食，但可能下次叫龍蝦可能仲抵啲。菠蘿咕嚕肉 ～ 個人認為比較遜色，肉有啲硬。蒜蓉粉絲蒸扇貝 ～ 蒜蓉略嫌有啲生，但豉油汁就好味，扇貝好厚肉。炒白菜 + 楊州炒飯 ～ ok！不過不失，滿意。旁邊嘅糖水檔，我本人就只愛依度嘅涼粉，加咗奶感覺有啲懷舊。家人話其他糖水口味就似乎麻麻。走之前再睇返吓布袋澳嘅魚村景色都幾舒服㗎！

舊同事無啦啦提議入去布袋澳食海鮮，自己揸車真係好快，尖沙咀市區入去大約20分鐘就到。兩個人坐低主打叫咗墨魚兩食: 一味係刺身，另一味係酥炸魷魚，另外叫咗個時令海膽炒飯，雞泡魚干同油麥菜。海膽炒飯飯粒炒得鬆夠熱，海膽味不算太濃，可以話係幾淡味 墨魚刺身墨魚刺身好食! 師傅刀工犀利，每片墨魚切得好薄，咬落口感爽脆酥炸墨魚鬚雖然話係兩食, 兩人食嘅份量都叫做唔錯, 墨魚鬚放入口時都仲係熱辣辣，墨魚食得出係新鮮生檔，所以咬落有嚼勁同彈牙, D個好食!雞泡魚干雖然份量唔，多但咬落有雞泡魚味，送酒一流餐廳雖然位置於西貢最偏遠的布袋澳，但周末晚上都座無虛席，食完行出去碼頭吹下海風，郊外既空氣好清新同舒服, 下次可以早小小入黎睇日落.

又係同朋友食好嘢嘅時候，上次食過日本菜同西餐，所以今次想食海鮮。可以選擇的地方有鯉魚門、西貢、流浮山、布袋澳、三聖 ，而我哋今次就選擇咗布袋澳。因為我們會飲酒，所以為別人著想，我哋就搭的士入去。 我們今次book了八點鐘，所以由金鐘出發，車程只需45分鐘，而車資也只是港幣 250元。到達布袋澳天色已入黑，我們徒步大約三分鐘便到達海鮮島！非常多生猛的海鮮雞腳非常入味我們選擇了胡椒豆腐花甲湯， 非常清甜完全沒有沙。超大豉椒炒聖子， 非常爽口出名菜式，墨魚刺身， 好味到停唔到口。 而墨魚鬚就用嚟椒鹽鮮魷， 不會覺得太肥膩食海鮮唔少得嘅椒鹽瀨尿蝦，非常大隻三隻已有一大碟！睇下啲膏非常吸引蒜蓉粉絲蒸扇貝 白灼東風螺油爆竹節蝦再加蟹子炒飯底，冇得輸五個人的份量成枱都係正嘢，超好味！食到超飽，成枱海鮮也是港幣2500。最難就係食到十點幾好難搵的士，仲要見到野豬，哈哈！

數月前, 聽到公司有同事去布袋澳食海鮮, 雖然自己無緣參與 , 但已食指大動, D 喂食虫走晒出來了, 期待已久 , 終於等到啦 可能中秋節吧, 好多車入西貢, 在彩虹村已開始排長車龍了, 入到布袋澳已九點了, 幸好不太滿座, 即時有近邊看海景的枱 , 亞女要自己落網撈海鮮, 樣樣都想試, 終於選了點滿枱先來個豉椒蟶子皇, 好彈口又有鮮味 , 一流 椒鹽瀨尿蝦 , 炸到比較干身 , 沒有了瀨尿蝦的鮮味 , 普通啦墨魚兩味 --- 刺身+ 椒鹽炒球 , 每張枱都會 , 証明係好野啦 白灼東風螺 --- 店員極力推薦酒煮, 但老公話要揸車, 唔要酒 不過白灼都好鮮味 蒜蓉開邊蝦--- 蝦唔夠大, 普通啦. 仲有楊州炒飯, 紅燒豆腐 , 炒菜, 全部都好大碟, 好夠料 , 出名大飯桶的亞仔都大叫好飽 , 有半碟炒飯要打包帶回家呢. 特別場 ---- 順路兜了上飛鵝山一圈, 回程時已十二時多了, 架車因為水箱太熱, 唯有停入去龍翔道觀景台賞賞月啦, 可能下了場雨趕走D雲 , 個月亮好光好圓呀 , 呢個中秋真係超正

有朋友組團去行山, 因利成便去布袋澳食海鮮 一入到村聞到好香蒸糕味, 原來係適逢那間出名用柴火蒸糕的鋪頭開爐, 當然唔可以錯過! 每人都買左幾底由於朋友是導遊佢同老闆都好熟, 所以一切都原佢發版, 我地一行10人等食 叫左豉椒炒蟶子十分野味可能師父炒得太開心, 好多碎殼不過問題唔大, 不減美味! 蝴蝶蚌, 第一次食呢種貝類, 用來白灼點豉油食, 好爽好鮮味! 豉汁蝦, 又爽又野味, 不過有小小過濕, 汁小一點更好! 椒鹽魷魚鬚剛上枱一條條脹卜卜好正, 炸槳脆, 魷魚鬚沒有過火仍然很爽!墨魚刺身刀功一流, 片片都薄到透光! 下次再來一定會再叫!蒜蓉蒸扇貝鮮味, 爽口, 但汁太小了, 粉絲不能滲滿扇貝汁, 仍有進步空間!紫菜海膽炒飯! 又係第一次食, 好鮮既海膽味, 而且紫菜無炒到一pat pat 好炒功!

星期日和友人到布袋澳食海鮮兼慶祝生日，雖然地點較為偏遠，但依舊人頭湧湧。本來「預訂」了隔鄰發記的枱子，到達後才被冷淡地告知「無得留枱，先到先得」。無得留枱唔係問題，問題係佢地係訂枱嗰陣無同你講，照同你「訂」喎？！最後決定到海鮮島進餐。墨魚刺身 / 豉油皇墨魚：原隻墨魚兩食。墨魚刺身新鮮爽口，賣相亦不俗，果然是招牌菜。相較之下，豉油皇墨魚則較韌，亦少了一份鮮味。香蒜瀨尿蝦：整碟菜炸得甘香，瀨尿蝦亦很鮮甜，味道不俗。豉椒炒聖子：味道不及瀨尿蝦搶口入味，OK。蒜蓉粉絲蒸扇貝：扇貝略嫌細隻了一點，肉質味道OK。清蒸瓜子斑：游水海鮮，肉質嫩滑鮮甜，好食！貴妃雞：非常韌及「鞋」，麻麻地。菠蘿古魯肉：普普通通。蒜蓉炒白菜 / 腐乳通菜：菜幾新鮮好食。紫菜蟹子炒飯：紫菜腍了，口感差了一點。整體味道OK。