二家姐正宗原味麻辣火鍋

营业中

休息中

本人最鍾意烚下烚下🥢,尤其是吃麻辣火鍋.....諗起都流口水🤤！今次去咗”二家姐重慶火鍋”食，因為知道呢度多𠮩𠹌嘢💥,多內臟食材(鮮味）又處理得好好！🍲試吓湯底先，麻同辣恰到好處🤞🏾⋯⋯因為如果太多辣椒味，D甘草、八角就冇定企！豬腦🐷🧠～本身好鍾意食豬腦的質感，加入花雕🥃更香味更濃！鵝腸🦢更加是必食，大條、乾淨、夠新鮮！💡主食必吃紅薯粉🍜，Q彈而且好滑，唔好再食公仔麵la!

有好一陣子沒有吃麻辣火鍋，天氣還寒涼時就去試試新嘢！到店才發現原來同一條街有兩間分店，有充足座位，店內設計有濃厚的中國風的，值得一讚的是座位間空間充足，不會有與鄰桌同枱食飯的感覺我和友人都是好辣之人，直接點了麻辣鍋湯底。餐廳中的店員都有友善地介紹店內不同的招牌菜，推介幾款我和友人特別喜歡的鬼馬油炸鬼-本來我和友人是想點響鈴的，但是店員極力推介鬼馬油炸鬼，其實是釀了蝦滑的油條，上桌時是立刻炸起的，香口得來由嚐到蝦滑的鮮味，我們都對此讚不絕口另外一度特別的菜式是鵝血，一般坊間麻辣鍋都是提供鴨血，鵝血除了稀有外，對比起鴨血期質感較硬身，因此即使在鍋內烹調較長時間亦不用擔心會有一夾起就散的情況。至於鍋底味道當然是不失水準，我們點了小辣，麻辣味極香濃，可以說是十分正宗的重慶麻辣味，喜辣者一定不會失望

想試下二家姐麻辣火鍋好耐，今日同一個中意食辣既友人一齊黎試下。一入就有位，裝修好靚，好精緻，古色古香咁。我地湯底選左個鴛鴦鍋，麻辣係小辣，另一面係鮮清湯。湯底黎到之後發現餐廳好細心，選用左中間圓形既鍋係放鴛鴦湯底。中間係放鮮清湯，則邊就係麻辣鍋，咁就唔會好似普通兩邊鍋咁。夾食物既時候 d 麻辣湯就無咁易滴落去鮮清湯到。睇番相發現佢個鍋係寫住"無添加劑，不口渴"。而家諗番起，因為佢中間既鮮清湯好鮮甜，我飲左好多之後，食完飯的確都無好口渴！食野之後，店員仲比左兩條圍裙我地，咁就唔怕彈到件衫。而鼓油同醬料係$15 一位，每個人default 都要比，好似茶錢咁，所以 d 醬料可以隨便拎，種類都算齊全。我地兩個人食都叫唔到好多送，我地叫左鴨血、安格斯牛頸脊、半份雞、墨魚滑、金菇同菜籃。頭先講左個鮮清湯好甜之外，麻辣湯亦好出色，辣得黎好有麻香味。d 配料亦好高質，鴨血好實，好有口感。安格斯牛頸脊肥瘦均勻，食落仲好有牛味！半份雞既份量亦十分足，無雪雞味。呢個既墨魚滑好出色，比起出邊既有更濃既香味，咬落更有口感！係必點之選！食到中間有段小插曲，因為開始多人，而當時我地係兩個人用緊張4人枱，友人主動表

兔子和朋友在電影中心看完電影，就到附近找食物醫肚。渡船街一帶一向都有很多個性小食店，今次我們就來到了二家姐！雖然二家姐買的是重慶麻辣火鍋，但是兔子和朋友今天心情不好麻辣，最後選了香茜皮蛋作為是日湯底。湯底清甜，建議放任何食物之前先飲一碗，夠滋潤。兔子就先飲了兩碗，才慢慢放食物。打邊爐的醬汁固然也是重要一環，二家姐的醬汁是自行調配的，喜歡辣的有辣，喜歡重口味或是清淡，絕對悉隨尊便。初時朋友以為這兩個古色古香的是茶壺，但原來就是湯底！服務員非常細心，每次當湯底減少到一定程度的時候，就會主動為我們加湯，不會加水來沖淡湯底的味道。兩個人打邊爐，的確不能點太多食物，所以我們都非常克制地點菜，不想浪費食物。是日晚餐以蔬菜為主，再添少量肉類，已經非常飽肚了。墨魚滑相當出色，內裏竟然吃到一整隻墨魚，非常驚喜！萵筍新鮮，份量慷慨，是兔子最愛打邊爐的食物之一。黑豚肉大大份，兩個人吃很足夠，肉質新鮮，絕對沒有雪藏味。炸枝竹份量非常多，粟米鮮甜。整體來說二家姐食材新鮮，性價比高，環境帶點古色古香，空間感也非常足夠，不會跟別人人貼人的。最後不得不提，就是他們的廁所，絕對是”金碧輝煌”，大家萬物錯過！