茶木‧台式休閒餐廳 (已結業)

茶木已經成為左連鎖cafe了，好多地方都有分店，因此亦唔洗點排隊。今日午餐試左三款食物。阿麻手作葱油麵材料簡單，有花生葱花蝦米乾。葱油好香，不過有點油。麵係平時台式牛肉麵個隻，軟硬度夠，有咬口。 地瓜燉嫩牛腩味道具台風味，有好幾大件牛腩同牛根，炆得又淋又入味。不過個汁就咸左少少，如果送飯會更合適。另外，地瓜唔夠淋，甜味都唔太夠。士多啤梨蜜糖吐司不過不失，如果飽飽地食，又或者唔好麵包嘅應該會覺得好滯。中間嘅蜜糖粒唔夠熱，夾住雪糕食無左又冷又熱嘅感覺，麵包整体都夠脆。麵包大，配料如果多d好d，唔係太夠，最後淨返d麵包。另外，薰衣草珍珠奶茶唔叫都得，好甜又無薰衣草香味，珍珠硬左少少同無咩味。整体質素平均，就係連鎖食店嘅味道，唔會特别想再嚟多次。

以為是胡椒味重, 但原來是整個以辣油浸著的, 實在是個挑戰, 不能吃辣的便點錯了菜, 幸好我還可以撐著, 其實如果不怕辣的人是會喜歡的, 夠惹味, 夠刺激, 豆腐炸過但不是脆口的, 不過絕對夠熱看似很少麵, 但吃下條條彈牙的麵, 加上每條的粗度及質感, 原來是很飽肚的, 湯夠濃, 餃算大隻多料美味, 香菇可說是巨型, 都很香呢!好戲在後頭, 一格格的吐司, 充滿蜜糖味, 實在好味得離譜, 難以形容, 加上真有士多啤梨的雪糕, 很滿足很滿意, 是令人印象深刻甜品, 一定會回來!